ضحكوا صقر وسلطان وركضوا يلحقون الجد طلعوا من السور وقال الجد : صقر
جاء بجانبه صقر وقال : سمّ ؟
الجد ناظر بصقر وقال : كيف عبدالله ابو الهنوف ؟
صقر بهدوء : توقف قلبه بس الحمد لله رجع بآخر لحظه
الجد ناظر بالعيال وقال : سلطان وعزيز روحوا لهم اليوم وشوفوا وش يحتاجون
سلطان وعزيز : ابشر
< بيت ابو فهد >
دخلوا البنات وقالت الجود : ياعمه آلماس وريناد باقي نايمين ؟
ام فهد بأبتسامه : اي والله للحين
آمال بحماس : هيا نروح نصحيهم
طلعوا البنات وفتحوا الباب وقالت الجود : وع كيف متحملين تنامون بهالحر ؟
انزعجت آلماس وقالت : جودي خلينا نرقد تكفين
الجود بابتسامه : مافي نوم ! الساعة عشر الصبح
ريناد بحده : باقي بدري طيب
نسرين ضحكت وقالت : متعودين بالرياض تصحون متأخر بس هنا لا !
قامت آلماس ورفعت شعرها وقالت : طيب ليه نصحى ؟ وش فيه
آمال بابتسامه : حبيبتي اليوم بالليل ليلة رمضان بنصلي التراويح والحين ننظف البيوت هيا اصحو
قامت ريناد وقالت بحده : طيب باقي اكثر من ست ساعات على الليل
ابتسمت الجود وقالت : طيب انتِ ليه معصبه الحين ؟
ضحكت آلماس وقالت : رنودي ماتحب احد يصحيها من النوم
دخلت عليهم ام فهد وقالت : حبايبي وش تبون فطور ؟
الجود بابتسامه : تسلمين ياعمه قد سبقناكم
آلماس بحماس : لا اجلسو افطرو معنا ، امي سوي عريكة يمي
ابتسمت ام فهد وقالت : تمام بروح اسويها ، قوموا بسرعه
ابتسمت آلماس وقامت بحماس راحت الحمام اخذت المقشر والغسول وبدت بعناية وجهها وقالت بحده : وش ذا الحبوب !
غسلت وجهها ووضت وطلعت من الحمام صلت الفجر واخذت جلابيه وتعطرت ونزلت للمطبخ عند امها دخلت وقالت : يمه حطيتي عسل ؟
ام فهد : لا حطي بصحن ، وجيبيه بالصالة
جلسوا يفطرون وقالت نسرين بضحك : آلماس مو منجدتس تأكلين عريكة بشوكة !
آلماس بابتسامه : عشان حاطه مناكير
< المغرب بالديرة >
الجد ناظر بعزيز وقال : عزيّز روح جمع لي احفادي كلهم اخلص
قام عزيز وقال : سمّ
نادا عزيز البنات وقال الجد : كلكم تغسلون الحوش الحين سامعين ؟
آلماس بصدمه : ياجد الحوش كبير !
