بسم الله الرحمن الرحيم
الغريب(الثقب الاسود)
بقلمي: زينب مهيمن
لا تنسون التصويت والتفاعل بين
الفقرات عيناي علقوا لطفاً
❄️❄️❄️
البارت حيل تعبني من أمس احاول انشره،
بس مادري شنو الخلل؟ باجر الكم بارت ثاني
هديه وعد
لُجين
ام مهند: جا شنو كايل لابوك ابو غيداء مايقبل يرجع غيداء الا تجيب ورقة طلاك لُجين؟
نصدمت من كلامها باوعتله وهو ماحط عينه
بعيني
مهند: اي رحت اجيبها وجان هذا شرطهم
ام مهند: وانتَ شكلتلهم؟
مهند: ماطلك واذا غيداء ماقبلت ترجع قبل
ولادتها راح أطالب بيه بالمحاكم
ام مهند: يا يمه غير مرتك ام وليدك هي
مهند: و لُجين هم مرتي بولد لو بدون ولد
ام مهند: صارلك سنين متاني هل لحظه وهسه
تحجي هيج؟
لُجين: ترديه يطلكني عمه؟
ام مهند: لا تفهمين غلط بس مهند روحه
بالجهال وهذا ابنه
مهند: هذا العندي يمه ماطلك شوكت ما غيداء
تريد ترجع خل ترجع
ام مهند: ماتروح تتفاهم وياها؟
مهند: يمه كتلج من الباب فهمني ابوها على
طلبها بعد شنو اتفاهم وياهااااا؟
طلعت عمتي وهو راح سد الباب وقفله تمشيت
للكنتور اطلع ملابسي
مهند: وينننننن؟
- اريد اروح لبيت اخوي لا تخاف بس ارتاح
كم يوم وارجع
- ماكو روحه
شمرت الملابس من ايدي و واجهته احاجيه
بكل حركان كلبي
- دريت بيك متزوج ثاني يوم عرسناااا وجنت
تروح يمها واني عروس واكول ميخالف هي
مرته وهسه طلعت حامل وراح تنطيك يلي
انتَ تريدهههه بعد شكو اني باقيه هنااااا؟
- لا تصيحيننننن
- انتَ هذا يلي ركزت بيه؟ صياحي؟ مهند
فدوه خلي اروح لبيت اخويييي
أنت تقرأ
الغريب (الثقب الاسود)
Romanceبين جنة ونار ، بين ورده وصبار يولد الحب كترياق لروح بجسدين دقت القلوب تعلن عن شعور جديد ياخذكم لعالم خيالي ويسألكم هل اصبح هذا المكان ملك لشخص ام استأجار؟
