< اليوم الاول برمضان بالديرة >
قامت آلماس تصلي العصر رفعت شعرها من على وجهها وراحت الحمام تتوضى طلعت وفرشت سجادتها صلت وفتحت مصحفها تبدا بالجزء الاول لاجل تختم القران ناظرت من دخلت عليها ريناد معصبه تقول : آلماس تعالي ساعدينا ماباقي شي على المغرب
آلماس بهدوء : يلا بقرأ واجي
هزت ريناد راسها بالايجاب وكملت تقول : ترانا بمطبخ عمي حمد
آلماس : طيب بخلص واجي
طلعت ريناد وقرأت آلماس وُردها خلصت وقامت تلبس جلابية رمضان وتعطرت واخذت جلالها وطلعت من بيتهم ناظرت العيال يزرعون مع الجد بالمزرعه دخلت بيت ابو محمد وقالت : السلام عليكم
ردوا السلام الكل وقالت ام فهد : آلماس تعالي لفي مع السمبوسة
جلست آلماس بجنب امها تلف معها السمبوسة
وقالت للبنات : بنات وش تسوون ؟
ريناد بابتسامة : ترافل المانجا
آلماس ابتسمت وقالت : الله يمي
ام أصايل : آمال روحي افرشي بالحوش
هزت آمال راسها بالايجاب واخذت السفر وطلعت
وقالت آلماس : بنات شرايكم اليوم نروح المول ؟
نسرين : ليه ؟
آلماس بابتسامه : عندنا عزيمه بنص رمضان والعيد لازم اخذ فساتين
ام محمد بهدوء : ايه روحوا مع صقر ولا سلطان
ريناد : اي حتى انا احتاج اغراض ، يمه فهد مايجي يفطر معنا ؟
ام فهد : لا يقول مايمديه
الجود : مين اللي يفطره ويسحره هناك ؟
آلماس غمزت وقالت : يازين اللي يفكرون بس ، الخدامه هناك
ضحكوا البنات من شافوا الجود استحت
وقالت ريناد : تصدقون عندنا زواج بثاني العيد ؟
الجود بسخريه : لا احلفي زواج مين ؟
ضحكوا الكل وقالت آلماس : صح ولازم نتقضى للزواج بعد
ام فهد بحده : اقول اخلصو من الفطور
ضحكت آلماس وقالت : امي !
اذن المغرب وتجمع الكل حول السفرة ابتسمت آلماس من شافت هلال رمضان قالت دعاء الافطار وافطرت بالتمرة اول اكلت شوي وبعدها قامت تصلي المغرب وترجع تفطر
< المعسكر >
تجمع الكل بالخيمة الرمضانية على اصوات ضحك العسكر وقال ضيدان لذياب : كيفك الحين ؟
ذياب بهدوء : نحمد الله بخير
ابتسم ضيدان واخذ الماء يصب للكل
ضحك ذياب وقال : عايض تدري وش مشتهي ؟
ناظر فيه عايض وكمل ذياب يقول بابتسامه : عريكة وشاهي حبق اوووف
ضحك عايض وقال : حتى انا والله لازم نكلم الفريق محمد يوفرها لنا
ضحك ذياب وقال عايض بابتسامه : ضيدان من الخوي اللي تحبه ؟
كانت نية عايض يلّهي ضيدان عشان ياخذ السمبوسه وقال ضيدان بمزح : انت افضل خوي قسم
ناظر ذياب بصدمه وخز ضيدان ناظر فيه ضيدان وقال : اوف ابو حمد يغار جعلني فداك والله
ابتسم ذياب وقال : مجار من الفدا ياخوي
خالد بابتسامه : ذياب متى تصير ابو حمد رسمي ؟
حك حاجبه ذياب وتذكر وضعه مع آلماس وقال بهدوء : اذا رجعت للديرة ترقبوا
ضحكوا الكل وقال مُهيب بمزح : وش اسم زوجتك ياذياب ؟
ذياب بصدمه : اعقب !
