بسم الله الرحمن الرحيم
بداية جديدة مميزة ندخل عالم
الاحلام لنرى ماذا فيه؟
الغريب(الثقب الاسود)
لزينب مهيمن
نقطة مهمة يعني المشهد ما شاء
الله مشاهداته حلوة كبداية زين تفاعلكم
صوتوا واتركوا لمساتكم بتعليقكم
بين الفقرات
❄️❄️❄️
من اين البدء؟
لا ادري؟
ماذا عن طفولتكِ؟
ههههه ربما معتمه
لماذا ضي اذن؟
لانني إضاءة حياته
من؟
حياة ذلك الأسير
نغم: ربي كون صاروخ يوكع على المدرسه
اذا اخذ أقل ال98
ضي: هههه ال50 قابلين بيها
امشي بطيء رجلي وحده اطك بالثانيه
من البرد نهاية شهر الواحد بوحده من
ايدي كاضه كتابي والثانية ايد اختي
الأصغر مني
ضفايري ثنين مغطايات بقبعه راس
حياكه لونها احمر فرحانه اليوم اخر يوم
امتحانات نصف السنة للاول متوسط
نغم: هسه نلكه ماما حاطه جدر اللبلبي
على صوبه وياه رارنجج اححح حلكي
صار حامض بويايييي
ضي: كولي إنشاء الله ماشايله الفراش
اريد ارجع انامم
نغم: شكد تحبين النوم؟
ضي: راح تبدي العطله ويجن عماتي وخالاتي
ايععععع ولدهم وصخين
مدرستنا بعيده عن بيتنا نمشي هواي
الكاع زلكه البارحه مطرت بالليل وبكل
مكان اكو بقعة مي لازم نعبرها اني ونغم
نغم: خلي نجفص بالطين
ضي: تردين ماما تذبحنا؟ تتلوثين ويصير
بيج جرب
نغم: لا لا ماريد
شفت بيت جبير وبيه شجره مال نبك
باوعت على نغم وهي ضحكة عفت
أيدها ودنكت اخذت طابوكه اشمر عليها
حتى يوكع وأخذه حاولت اكثر من مره
ولو تنزل وحده لولا
تأفتت بضجر أخذت عوده مال خشب
لكيتها بباب بيت كاعد يبنون بيه شمرتها
على الشجره جان تروح على شباكهم
الفوك وينكسر
نغم: عزاااا
شهكت بصوت عالي كضيت أيدها من
طلع ابو البيت يلعن ويسب بينا ركضنا
بسرعه وصوت ضحكتنا ملىء الشارع
أنت تقرأ
الغريب (الثقب الاسود)
Romanceبين جنة ونار ، بين ورده وصبار يولد الحب كترياق لروح بجسدين دقت القلوب تعلن عن شعور جديد ياخذكم لعالم خيالي ويسألكم هل اصبح هذا المكان ملك لشخص ام استأجار؟