عزيز بضحكه : عادي يالكيوت كل رمضان كذا
خزته آلماس بحده وقال صقر : سمّ ياجد الحين
الجد بابتسامه : اخلصو قبل العشاء والتراويح
مشوا العيال والبنات واخذوا ادوات التنظيف ابتسم صقر من شافها تحط الصابون واخذ لّي وراح عندها توترت من شافته وقال لها : بحط المويه بالسطل هنا
ريناد بهدوء : اي حط
ضحكت آلماس من شافت ريناد متوترة
الجود بصراخ : اكدوا ان رمضان بكره ؟
ضحك عزيز وقال : جودي شفيتس غبيه اليوم ٣٠ اكيد بكره
ضحكت الجود وقالت : صح شفيني انا
اذن المغرب وطلع الجد وعياله الكبار وقال بصوته العالي : مبارك عليكم الشهر جميعاً والله يعودّه علينا بالصحة والعافية ولا تخرجنا منه إلا مقبولين ومرحومين ومعتوقين من النار
اختلفو بالردود وراحوا يصلون ويرجعون يغسلون بعد دقايق رجعوا الكل اخذ سلطان لّي الماء وفتحه وغرق عزيز انصدم عزيز وقال بحده : سلطاااان خلااص روشتنيي ياحمااار الله ياخذك
ضحكوا البنات ورفعت صوتها آلماس وقالت : برّدت خاطري ياسلطان فيه
عزيز بدون مايستعوب وش يقول : اوريتس ياحَرم ذياب
طاح الّي من يد سلطان وناظروا الكل بآلماس اللي جمدت بمكانها وقالت برجفة صوتها : ليه يناديني كذا ؟؟؟
ريناد بترقيع : يقصد انكم تناسبون لبعض
آلماس بحده : تخبون علي شي انتوا ؟؟
صقر وهو يلعن عزيز بداخله قال : يابنت راشد وش نخبي عليتس مافي شي !
ارتاحت آلماس وصدقت صقر اللي نبرة صوته جديه
وقال صقر : بسرعه عشان يمدينا نتقهوى قبل التراويح
عزيز اخذ الفيري وكبه كله على البلاط يمقلب سلطان وقال عزيز بجديه : سلطان عطني السطل اللي عندك
اخذه سلطان وراح لعزيز زحلق سلطان وطاح وانكب الماء اللي بالسطل كله عليه قال بألم : الله ياخذ ابليسك ياعزيّز
ضحك عزيز لدرجه جلس من الضحك ناظر بصقر والبنات اللي ماتوا من الضحك دمعت عينه من كثر ماضحك طلع الجد وقال بحده : وش ذا الماء باقي شوي ويدخل بالديوانية ^ المجلس الخارجي ^ قوموا مامنكم فايده لو قايل للعمال احسن
عزيز اللي حمّر وجهه من كثر ماضحك وقال : ياجد بعد ماقربنا نخلص قلت العمال !
الجد بحده : اسكت انت مخلص الفيري كله
عزيز بصدمه : بسم الله كيف دريت اني انا ؟
صقر ضحك بخفه وقال : ياغبي يشوفنا بالكميرات
سلطان باستيعاب : يعني الايباد اللي دايماً معه عشان الكميرات ؟
ضحك عزيز وقال : بالله ياجد ورنا طيحة سلطان ابغا اضحك مره ثانية
ضحك الجد وقال : شفتها الله يقطع بليسك
ضحك الكل من ضحكة الجد وطلعوا بيوتهم يغيرون ملابسهم وينزلون للقهوة بالديوانية
< بالمستشفى >
دق الباب عز ودخل من سمحت له الهنوف ابتسم وقال : السلام عليكم
ابو الهنوف : وعليكم السلام يادكتور
اخذ الملف عز وقال : كيفك ياعم ان شاء الله احسن ؟
ابتسم ابو الهنوف وقال : الحمد لله انت الدكتور عز ؟
عز بابتسامه : الله الله انا ياعم
ابو الهنوف بابتسامه : مدحتك بنتي عندي بسم الله عليك
ضحك بخفه من شاف الهنوف تحاول تسكت ابوها وقال : الله يسعدك ياعم ، بتكلم معك عن موضوع ياعمي
ابو الهنوف بابتسامه : أمر ياوليدي
عز بهدوء ناظر بالهنوف وقال : طالبين القرب ياعم
انصدمت الهنوف وقال ابوها : والنعم والله فيك عطني رقمك باتواصل معك وبرسل لك الموقع
اعطاه عز رقمه وقال : ماعليك زود ياعمي وكمل عز يقول : انا أستاذنكم
وطلع ولحقته الهنوف برا بالسيب وقالت : مو منجدك !
