< في الصباح العيد الديرة >
الفرحة والطراقيع واصوات الاطفال اكبر دليل انه عيد
عند آلماس مركبة سماعتها وتسوي مكياجها خلصت فكت المكر من قُصتها ولبست التوب والتنورة وكانت جميلة وفاتنة جداً خلصت وتعطرت اخذت جلالها ونزلت تروح للعيد ببيت ابو حمد دخلت وتسمع صوت الاغاني الحريم بالبيت والرجال بالديوانية ابتسمت من اجواء العيد وطلعت جوالها تتصور تحس فيه شي حلو بيصير بس ماتدري وشو فتحت التيك توك ونادت ريناد تصور معها فيديو والامهات يسوون فطور العيد بالمطبخ دخلت عندهم آلماس وقالت بابتسامه : فطورنا بيكون عريكة ؟
ام فهد بابتسامه : لا مقرص
آلماس : الله يمي
وفتحت جوالها تصور اجواء العيد للذكرى وطلعت من المطبخ تكمل تصور
عند الرجال بالديوانية الكل مبسوط ورفع صوته ذياب وقال :
الله يجيب العيد ويصير عيدين
عيد الفطر ويوافقه عيد شوفتك
-
العيد شوفك ياحبيبي ولقياك
لمت يدينك في يديني هي العيد
المل : صح لسانك
راح عزيز عند صقر وذياب وقال : شوفوا اللي بيصير
صقر ناظر فيه وقال : وش اللي بيصير ؟
ضحك ذياب وقال : كلب انا عرفت وش بيسوي
ماكمل كلامه ذياب الا ورمى الكبريت " طراقيع " انفجع سلطان لانها كانت عند رجله بالضبط وقال بعصبيه : الله ياخذك ياشيخ
ضحك الكل وحتى الجد وقال : يعني لازم مقالبك ياعزيز ؟
ضحك عزيز وقال : ياجد تراك ضحكت !
ضحكوا ذياب وصقر وناظروا بعض وقال ذياب بابتسامه : العضيد ؟
ابتسم صقر وناظر فيه : سمّ ياذيابوه
ضحك ذياب وقال : ماتفقنا تناديني كذا !
ضحك صقر وحضنه ذياب من على جنب دخل فهد وقال بعلو صوته : السلام عليكم يارجال
قاموا الكل وقال الجد : ارحب يالعريس
ضحك فهد بخفه وسلم على الكل وقال : بروح اعايد امي وخواتي
راح فهد وقال ذياب : بروح اجيب شاحني من الغرفة
قام ذياب وراح لغرفته
عند البنات سلمت ام فهد على ولدها ودخلت وراحت ريناد وقال فهد : ارحبي ياخر العنقود
سلمت عليه وقالت : نسيتنا يالعريس ؟
ضحك بخفه وقال : وين لموستي ؟
ناظرت ريناد وقالت : تتصور دقايق بناديها
طلعت آلماس وقالت بابتسامه : ياهلا بفهودي
ابتسم فهد وقال : كيفتس ياروح اخوتس ؟
ابتسمت آلماس وقالت : بخير ياقلبي
راح فهد وباقي آلماس تتصور عند الباب لان اضاءة الشمس احلى من الداخل كان يناظر فيها بابتسامه وقال : انشهد ان العيد " شوفتس ولقياتس
ماهو بقول الناس " عيدك مبارك "
حضروا الفطور بالحوش والكل اجتمع على فطور العيد وافطروا وخلصوا والكل قام لغيبوبة العيد راحت آلماس لغرفتها وقالت بحده : رنودي تخيلي مسحت صوره بالغلط !
ريناد : احت انا بنزل تحت
فتحت آلماس على " المحذوفه مؤخراً " انصدمت من شافت صورها مع ذياب حطت عليها تشوفها طلعت عيونها بصدمه وقالت : ذياب ؟! مسكت راسها من حست بصداع وبدت تنعاد لها الذاكرة تذكرت زواجها من ذياب وتذكرت يوم راحت المستشفى معه تذكرت كل شي وقالت بلهفه وابتسامه : ذياب ذياب زوجي
نزلت دمعتها وتذكرت لما حضنها بالمطبخ وقالت : عشان كذا حضني ماكان يدري !
