ريناد عقّدت حاجبها وقالت : لا والله يازين الديره ، تبين نروح بيت عمي عند البنات ؟
هزت آلماس راسها بالنفي وقالت : بنام قبل العزيمه
قامت ريناد وانسدحت آلماس وقالت : شغلي المكيف معتس
ضحكت ريناد وقالت : هههههههه تراتس بالديره مو بالرياض
خزتها آلماس وطلعت ريناد من الغرفة
قالت آلماس بهمس لنفسها : يالله مادري ليه نبضات قلبي سريعه اليوم !
تنهدت ونامت بتعب
< بيت ابو محمد >
جمّدت يد ريناد من كثر مادقت الباب ومافي اي اجابه قالت بنفسها : اكيد مشغلين اغاني مايسمعون
قربت من الباب ونفخت بيدها وضربت الباب باقوى ماعندها وهي مغمضه فتحت عيونها ببطئ من حست انه ضرب راسها بصدر ضخم ناظرت تشوف صقر اللي يضحك وقالت باحراج : صقر ؟
ناظرها كيف قريبه منه وماستوعبت تبعد عنه ناظر عيونها المكحلة ومتلثمه بالطرحه بعّدت عنه من شافت نظراته اللي متركزه على وجهها لفّت تطلع ووقفها كلامه صقر : وش كنتي تبغين ؟
ناظرت فيه ولفّت وقالت : ولا شي وغمضت عيونها من تذكرت البنات وناظرت فيه مره ثانيه وقالت : صح كنت ابي البنات وينهم ؟
ابتسم بخفه وقال : الكل يتقهوون ببيت عمي خالد مافي إلا انا هنا راقد
ابتسمت باحراج وقالت : كمل نومتك ، نوم العوافي
صقر ميّل راسه وقال بخفه : أشهد انتس انتِ العافية
راحت من حست كل شي فيها يرجف من التوتر وصلت بيت عمها خالد اسنشقت الهوا وزفرته تبي تخفي توترها توكلت على الله ودخلت ناظرتهم الكل متجمع وصوت ضحكهم العالي ابتسمت بهدوء ودخلت قالت : السلام عليكم
ردّوا الكل السلام وقال عزيز بتساؤل : ريناد وشفيتس كنتس طماطه ؟
أبو أصايل : عزيز ياوليدي لابسه برقع تكذب انت ؟
ضحكوا الكل وقال عزيز : مو عمي خالد اذا ماشككني بنفسي
الجد محمد بابتسامه : تقلع اقول خل ريناد تجي بجنبي
عزيز بصدمه : افا ياجد تقلعني عشان ريناد ؟
الجد بسخريه : ايه احسن منك ريناد
عزيز قام وقال بمزح : كفايه صدمات لليوم الله يخليك
قامت ريناد وجلست بجنب جدها حضنها من على الجنب
ناظر سلطان عزيز اللي واقف وقال : تعال زحفت لك
عزيز بملل : ياخي طفشت منك انت !
سلطان انصدم وقال : مالت عليك ماحد عطاك وجهه إلا انا
ضحك عزيز وقال : سوسو والله ماطفش منك امزح هيا زحف لي
زحف له سلطان وقال عزيز بضحك : بالله جدي وريناد ماكنهم بومبا وتيمون
شرق سلطان بالمعمول وكح انهار عزيز ضحك ناظرهم الجد وقال وهو مايدري وش يقولون : انا من رأيي ذول الاثنين ماعاد يتجمعون
كح سلطان من المعمول اللي عيى يطلع ناظره عزيز اللي حمّر وجهه من الضحك وضربه بظهره اكثر من مره عشان يطلع المعمول
ام محمد : عزيز شوي شوي على اخوك !
عزيز بضحك : يالله ماقول ذبه الا ويشرق
شرب مويه سلطان وقال : ياحمار ماتذب إلا وانا اكل ؟
عزيز بانهيار : وش اسوي مايوقف فمك من الاكل !
قرب سلطان من عزيز وقال وهو كاتم ضحكته : تدري احس تيمون آلماس اضعف من ريناد
انفجر عزيز ضحك وضحكوا كل الموجودين من ضحكته رُغم انهم مايعرفون على وش ضحك معه سلطان وقال عزيز بهمس : ياشيخ لا يسمعنا ذيابوه نذّب عليها والله يمسكنا جلد
سلطان بضحك : ياشيخ الحين يدّرب مليون عسكر مهوب حولك
ناظروا الكل من دخل صقر وقال عزيز : اسكت جا عضيده
ضحك سلطان بخفه وجلس صقر بجانب العيال
وقال الجد : ريناد روحي قومي اختس ابي الكل موجود عدا ذياب وفهد اللي بدواماتهم
ريناد قامت وقالت : ابشر
بعد دقايق دخلت ريناد ومعاها آلماس وجلست بجانب الجد وقال عزيز بهمس لسلطان : شوف والله كانهم بومبا وتيمون
ضحك سلطان وبدا يضرب عزيز بضحكه وقال عزيز بهمس له : هالمره ذي فيه ضرب مو شرق ها ؟
ناظرهم الجد بحدة مادرا انهم يحشون فيه ابتسم صقر من اصوات ضحكهم
الجد بحده : بس ياصبي انت وياه
هجدوا من صوت الجد الحاد وكتموا ضحكهم
وكمل الجد وقال : العزيمه الليلة عشان سلامة آلماس وبنفس الوقت سلامة وصولهم من الرياض
ابو فهد بابتسامه : ماتقصر والله ، ماكان فيه داعي
الجد محمد ناظر بآلماس وقال : هاذي آلماس الغالية وشلون مابه داعي
آلماس بابتسامه : الله يكثر خيرك ياجدي
الجد ابتسم وقال : وخيرتس يابنيتي ، الحين عزيز افرش الزوالى بالحوش وجهزوا يالله انت واخوانك
قاموا عيال حمد وقفلوا البوابة عشان ينظفون الحوش وفرشوا الزوالى وحطوا طاولات عليها فناجيل ودلّل ومباخر وولعوا عقّد البيت وعقّد الحوش وفتحوا البوابة وماباقي على المغرب شي دخلوا البيت وسبق سلطان على الحمام لحقه عزيز وقال بحده : ياحمار اطلع ماباقي شي
سلطان بضحك بالحمام قال : ياعزيّز باقي حتى مابديت
تأفف عزيز وقال : حسبي الله
ابتسم من جته فكره يروح حمام الجود اخذ منشفته ودخل غرفتها وزفر براحه من شافها مو موجوده دخل الحمام ابتسم باعجاب من الصابونات والمقشرات وقال بابتسامه : ياعيني اليوم انا باطلع احلى واحد
انصدم من شاف المقشر يطيح وانكب كله على الارض وقال يخفي توتره : عادي عندها اكثر من واحد
بدا يغني برواق بعكس الجد المعصب ينتظر احفاده يجهزون
< عند البنات >
صوت الاغاني العالي مع ضحكهم وتوترهم للي بيصير الليلة ريناد بملل : يآلماس تكفين الآيلاينر مايضبط !