وقال ضيدان بغمزه : اقولهم انا ؟
خزّه ذياب وكمل ضيدان : بالله خلني اقولهم من اللي ماخذه قلبك
ذياب بثقل : ماهوب ماخوذ باقي بمكانه
ضحك الكل وقال عايض : ياشيخ ؟
مُهيب بابتسامه : طيب بتسوي زواج ؟
ذياب ابتسم وقال : صح اني قد اخذتها بس بسوي مابحرمها من حقها
ضيدان بابتسامه : انشهد انك رجال يابو حمد
ابتسم ذياب بهدوء وتخيل شكلها بالفستان الابيض وقال بنفسه : عز الله بتلبسين لون قلبتس يام حمد
وقام وقال : قوموا يرجال للصلاة لاحقين على العيشه
قاموا وصفوا يصلون جماعه سلموا وقاموا يرجعون يفطرون
عايض انسدح وقال : ياجماعه معاد فيني اكمل دوام
جلس ذياب وقال بهدوء : هانت باقي 15 يوم والكل يرجع لدياره
ضحك ضيدان وقال : ابصم لكم بالعشره اكثر واحد مبسوط بالرجعه ذياب
ضحكوا الكل وقال ذياب : ضيدان افطر احسن !
خالد بملل : حتى مافي تلفزيون نشوف ؟
ضيدان : الا بالخيمه الثانيه
اخذوا صحونهم وراحوا الخيمة الثانية عشان يتابعون
< بالديرة >
الكل كان جالس على السفرة يفطرون على هبوب واجواء رمضان قام عزيز وقال : يمه حطيتي المطبخ كل بالسله !
الجد ناظر بعزيز وقال : يحتاج اجي معكم ؟
سلطان بهدوء : لا مايحتاج الله يطول بعمرك
آلماس بابتسامه : بالله ياسلطان سلم لي على الهنوف
ابتسم سلطان وقال : يوصل يابنت راشد
اعطته ام فهد السله وراحوا سلطان وعزيز للهنوف وقالت ام فهد : صقر البنات يبون المول
صقر ناظر وقال : مين البنات ؟
ام فهد : بنات راشد والجود وبنات خالد
تطمن ان ريناد معهم وقال بابتسامه : طيب تجهزوا بعد التراويح
ابتسمت ريناد وقالت من غير ماتنتبه على نبرة صوتها العاليه : والله انك عسل لو فهد نجلس ساعتين نطلبه
ضحكوا البنات على رياكشن صقر المصدوم من كلام ريناد وقالت آلماس بترقيع للموجودين : ياصقر ترا ريناد اذا انبسطت ماعاد تنتبه على نفسها
ابتسم صقر وقال بهمس : اهم شي انها مبسوطه
قاموا يصلون التراويح وبعد حوالي ساعه طلعوا من المسجد وركبوا مع صقر وقال : زوجة محمد ماتجي ؟
الجود ناظرت وقالت : لا بتروح مع محمد
صقر هز راسه وقال : خلاص احرك ؟
فزت آلماس وقالت : لا باقي ريناد
طلعت ريناد من البيت وركضت تركب معهم ناظرها صقر وقال : وينتس فيه ؟
ريناد بأبتسامه : رحت جبت حلا ودلة قهوه
ضحك صقر بخفه وحرك وقال آلماس : رنودي ترا رايحين الرياض هنا مو مسافرين
ابتسمت ريناد بخفوت وصبت للكل قهوه واعطتهم الحلا اللي سوته
بعد ساعه وصلوا المول ووقف السيارة صقر ونزل معهم دخلت آلماس المحل شافت فستان اصفر وقالت بابتسامه : اوف هذا يجنن
ريناد ابتسمت وقالت : الاصفر ؟ حرييييقه
اخذت آلماس ميديم وراحت تحاسب حاسبته وقالت نسرين : لايش اخذتيه ؟
آلماس ناظرت وقالت : للعزيمه لانه بسيط
آمال بابتسامه : بسيط لكن بتخلينه خيال
آلماس باحراج : ياقلبي والله
كانوا البنات يسولفون طاحت عينه عليها من دخلت المحل لوحدها لحقها ناظرت فيه وقالت بابتسامه : صقر وش رايك ؟
ناطر بفستانها المورد وقال : لاحظت تحبين الورد بس كيف وانتِ اجمل ورده ؟
ابتسمت باحراج وقالت : بروح اخذ البطاقه من آلماس
ضحك بخفه وشاف فستانها وابتسم وقال : جعلني اول من يعايدتس بالعيد
