نزل راسه الدكتور وقال : للأسف الاصابه كانت خطيره وفقدت الذاكره
انصدموا الكل وحطت ريناد يدها على راسها بصدمه نزلت دمعتها
الدكتور بتنبيه : رجاءً لاتشدون عليها بالتذكير إذا شديتوا عليها يمكن تفقد البصر ويجيها صداع حاد لأسمح الله
صقر : دكتور وش آخر شي تتذكره ؟
الدكتور : فقدت الذاكره في آخر خمس شهور
أنصدم صقر لان تزوجو آلماس وذياب قبل ثلاث اشهر وهاذا يعني أنها نست زواجها من ذياب
فهد : بيطول فقدان الذاكره ولا ؟
الدكتور : في هاذا الموضوع ماقدر أفيدك لان مادري هل بيطول ولا لا
قامت ريناد وقالت : نقدر نشوفها ؟
الدكتور : اكيد تفضلي
ركضت ريناد وفتحت الباب دخلت شافتها ماسكه راسها بتعب ركضت لها ريناد وحضنتها بأقوى ماعندها
ضحكت آلماس : أوله شفيتس بخير أنا ياقلبي
بكت ريناد وقالت : خفت عليتس مره
جلست ريناد بجنبها وميّلت راسها وقالت : كيفتس ؟
آلماس بهدوء : بخير بس صداع
دخل فهد وابتسم وقال : لموستي خوفتينا عليتس
ابتسمت آلماس : بخير يافهود الحمد لله
حضنها وقال : صقر بيدخل تغطوا
ناظرت اختها وقالت : وش جاب صقر ؟ ماهو بالديره
ريناد دمعت عينها من تذكرت أنها فاقده ذاكرتها : لا كان هنا بالرياض
تغطوا ريناد وآلماس
دخل صقر وقال وهو صاد : الحمد لله على سلامتس وطهور ان شاء الله يابنت العم
ابتسمت آلماس وقالت : الله يسلمك ياصقر ماتقصر وانا أختك
صقر بابتسامه : ابد بالخدمه وآخر الأوجاع ان شاء الله
ريناد ابتسمت : متى تطلع ؟
صقر ناظر فيها : بعد بكره ان شاء الله
جاء لفهد اتصال وطلع
آلماس : رنودي ابي أغراض
هزت راسها بالإيجاب وقامت عند صقر عند الباب
ريناد بخجل : صقر
فز وقال : لبيه وعيوني
ريناد بتوتر : بتطلع للديره انت وفهد صح ؟
صقر ابتسم من توترها : لا فهد بيروح لدوامه وبطلع أنا تحتاجون شي ؟
ريناد : آلماس تبي أغراض
صقر بابتسامه : اجلسي هنا ولاتطلعين ابداً لين أجي من الديره وقولوا للجود الأغراض عشان تعطيني
ريناد ابتسمت من حرصه : تمام
صقر : ودعتكم الله
ريناد بابتسامه : الله يحفظك
رجعت عند آلماس
آلماس : ريناد أنا ليش هنا ؟
ريناد بهدوء : طحتي من على الدباب وفقدتي الذاكره
مسكت راسها وقالت : عشان كذا يوجعني راسي
ريناد هزت راسها بالإيجاب
غمزت آلماس وقالت : وش بينكم انتي وصقر ؟
ريناد بتوتر : مابيننا شي
رجعت راسها وقالت : تحبون بعض صح ؟
ريناد بابتسامه : مره طيب وفوق ذا حلو
ضحكت آلماس وقالت : بأذن الله تجتمعون بالحلال
انحرجت ريناد وقامت تشرب مويه فتح الباب فهد وقال : كيف لموستي ؟
آلماس بابتسامه : بخير ياقلبي
فهد : بروح دوامي أنا شوفو صقر موجود مايقصر ابداً كان ودي اجلس بس اضطريت
آلماس : روح دوامك ماعليك
هز راسه بالإيجاب وقال : مع السلامه
البنات : الله يحفظك
آلماس : جيعانه أنا روحي جيبي أكل
ريناد بهدوء : لا قال صقر لاتطلعين لين أجي
ضحكت الماس : وش سويت ببنتنا ياصقر
شمقت لها ريناد بقهر
< بالديره >
مُنتصف الليل وصل صقر ونزل بيتهم يشوفهم كلهم بالصالة ركضت له ام فهد : صقر ياوليدي كيف آلماس ؟
صقر بهدوء : هدي ياعمه واجلسي أعلمكم
جلس وشافهم كلهم ينتضرونه يعلمهم
صقر : طيبه وبخير وقامت سولفت معنا بس
ارتاحوا وقال الجد : بس ؟
صقر : شاء الله وماقدر فعل وفقدت الذاكره
انصدموا الكل وكمل صقر : حتى زواجها من ذياب ماتتذكر
الجد بهدوء : لا إله إلا الله
بكت ام فهد وحضنتها ام محمد : ماعليه يام فهد اهم شي أنها بخير
صقر : جودي روحي جيبي الأغراض ارسلتها لتس بنت العم
هزت راسها الجود بالإيجاب وقامت تروح لغرفة ذياب وآلماس
< عند ذياب >
قام وشاف ضيدان نايم على الكنب ناظر جواله على الطاوله جنبه اخذه وفتحه بعد مُده شاف الاتصالات من آلماس ورسايلها
ذياب : بجي ونروي الشوق ان شاء الله
اتصل على صقر من جواله قبل اتصل من جوال ضيدان ولا رد
ذياب : وينك ياصقر مو عوايدك ماترد !