مسحت دموعها وقامت تعدل مكياجها وتتعطر نزلت سمعت اهلها يسولفون بالصالة ركضت تطلع وصلت الغرفة اللي هي غرفتها وغرفة ذياب قالت بنفسها : يارب ماقد نمت
فتحت الباب وكان مفتوح ابتسمت من شافته على جواله على الكنبه وقالت بصوتها الملهوف واللي فيه رجفة : ذياب ، البدّوي ؟
فز من سمع صوتها وقال : آلماستي ؟
قام وفتح حضنه وركضت تحضنه ضحكت بخفه من شالها عن الارض وقال : ارحبي ارحبي بذمتي
آلماس بابتسامه : البقى يابدّوي قلبي
حضنها باقوى ماعنده وقالت : احبك ياذياب احبك يابدّوي قلبي
ابتسم ذياب وهو باقي حاضنها وقال : اشتقت لتس ، جيتس لي خلت العيد عيدين يام حمد
ضحكت بخفه وقابلت وجهه وقالت : ام حمد مره وحده ؟
هز راسه بالايجاب وجلس وجلسها بحضنه وقالت بابتسامه تتأمله : احب ابتسامتك ياليت دوم اشوفك تبتسم ياذياب
ابتسم باحراج وقال : تدرين ماحب المدح ؟
ضحكت وقالت : اول مره اشوفك مستحي
رجع راسه ورا وقال بابتسامه وهو يحس الدنيا كلها له : عطيني علومتس ياحَرم ذياب
ابتسمت وقالت : تدري وانا فاقده الذاكره كان يبون يزوجوني بزياد ؟
ذياب بهدوء : لا ذي حتى ماتجي بالحلام ماسمح لهم ياخذونتس مني
ضحكت وقال : جنتل مان ياحبيبي
ابتسم من ضحكتها وقال :
العيد وجهتس والفايزين عيوني
عسانا نعوده بضحكتس غانمين
ابتسمت باحراج وقالت : اشتقت لابياتك
ضحك بخفه وقال : عز الله بتطفشين منها
آلماس بتعب : تدري اني مانمت من امس رمضان ؟
ذياب بابتسامه : روحي غيري لبستس وتعالي نامي معي
قامت آلماس وقالت : تم
طلعت من الغرفة وركضت لبيتهم دخلت الغرفة تشوف ريناد نايمه لبست بجامتها وتعطرت واخذت جوالها وسماعتها وطلعت تركض لذياب دخلت عليه وشافته بشورت ابيض وتيشرت اسود وقالت بأبتسامه : اوف كشوخي
ضحك بخفه وفتح لها حضنه على السرير وركضت تنام معه حطت راسها على صدره وهي سعيدة جداً حاوطها ذياب من كل الجهات وناموا سوا وكل واحد الدنيا ماتشيله من السعادة قرأت اذكارها آلماس وحصنته معها ونامت بحضنه بعد احداث كلها صدمات وبُعد ومواجهات عشان ماينفصلون ابتسم وهو مخطط لها سفرة بعد زواج الجود وفهد
< في الليل >
قامت من الحر تأففت وناظرت بجنبها مكان ذياب فاضي ابتسمت تتذكر الصباح وقالت بنفسها : استودعتك الله ذياب يارب تحفظه بحفظك
طلع من الحمام ولابس الروب وقال بابتسامه من شافها : صح النوم
ابتسمت آلماس وقالت : صح بدنك
ذياب : قومي عشان نروح نفاجئهم الحين حددو موعد زواجتس انتِ وزياد
ضحكت بخفه وقالت : مانتفارق مهما صار يالبدّوي
ذياب ابتسم وقال : صحيح يآلماستي
قامت وراحت الحمام وتوضت وطلعت تصلي اللي فاتها ابتسمت تشوف ذياب كاشخ ومّرسم قامت وتعطرت واخذت جلالها وقالت : يلا خلصت
قام ذياب يحضنها من على جنب ابتسمت بحنيّه وقالت : ذياب ؟
رفع نظره من على جواله وقال : سمّي ؟
آلماس بابتسامه : سم الله عدوك ، تدري بحب ريناد وصقر ؟
ضحك ذياب بخفه وقال : ايه
ابتسمت آلماس ودخلوا الديوانية سوا انصدموا المل من شافهم وقالت ريناد بصدمه : آلماس تتذكرين ؟
ضحكت آلماس وقالت : ايه اتذكر كل شي
زغرطت الجود وقام عزيز بحماس يزغرط معها ضحكت آلماس وناظرها ذياب ومسك يدها وقربها منه الجد بابتسامه : قريب ان شاء الله نفرح بحمد
كحت آلماس بصدمه وضحك ذياب وهمس لها : قريب ان شاء الله
ناظرته آلماس وقالت بحده : مو منجدك ! بالاحلام
جلسوا ذياب وآلماس وقام عزيز يصب لهم قهوة من الفرحة وقال ل آلماس : سمّي ياحَرم ذياب
اخذت القهوة آلماس وابتسمت لعزيز وقال الجد : شرايكم نروح العزبة نشوي ؟
عزيز فز وقال : تم تم ، والعشاء على آلماس وذياب
ابتسم الجد من كلام عزيز وقال : ها شرايكم ياذياب انت وحَرمك ؟
ذياب بهدوء : ابشروا ماعندي مشكله
وقرب من عند آلماس وقال لها : تعرفين تتبلين الدجاج ؟
صغرت عيونها آلماس وقالت : اكيد وش قالوا لك ؟
قام ذياب وقامت معه آلماس وقال : اجل بنسبقكم نجهز
هز الجد راسه بالايجاب ومشى ذياب ووقفه يد صقر وقال : صار اللي تبيه يابو حمد
ذياب بابتسامة : ايه الحمد لله
صقر : الله يرزقكم الذرية الصالحه
نزلت آلماس راسها باحراج وقال ذياب : اللهم امين ياحبيبي
طلعوا آلماس وذياب وقالت آلماس : انتظرني بروح بيت اهلي اكشخ
ذياب بابتسامه : لا تطولين
هزت راسها بالايجاب وراحت بيتهم دخلت غرفتهم
واختارت فستان ناعم ابيض لبسته واخذت كعب اسود بسيط لبست عبايتها واخذت نقابها وشنطتها ونزلت لذياب وقال بابتسامه : كل ذي الكشخه تراتس بتشوين !