جت ريناد ومعها آلماس تحاسب وشافت آلماس توب اسود ومعه تنوره متخالطة الالوان وقالت : واو مره حلوه للعيد
اخذته واخذت فستان ريناد تحاسبه
وشافت البنات باقي يختارون وقالت لريناد : تعالي ناخذ اكسسورات
هزت ريناد راسها بالايجاب وقالت آلماس : تعالي باخذ كونسيلر
ريناد بهدوء : خذي لي معتس
اخذت آلماس اثنين وحاسبتهم وراحت تاخذ لها شنطة سوداء صغيرة حاسبتها واخذت كعب اسود للعيد واكسسورات وقالت لريناد : ماتاخذين شنطه ؟
ريناد ناظرت وقالت : لا معي
هزت آلماس راسها بالايجاب وراحت تاخذ عطور حاسبت وخلصت وقالت بتعب : شكل البنات مطولين تعالي نتقهوى
ريناد بابتسامه : اي والله مشتهيه قهوه
جلسوا آلماس وريناد يتقهوون وبعد نص ساعه جوهم البنات وقاموا مخلصين اغراضهم يرجعون للديرة
ركبوا السيارة واخذت آلماس سماعتها وبدت هواجيسها رجعت راسها لورا تفكر
< بعد ١٥ يوم ، دون احداث مُهمه بالديره >
الكل يستعد لرجعة ذياب والديرة كلها فرحانه وتشع فرحة رُغم انهم صايمين بس ذياب والشوق له الف والجد نادا الكل للعشاء بعد التراويح وبيكون اكبر عشاء عند آل فهاد بس عند ذياب مستعد وجداً للقاءها هي بالذات يبي يحضنها ويحطها بضلوعه يبي يروي الشوق اللي داخله اول مره يجي ملهوف من الدوره للبيت اول مره يجي من الدوره وتستقبله زوجته قبل كانت امه لكن الحين ؟ آلماس ومن مثل آلماس ، بس ليتنا نكمل غرق بالخيال بس لحظات ونرجع للواقع يجمع اغراضه وقلبه شوي ويطير من فرحته وقال ضيدان بضحك : شكلك متحمس يابو حمد
ابتسم ذياب وقال : ادعلي يابو فهد
ضيدان بابتسامه : الله يسعدك دنيا وآخره ويوفقك يارب
ذياب : بتمشي معي ؟ للعزيمه
ناظر ساعته ضيدان وقال : ماودك نفطر هنا باقي ساعه على الاذان ؟
اخذ اغراضه ذياب وقال : لا نفطر بالطريق يالله
مشى ضيدان وجمع اغراضه سريع وقال : قلت انا انك متحمس ماتبي تضيع دقيقه حتى
ضحك ذياب بخفه وشغل موتره وركب ويحلف بالثلاث ان قلبه يسبقه وحتى مشاعره اللي متلخبطه
عنها مايقدر يوصفها ماعرف هو بدا يحبها ؟ هو شوق ؟ هو فضول ليه ماترد عليه ؟ هو خوف ؟
بالديرة دخلت وقالت بدموع : اخواني ؟
قاموا حمد وراشد وخالد بصدمه وقال حمد : الجوهرة ؟
هزت راسها بالايجاب وقالت : اشتقت لكم يشهد الله
قاموا يسلمون على اختهم وقال خالد بابتسامه : ذولي عيالتس ؟
الجوهرة بابتسامة : ايه وهج و عمر
راحوا يسلمون وهج وعمر مسح دموعه حمد وقال : وش ردة فعل ابوي لو شافتس ؟
فزت الجوهرة من شافت ابوها داخل وركضت تسلم عليه دمعت عينه وحضنها الجد وقال : ارحبي يالجوهرة ارحبي ياغلا من جاء
الجوهرة بابتسامه : تبقى يالغالي
راحوا عمر ووهج يسلمون مسك الجد راس وهج وقال : بسم الله عليتس والعيون الله يحفظتس
ابتسمت وهج باحراج وراحت بجنب امها وقال الجد : روحوا سلمو على الحريم جوا وتعال ياعمر معانا هنيّا
عمر ناظر وقال : سمّ ياجد
دخلوا الجوهرة ووهج وقالت ام محمد بصراخ : الجوهرة ؟ ارحبي يالله انك تحييها
ابتسمت الجوهرة وقالت : البقى يالحبايب
سلمت على الكبار وهج وراحت عند البنات وقالت بابتسامه : انا وهج بنت عمتكم
آلماس بابتسامه : ياحلوتس بسم الله ما شاء الله
وهج ناظرت بآلماس وقالت : انتِ الحلوة والله