ابتسم عز وقال : شفيك ؟ ولا ماتبيني
الهنوف بحده : بتشكك ابوي اننا بيننا شي
ضحك عز بخفه وقال : ياشيخه بخطبك ان شاء الله وماراح يشك بشي ، بس مو غريب اخطب وحده ماعرف اسمها ؟
الهنوف بحده : ماراح اعلمك اسمي
عز بابتسامه : عادي بشوفه بجنب اسمي بكتب الكتاب
خزته وراحت عند ابوها ضحك بخفه اخذ جواله وشاف عهد تتصل رد وقال : هلا عهودي
عهد بابتسامه : وين انت انا بمكتبك
عز بهدوء : يالله جايك
دخل المكتب وقال بملل : وانتِ كل ماطفشتي تجين المستشفى؟
ضحكت عهد وقالت : شكلك نسيت ان توق متزوجه وانا لحالي بالبيت !
راح يجلس على مكتبه وقال : وش تبين اطلب لك ؟
رجعت ظهرها ورا وقالت : قهوة تركيه بدون سكر
طلب لها وقال بابتسامة: عندي لك بشارة
عهد بحماس : وشو ؟؟
ابتسم عز وقال : بخطب
قامت عهد وصفقت بحماس وقالت : مين طيب ؟؟
عز بهدوء : ماعرف اسمها بس هي الحين بالمستشفى
عهد عقدت حواجبه وقالت : تخطبها وماتعرف اسمها ؟ وممرضه ولا دكتوره ؟
عز ناظر بالارض وقال : ماعرف وبعدين هي مرافقه مع ابوها هنا
ضحكت عهد وقالت : طيب ياغبي اكيد كاتبة اسمها مرافق
عز ابتسم بانتصار وقال : اي والله انك صادقه
اخذ ملف ابو الهنوف وفتحه شاف المرافق : الهنوف بنت عبدالله بن عبدالعزيز
عهد بابتسامه : اسمها الهنوف تكفى بشوفها
عز قفل الملف وقال : انتظري بناديها
قام ينادي الهنوف فتح الباب وشافها طالعه من الحمامات وقال بابتسامه : الهنوف بنت عبدالله ؟
عقّدت حواجبها وقالت : كيف عرفت اسمي ؟
عز بأبتسامه : تعالي المكتب واقولك كيف
دخل عز وغمز لعهد دخلت الهنوف وعقدت حاجبها من شافت بنت بنقابها قامت عهد وقالت : انا عهد اخت عز
ابتسمت الهنوف وقالت : اهلين ياعهد كيفتس ؟
عهد بابتسامه : ياحلوك الحمد لله بخير
ابتسم عز وقال : اجلسي يابنت عبدالله
ابتسمت الهنوف وجلست وقالت عهد : من وين انتِ ؟
الهنوف بابتسامة : قحطانيه من نجد
عهد بذهول قالت : والنعم والله
ابتسمت لها الهنوف رجع ظهره عز ووجهه شوي وينشق من ابتسامته يشوفها تسولف مع اخته
< بالمعسكر >
كانوا نايمين العسكر بعد تعب الحرب دخل عليهم الفريق وقال : مبارك عليكم الشهر والله يجعلنا من صوامه وقوامه
اختلفوا بالردود العسكر وقام ذياب والحراره لاعبه فيه عظامه يوجعه وقال ضيدان من شاف ذياب يتألم : ذياب روح المستشفى شوفه بجنبنا !
هز ذياب راسه بالنفي وقام ضيدان وقال : والله ماخليك تتوجع كذا قم
قام ذياب مع ضيدان راحوا للمستشفى دخلو الطوارئ ابتسمت جنى وقالت : تتذكرني ؟
صد ذياب من شافها كاشفه وهز راسه بالنفي ضحكت وقالت : انا اللي كنت بالمطعم
ذياب عصب من ضحكتها وقال بحده : طيب وش اسوي لتس !