صغرت عيونها وقالت : عادي
ركبت معه السياره وحرك ذياب وقال : ابوتس مو راضي عن زواجنا
ناظرت فيه وقالت بهدوء : ايه ادري جبره جدي
وصلوا العزبة ونزلت تدخل المطبخ اللي بالبر فسخت عبايتها وكانت كشختها جداً بسيطة لكن هي اللي تحّليها دخل عليها ذياب وناظرها سحبها من يدها وقربها منه وقال بصوته الثقيل :
واللي خلق لتس عيون سود ومعنّق
أني على كثر مابعد منتس احبتس
قبّلها من شفايفها ونزل يوزع قبلاته على عُنقها ابتسمت باحراج وقالت : ذياب ماباقي شي بيوصلون !
باس راسها بحنيّة وقالت رُغم انها مستحيه منه : بتبل الدجاج وانت بتشوي تمام ؟
هز راسه بالايجاب وابتسم يناظرها وهي تشتغل وقالت بسحى : لا تطالعني كذا !
ضحك بخفه وقال : بروح اشبّ النار
هزت راسها بالايجاب
مسحت على وجهها بابتسامه وبدت تتحقق دعواتها اللتي كانت تدعيها يومياً آخر الليل بالوتر
خلصت من تتبيلة الدجاج واخذتها تروح عنده شافته من بعيد ابتسمت من شكله رابط ثوبه على خصره ومسوي عصبه اتسع مبسماها من شافته يأشر لها تجي راحت عنده وقالت : العصبه حلوه عليك
ابتسم وقال : آلماس تمدحني ؟ ياحظي
ابتسمت باحراج وجلست بجنبه وقالت : حولهم يجوون ؟
ذياب بابتسامه وهو يشب : توني اتصلت على صقر اخوي باقي ماحركو
هزت راسها بالايجاب وقال : احستس مستحيه مني ؟
ضحكت بخفه وقالت : كذا انا استحي من اللي يمدحوني
ذياب بابتسامه : ينقصتس شي للزواج بكره ؟
آلماس بهدوء : لا اخذت كل شي برمضان
هز راسه بالايجاب وكملت آلماس تقول : ليش كذا برد غريبه ؟
ابتسم ذياب بهدوء وقال : كذا العزبه اجواءها بارده ، تعالي
فتح لها الفروه وجلست بجانبه ضمها هي والفروه ابتسمت من فاح عليها ريحة العود وعطوره على دخان وناظروا القمر سوا مع شبة النار وقال بصوته :
اشوف القمر واقول عندي قمر ثاني
غلاتس بقلبي شي يطغى على التشبيه
كيف أوصفتس والوصف يعجز عنه لساني
ابتسمت واعتلت تبوس خده وقالت : عساني مانحرم من صوتك
باسها على راسها وقال : ولا انحرم منتس ومن وجهتس الضحوك
شدت على حضنه وقالت : ممكن اطلبك طلب ؟
ذياب : أمري ؟
آلماس : تكفى اترك الدخان بس عشاني !
ضحك بخفه وقال : كل شي ولا ذا الطلب
آلماس بحده : طيب ترا مضر !
ابتسم وقال : تخافين علي ؟
آلماس امتلت عيونها دموع وقالت : ايه اخاف عليك اخاف تخليني مره ثانيه ! لاسمح الله
حضنها وقال : معاد بخليتس لا تخافين
أنت تقرأ
الله ياغرامٍ اعذّب من قصيَد
Poetryالكاتبة ألين انتِ دليل الشعر لا حَل هوجاس أحيان أصب الشعر وأحيان أصبّتس شوفتس يشد العين ويشدّ الأنفاس مفتون منهو ذاق جرحتس وطبتس الياس ما يدخلتس والقد ميّاس يالمايس اللي كل ما ضقت أذبّتس أحيان أحبتس مثل ما تفعل الناس وأحيان لا والله "...