اخذوا وهج بعد ماتعرفت عليهم وراحت تتجهز معهم واذن المغرب وفرشوا الزوالى وولعو العقد والبخور والعطور كلها لاجل ذياب صلوا المغرب وبدوا الضيوف يجون وذياب باقي ماوصل عند آلماس لبست فستانها الاصفر مع قصة شعرها المدرج من فوق بس وكعبها البيج وكاشخه لابعد درجه ماتدري ليه حطت مكياج وتعطرت اخذت جوالها تصورت صورتين ونزلت تحت
ناظرت الكل مبسوط ابتسمت بهدوء تراقبهم لين جت ريناد وقالت : لموسي شكلتس يفتح النفس
ابتسمت آلماس وقالت : ذياب وصل ؟
عقّدت ريناد حاجبها وقالت : مادري ليه تسألين ؟
آلماس ببرأه : لان وصلوا الضيوف
ارتاحت ريناد وقالت : صح وصلوا
بالحوش وصلوا الضيوف وقال صقر لسلطان : خايف من ردة فعل ذياب
سلطان بهدوء : حتى انا والله
ناظروا الكل من سمعوا صوت جيب ذياب نزل منه ذياب وضيدان وقال الجد بعلو صوته : ارحبوا يارجال
ذياب وضيدان : البقى
ناظر ذياب الديرة تشع بالنور وكثرة الحريم اللي يدخلون والرجال اللي بالحوش راح يسلم عليهم ومعه ضيدان وصل عند صقر وقال بابتسامه الشوق : العضيد ؟
صقر ابتسم وسلم على راسه وحضنه وقال : ارحب في ذمتي
ذياب بابتسامه : تبقى ياصقوري
ضحك بخفه صقر وكمل ذياب يلسم ويتبعه ضيدان ذياب يحاول يخلصهم لاجل يجي للقاء الاكبر والافضل بالنسبه له وقال ذياب : يارجال بروح اسلم على اهلي
سمحوا له وقال صقر : ماعطاني فرصه اقول له !
سلطان بهدوء : خله بيدري بنفسه
تنحنح ذياب ودخل الصاله وشاف امه وقال : ارحبي يالغاليه
ام محمد بدموع : ياهلابك يانظر عيني
حضنها بعد ماسلم على راسها وقال : الا الدموع يام محمد جعلني فداتس
ام محمد : مجار من الفدا يابو حمد
التفت يدورها بعيونه ماشاف الا الجود عصب لانها ماجت وقال بنفسه : تتهربين مني يابنت راشد ؟
راح يسلم على الجود وقال : كيفتس ياعروس ؟
الجود بابتسامه : بخير دامك بخير
مسح ذياب على شعرها بحنيه ووده يدخل على الحريم ويشيلها بس بيعصب ابوه اذا خل الرجال ويتاخر عليهم طلع وهو معصب وكان وده يرتوي بشوفتها راح بجنب ضيدان وقال ضيدان : شفتها ؟
ذياب بهدوء : لا سلمت على امي واختي وهي لا ماكانت موجوده ياضيدان !
ضيدان بأبتسامه : معليه مارّدك بتشوفها
هز راسه ذياب بالايجاب
ضيدان قام وقال : وين الحمامات ؟
آشر ذياب لورا البيت وقال : هناك برا
هز راسه ضيدان بالايجاب وراح جمد وجهه من عرفها من عيونها براسه تساؤلات كثيرر ! شافته وحطت الجلال على راسها وقالت بابتسامة : العسكري ضيدان ؟
صغر عيونه ضيدان وقال : أم العيون الخُضر ؟
ضحكت بخفه وقالت : وش ذا الصدف ؟
ضيدان صد وقال : وش تصيرين لذياب ؟
وهج بابتسامه : بنت عمته
ضيدان بصدمه : وش وداتس الجنوب اجل ؟
وهج : كنت ادرس هناك طب وخلصت الحمد لله وجينا للديار
ضيدان بابتسامه : ما شاء الله دكتورة ؟
وهج بابتسامه : ايه دكتورة نفسيه
ضيدان ضحك وقال : اسوي جلسات عندتس ؟
ابتسمت وهج وقالت : اكيد بالخدمه هذا كرتي فيه رقمي
راحت وهج وشاف كرتها اخذ رقمها وسجلها ام العيون الخُضر
حضروا العشاء وتعشوا الكل وذياب اكثر واحد يبي العزيمه تخلص لاجل يواجهها وليه تتهرب منه ؟ ومفروض انها اول وحده تستقبله راحوا الضيوف وتجمعوا البنات بغرفة الجود يسولفون ويحشون وباقي كل وحده بكشختها قالت آلماس بابتسامه : جودي فيه رجال بالبيت ؟