قفل من الاتصال وقام يعرج للشباك فتح وجاه هواء ابها وضباب ابها وبراد ابها
وقال بحب : يازين اجواء ابها
طلع دخانه وأخذ زقاره وحطها بين منطوقه وبدت هواجيسه نفث وقال : ياليتس معي وندفي بعض بذا البرد
رمى الزقاره من الشباك ورجع على السرير محتار بين المكابر والحنين يتصل او يكابر مسك قارورة مويه وشربها بجغمه وحده سمع صوت اذان الفجر وقام يتوضى راح عند ضيدان
ذياب بهدوء : ضيدان قوم نصلي
فز ضيدان وقال بصدمه : بسم الله كيف قمت انت ؟
ذياب بسخريه : بالله عليك شرايك انت كيف قمت !
ضيدان : طيب بعّد بكمل نومتي
ذياب بحده : اقول قم نصلي
قام ضيدان يتوضى وصلوا جماعه خلصوا
ذياب : بروح اجيب فطور
ضيدان : اقول تراك انت المكسور مب أنا !
ذياب : طيب ؟!
ضيدان : بروح انا
هز راسه بالايجاب وراح يجلس على السرير
قام ضيدان وطلع ضغط المصعد ودخل نزل راسه على الجوال فتح المصعد وكان منزل راسه صدم فيها وطاحت فازة الورد وتكسرت كلها ناظر باللي قدامه مصدومه
قالت بكل عصبيه : ماتشوف انت !
سرح ضيدان فيها وقفل عليه المصعد وهو بالنص صرخت من شافت المصعد يتقفل وسحبته من يده وقالت : وجع ضخم ماقدرت عليك
ضيدان بهيام فيها : اعذريني وتعالي معي فيه هنا محل ورد تعالي اشتري لك
وهج : لا خلاص مايحتاج
ضيدان بابتسامه : مابروح من هنا الا وانا شاري لك
ناظرت بلبسه يدل انه عسكري عقيد شافت اسمه كامل وقالت : شكراً ياضيدان معاد ابي
عقد حواجبه وقال قبل تمشي : كيف عرفتي اسمي ؟
ضحكت وقالت : مكتوب يالعسكري
حك دقنه من استوعب وقال : صح
لّزم عليها ومشت وراه وصلوا للمحل اللي داخل المستشفى وقال : يلا اختاري
هزت واسها بالنفي : مابي اكلف عليك
ضيدان بهدوء : يابنت الحلال مابوه كلافه !
عقّدت حاجبها وقالت : انت قصيمي ؟
هز راسه بالايجاب وقالت : وش تسوي بالجنوب ؟
ضيدان : كان عندي مهمه هنا
هزت راسها واخذت باقه جاهزة ومشى يحاسبها قال الكاشير المصري : ما شاء الله انتو متقوزين ؟
ضحك ضيدان بخفه : لا
نزلت راسها باحراج
الكاشير : باسم مين ؟
ناظر ضيدان فيها وقالت : وهج
حاسب ضيدان وطلعوا اعطاها الباقة وقالت : شكراً
ضيدان سرحّ بعيونها الخضراء مايشوف الا عيونها عشان النقاب وقال : عيونك طبيعيه ؟
هزت راسه بالايجاب وقالت : كثير ماعرفهم مايصدقون ان ذي عيوني
ضيدان : بسم الله ما شاء الله
ابتسمت له ومشت
ضيدان حك حاجبه وقال : لا إله إلا الله انشهد أنها وهج اسم على مسمى
مشى وراح للكفيتريا حقت المستشفى
< بالرياض >
كانت ريناد على جوالها تكلم صديقتها رفعت راسها من دق الباب وقالت باستعجال : نجد قلبي لاتطلعين صوت
نجد بهدوء : تمام
فتحت الباب بعد مالبست نقابها وشافت صقر صّاد طلعت معه وقفلت الباب
ناظرها وقال : ياصباح الخير يا طلة الصُبح السعيد
ابتسمت وقالت : الله يصبحك بالنور
صقر بابتسامه : هاذي أغراض حَرم ذياب
اخذتها وقالت : ماقصرت والله
صقر بابتسامه : بالخدمه ، افطرتي ؟
هزت راسها بالنفي
صقر : اختس نايمه
ريناد : اي بسابع نومه
صقر بابتسامه : اجل تعالي نفطر تحت
هزت راسها بالإيجاب
نجد وهي تحسب أنها راحت من عند صقر وكانت ريناد فاتحه السبيكر
نجد بصوت عالي : ذا اللي تحبينه والله باين من صوته انه مُز
ناظر صقر بريناد طلّعت عيونها بصدمه وضحكت بوجهه ضحك من صدمتها قفلت السبيكر وقالت : الله حسيبك يانجد
وقفلت بوجهها
ركبوا المصعد ودخل واحد معهم سحبها من طرف عبايتها وخلاها قدامه ابتسمت من غيرته وفتح المصعد وطلعوا جلسها على الطاوله وقال : خليتس هنا بطلب واجيتس
هزت راسها بالايجاب
أنت تقرأ
الله ياغرامٍ اعذّب من قصيَد
Poetryالكاتبة ألين انتِ دليل الشعر لا حَل هوجاس أحيان أصب الشعر وأحيان أصبّتس شوفتس يشد العين ويشدّ الأنفاس مفتون منهو ذاق جرحتس وطبتس الياس ما يدخلتس والقد ميّاس يالمايس اللي كل ما ضقت أذبّتس أحيان أحبتس مثل ما تفعل الناس وأحيان لا والله "...
