بسم الله الرحمن الرحيم
الغريب(الثقب الاسود)
بقلمي: زينب مهيمن
لا تنسون التصويت والتفاعل بين
الفقرات عيناي علقوا لطفاً
❄️❄️❄️
قناة التليغرام lfoz_5
أسير: خويه متأكد من الاسم خاف
مخربط بالتحليل؟
يحجي متلبك انطاه الولد التحليل يقرأه
باوعتله عيونه مدمعه وشفته لامها يعض
بيها، باوعلي عض أيده ويصرخ صرخة مكتومه
- راح تصيرين ام لجهالي لج ضييي
هزيت رأسي اي ايدي على بطني اجعص
بيها وابجي نتر ايدي مانعني
- لا تأذين ابني
- هنا جاي ينمو روح صغيره
- لج اطلبي الدنيا كلها انطيج ياها
كلش فرحة بشوفته هيج مايعرف شنو
يسوي يروح منا ومنا
رجعت للدكتورة احساسي ماعرف شلون
اوصفه؟ جسمي نمل والضحكة مافاركتني
شرحتلي الدكتورة وضعي
- انتبهي لنفسج ضهرج منحني خلي
دائماً مخده وراج، تعاي اسويلج سونار
كمت للسديه حطت جل على بطني
باوعت على الشاشه كلها اسود باسود
كلشي مافهمت خلصت وشرتلي اكوم
- باسبوعج السابع أكثر شويه بكم يوم
اتغذي زين حملج ضعيف وكتلج خلي المخده
جوه ضهرج
هزيت رأسي اي وطلعت لأسير شفته
بيده جيس جكليت ويفتر على المراجعات
ينطيهن من شافني شمره عليه
- هههه مو هيج رأسي راح
انطه الجيس لحجيه جايه ويه بنتها وهي
فرحة تدعيله
- عساك بالولد الزين يحمل همك وهم مريتك
يحفظكم من كل شر
ابتسمت لدعائها وهو باسها من رأسها لابسه
فوطه لونها ابيض
- اشكرج حجيه
الحجيه: زلمتج سبع ما شاء الله يحفظكم
الرحمن برحمته ويفكس شكو عين عليكم
أنت تقرأ
الغريب (الثقب الاسود)
Romanceبين جنة ونار ، بين ورده وصبار يولد الحب كترياق لروح بجسدين دقت القلوب تعلن عن شعور جديد ياخذكم لعالم خيالي ويسألكم هل اصبح هذا المكان ملك لشخص ام استأجار؟