الجود : لا كلهم مع جدي الحين خذي راحتس
اخذت جوالها ونزلت للمطبخ تسوي لها يانسون وباقي بكشختها اخذت لها كوب وبدت تسوي لها
عند ذياب قام من الديوانية يروح غرفتهم دخل شافها مظلمه عقد حاجبه باستغراب فتح النور تنهد من شاف التسريحة فاضيه من عطوراتها ومكياجها مسح على وجهه وراح لبيت اهله يتفاهم معها دخل البيت سمع اصوات بالمطبخ وراح وباقي حتى هو بكشخته ثوبه الابيض وشماغه الاحمر وعطره يسبقه بكل مكان
شافها مقفيه ميّل راسه من كشختها وسرح فيها عند آلماس اللي مانتبهت لوجوده خلصت اخذت كوبها وجوالها انصدمت من شافت ذياب يتأملها طلعت عيونها بصدمه وطاح الكوب وانكسر توترت ليه يناظرها كذا ؟ وكانها حلاله وحَرمه انحنت تشيل الزجاج اللي على الارض من توترها مانتبهت انها بتجرح نفسها تقدم لها وانحنى وسحبها من يدها لحضنه دقات قلبها تحلف انه يسمعها رجفت يدينها وماقدرت تنطق بحرف واحد قال ذياب بعتب : ليه تتهربين مني ؟
وصل توترها لدرجه ماتستوعب وش يقول اختلطت ريحة الورد مع العود الثقيل جلسوا يتأملون بعض ولا واحد منهم بعّد عن الثاني النجوم شاهده من الشباك والقمر شاهد بجتماع الذياب وآلماسته حتى الجماد شاهد حطت كفوفها على صدره تبعده منها بس ماقدرت لانه ثقيل وضخم ويدينها الصغيرة على صدره تحاول تبعده عنها انقذها صوت جواله اللي يرُن طلعه وشاف الجد يتصل تنهد وقال : ماتخلوني شوي ؟
رد وقال بهدوء : هلا يابو حمد ؟
عرف الجد ان ذياب معصب لانه ماقال له جدي : تعال الديوانيه في موضوع بكلمك فيه
ذياب : سمّ
قفل ذياب وقال بابتسامه : ماني مطول عليتس
جمدت بمكانها وش يقصد شافته من راح ونزلت ريناد وقالت بصدمه : آلماس فيتس شي ؟
مسحت على وجهها وقالت : جاني ذياب وحضني !
طلعت عيونها ريناد وقالت : دقايق وجايه
< الديوانية >
دخل ذياب وقال : هلا ياجدي ؟
الجد محمد وهو خايف من ردة فعله قال : اجلس
جلس ذياب وقال الجد : بتطلق آلماس
ضحك ذياب بصدمه وقال : وليه ان شاء الله ؟
الجد : تقدم لها زياد وابوها مايبيها معك لانها مو مرتاحه
انصدم ذياب وناظر بعمه وقال : منجدكم تبّدون الغريب على ولد عمها ؟
الجد بهدوء : يمكن الغريب ترتاح معه
قام ذياب وقال بعلو صوته وحدته : زوجتوني اياها ولما تعلقت فيهااااا تاخذووونهااا منيييي ليييه طيب ليييه ؟
مسح الجد على وجهه وقال : ذياب آلماس فاقده الذاكره
ناظر ذياب ماستوعب صدموه باشياء كثير وقال : كيف ؟
ابو فهد بهدوء : طاحت على راسها ونست انك زوجها ومن يوم فقدت الذاكره ونستك مبسوطه ورجعت بنتي اللي اعرفها بتطلقها ياذياب
هز راسه بالنفي وقال : تكذبون انتوا !
قام صقر وقال : هد ياذياب
جلس ذياب بصدمه عشان هي كذا مصدومه لما حضنها وترجف نزل راسه من تراكم عليه اشياء كثير ووده لو ماجاء من دوامه وقام وقال برجفة صوته ولاول مره يشوفون ذياب ضعيف كذا : طلاق ماني مطلق لو تنطبق الارض على السماء
انصدموا الكل من نبرة صوته طلع وجلس على عتبة باب غرفتهم اخذ زقاره مو مستوعب ابداً انها فقدت الذاكرة رجع ظهره لورا وقال : كانت النية الصوم معتس ياحَرم ذياب !