ضحكت بدلع وقالت : افا شفيك يالبدوي ؟
تذكر ذياب يوم كانت آلماس تقول له البدوي ابتسم وقال بحده لها : ماتقولين لي البدوي وحده بس اللي يحق لها
ابتسمت جنى بسخريه وقالت : آلماس ؟
ذياب طلعت عيونه شرار وقال : كيف عرفتي اسمها ؟؟
تذكرت جنى بالمطعم لما دخلت على محادثتهم وشافت ذياب يرسل لها باسمها
نزع ذياب المغذيه من يديه وصرخ : ضيدان تعال
دخل ضيدان وشاف ذياب وجهه احمر وقال : شفيك ؟
ذياب بحده : جيب لي دكتور وخل ذي تولي
هز راسه ضيدان بالايجاب يشوف جنى متكشخه لابعد درجه وعرف انه عصب عشان كذا
دخل الدكتور ورجع يركب مغذيه واوكسجين رجع راسه ذياب على المخده وقال يقصد آلماس بعد ماراح الدكتور ودخل ضيدان :
بدات التباريك تُهل
وبدات ابارك فيتس شهراً انتِ قمّره
اشعر بان طلوع هلال رمضان
هو محيّاتس انتِ كل الافراح
والسرور وانتِ جميع التباريك
ابتسم ضيدان وقال : الله عليك صح لسانك
ذياب بأبتسامه : صح بدنك
< بالديرة >
اذن العشاء وقام الكل يلبس عشان يروحون يصلون التراويح ولعوا ال فهاد عقد البيت والحوش استقبالاً لشهر رمضان المبارك وفتحوا البوابة طلع الكل من البيت متوجهين للمسجد لاداء صلاة العشاء والتراويح لأول ليلة من شهر رمضان اصطفوا الرجال والحريم ورفعوا ايديهم لتكبيرة الإحرام بعيداً عن اشغال الدنيا ومعاصيها ، وهلّت الافراح والسكينه والطمأنينة للقلوب بقدوم شهر رمضان الفضيل شهر الصيام والقيام ، شهر تلاوة القران ، شهر مضاعفة الحسنات وتكفير السيئات ، شهر جعل الله صيامه فريضة وقيام ليلة تطوعاً يقول عليه الصلاة والسلام ( إذا دخل رمضان فتحت أبواب الرحمة وفتحت ابواب السماء)
رفعوا ايديهم للدعاء بآخر ركعة من صلاة التراويح سلمّوا وقام الجد يجلس باول المسجد وكل رمضان يعطي محاضرة يقول فيها : يقول عليه الصلاة والسلام لأصحابه: إنه قد أتاكم شهر رمضان، شهر يجود الله به على عباده، وينزل الرحمة، ويحط الخطايا، ويستجيب الدعاء، فأروا الله من أنفسكم خيرا، فإن الشقي من حرم فيه رحمة الله ) اتركوا المعاصي يعيالي والكل ان شاء الله يختم القرآن بهذا الشهر الفضيل والله يجعلنا من صوامه وقوامه
قام الجد وخلفه عياله واحفاده طلعوا الحريم ومشوا ال فهاد بالشارع يشوفون اجواء رمضان بالديرة والكل مبتهج ابتسم الجد من شاف العيال يلعبون طايرة وهاذي اول جداول شهر رمضان
دخلوا البنات السور وقفلوا البوابة وطلعوا الكيرم بالحوش وبدوا يلعبون آلماس وريناد فريق والجود ونسرين فريق وآمال الحكم
أنت تقرأ
الله ياغرامٍ اعذّب من قصيَد
Poetryالكاتبة ألين انتِ دليل الشعر لا حَل هوجاس أحيان أصب الشعر وأحيان أصبّتس شوفتس يشد العين ويشدّ الأنفاس مفتون منهو ذاق جرحتس وطبتس الياس ما يدخلتس والقد ميّاس يالمايس اللي كل ما ضقت أذبّتس أحيان أحبتس مثل ما تفعل الناس وأحيان لا والله "...