نزلت دمعته من تراكمت عليه اشياء كثير ولاول مره تنزل دمعته بسبب بنت وقال بصوته المبحوح : وش سويتي فيني يابنتي
لاول مره يدعي آلماس " ببنتي " تنهد وقام يدخل غرفته رمى شماغه وجلس على الكنبة كان يشوفها تقرأ كتابها هنا وقال : علي الحرام ماخليتس مره ثانيه واخذ دوره
انسدح على الكنبة وغمضت عيونه حتى ماتسحر ولاقي على الاذان حوالي ثلاث ساعات
< بالحوش >
راحت ريناد عند صقر وقالت له : شاف آلماس وحضنها زياده وهي موب داريه
صقر بهدوء : صارت عواصف قبل شوي
ريناد فزت وقالت : اوف وش صار ؟
صقر تنهد وقال : جدي بيطلق آلماس من ذياب ويزوجها زياد
انصدمت ريناد وقالت : لا مستحيل ! مو لذ الدرجه شفيه جدي !
صقر بهدوء : تدرين اول مره بحياتي اشوف ذياب ضعيف يوم درا عن آلماس ؟
ريناد : مسكين حزنت عليه وعلى آلماس
صقر بابتسامة : مارّدها بتزين يابنت راشد ويجتمعون الذياب وآلماسته
ريناد أبتسمت : ان شاء الله
راحت ريناد لبيتهم بعد لليلة مليانه احداث وعواصف دخلت غرفتهم تشوف آلماس نامت تدري انها متشتته
وفي راسها أسئلة كثير بس لازم هي تدري من نفسها
مسحت مكياجها ولبست بجامتها ونامت حتى ماتسحروا لان العشاء كان متأخر
< تسريع للاحدث ، آخر يوم رمضان بالديره >
خلصوا وباقي على اذان المغرب خمس دقايق جلست قدام ذياب اللي باين انه تعبان من وجهه الاصفر عقدت حواجبها وشفيه كذا ؟ ماتدري كل ال 15 يوم كانت كل افكاره عنها اذن المغرب واجتمع الكل وافطروا وقال عزيز بضحك : ان شاء الله رمضان الجاي ومعي زوجتي
ضحكوا الكل وناظر ذياب بآلماس ابتسم من ضحكتها
الجد بابتسامه : الله يعوده علينا واحنا بأفضل حال
ابو فهد : يايبه ترا آلماس موافقه على زياد
كلهم ناظروا بذياب اللي انصدم وقال بهمس عشان آلماس ماتسمع : اقسم بالله ياعمي لو تزوجها بأمير مايتم الزواج لو كان ايش
قام ذياب من على السفره وقال الجد: كان ماجبت الطاري ياراشد الله يهديك !
قاموا البنات يصلون
وقال ابو محمد بحده : قاعدين تلعبون بولدي وقدامي ! شتتوه تزوجونه على كيفكم وتطلقونه على كيفكم ترا ماصارت !
قام ابو محمد وناظروا ابو فهد والجد ببعض وكانهم انكسروا من كلام راشد
قام الكل يتجهز للعيد ولليلة العيد بالديرة غيرر
غيررر اجتمعوا البنات ببيت ابو محمد لانه اكبر بيت ويتجهزون ويتروشون وقالت وهج بأبتسامه : احس حماس اول عيد معكم !
ريناد ابتسمت وقالت : والله لايجعله آخر عيد
الكل : امين
بدوا البنات يتروشون بالدور وقالت آلماس : خلصت انااا
الجود : ياحظتس
ضحكت آلماس بخفه ونزلت المطبخ تاخذ لها مويه دخل ذياب وقال بعلو صوته : جودي
حطت جلالها على راسها وتلثمت وطلعت له : الجود فوق تتروش
ناظرها ذياب وكملت : حلقت دقنك ؟
هز راسه بالايجاب وقالت بابتسامه : كذا احلى مره
ابتسم وسرح بعيونها وقال : كل عام وانتِ بخير يابنت راشد اول معايدينتس انا
ابتسمت وقالت : وانتِ بخير ياذياب
طلع من بيتهم وقالت آلماس : اوف والله انه حلّيو
أنت تقرأ
الله ياغرامٍ اعذّب من قصيَد
Poetryالكاتبة ألين انتِ دليل الشعر لا حَل هوجاس أحيان أصب الشعر وأحيان أصبّتس شوفتس يشد العين ويشدّ الأنفاس مفتون منهو ذاق جرحتس وطبتس الياس ما يدخلتس والقد ميّاس يالمايس اللي كل ما ضقت أذبّتس أحيان أحبتس مثل ما تفعل الناس وأحيان لا والله "...