آلماس بابتسامه : تعالي اسويه لتس
راحت عندها وقالت آلماس بحده : ريناد لاتتحركين
آمال بتوتر : بنات احس لبسي مو حلو !
الجود : تمزحين ؟ والله انه يجنن حرام عليتس
نسرين بابتسامه : بنات شرايكم كعب ابيض ولا ذهبي؟
آلماس : احس دام لبستس ابيض اكسري اللون وخذي ذهبي
نسرين : تم
آلماس بابتسامه : بروح البس يابنات
هزوا راسهم بالايجاب واخذت لبسها آلماس وراحت تلبس طلعت لهم وقالت : كيف بالله ؟
الجود بابتسامه : اوف اوف تهبلين ياقلبي
نسرين باعجاب : ياعيني وش هالجمال !
ريناد ابتسمت وقالت : الاسود ماخذ حته يالموسي
آمال بابتسامه : قمر قمر والله
استحت آلماس وراحت تشوف شكلها بالمرايه اخذت جوالها تتصور وتنتظر البنات يجهزون بعد نص ساعة خلصوا واجتمعوا يتصورون
ريناد بابتسامه : بشغل بخور انتظروا
آلماس : ماعندنا عوّد
الجود بابتسامه : رنودي روحي بيتنا الدور الثاني اول غرفة على اليمين شوفي بالتسريحة ببوكس اخضر
ارسلت لها ريناد بوسه على الهوا ابتسمت الجود وراحت ريناد بكامل كشختها بس لابسه جلال
< عند ريناد >
لقت باب بيتهم مفتوح دخلت والبيت هدوء طلعت الدور الثاني وهي جاهله الغرف ودخلت الغرفة اللي قالت لها الجود فتحت الباب استقبلها ريحة الصابون والعطور تجاهلت وقفلت الباب وناظرت بالغرفة ووضح لها غرفة ولد بس ماركزت على صور صقر بجانب السرير وقالت باعجاب : الاضاءة مره حلوه
نزعت جلالها واخذت جوالها تتصور بالمرايه جمّد وجهها من سمعت صوت باب الحمام تجمّد كل آنش فيها ونست انها مو لابسه الجلال وبكامل كشختها بفستانها المّورد عاري الاكمام طلّع صقر كان منزل راسه يجفف شعره سمع صوت كعب يتراجع للورا عقّد حواجبه ورفع راسه وتناثر شعره المبلل على وجهه طلعت عيونه من اللي يشوفه بنت بكامل كشختها بغرفته ! يشوف كل شي فيها يرجف ناظر بوجهها واول ماطاحت عيونه على عيونها وعرف انها ريناد وقال من غير مايحس على نفسه : الله يكثر الصدف يالفاتنه
نزلت عيونه على شفايفها وكيف ترجف رجعت لورا من حسّت على نظراته وتحاول ماتناظر فيه مو لابس غير الفوطه اللي على خصره وقالت بصوتها الراجف : تكفى صّد ياصقر
غمض عيونه من استوعب على نفسه وصّد عنها وقال بحده لها : وش تسوين هنيّا ؟
نزلت دموعها من حدّة صوته وقالت بشهقاتها : الجو....الجود
رفع شعره من على وجهه من سمع نبّرة صوتها وشهقاتها وقال : اموت ولا تنزل دموعتس يابنت راشد !
رفعت نظرها وقالت : كنت ابي عّوده
هز راسه بالايجاب واخذ البوكس من على التسريحة وقال قبل لايعطيها : لاتزعلين من حدّة صوتي كنت متوتر يوم شفتس كذا
ميّلت راسها وقالت وهي تناظر بعيونه وبكل جرأة : ازعل من الكل إلا انت ياصقر
اخذت البوكس وطلعت جلس على طرف السرير ابتسم من ردّها وتذكر ابسط تفاصيلها تنهد بإعجاب وقال : الايام الجايه يابنت راشد وحنا نتجهز بنفس الغرفة ان شاء الله
قام يلبس ثوبه الابيض وشماغه الاحمر تعطر ولبس ساعته نزل نظره على سلسالها اللي على التسريحه آخذه ضمه بين يدينه وابتسم وحطه بجيبه
< عند البنات >
دخلت ريناد واستقبلها صراخ البنات وقالت الجود : تاخرتي ياريناد !
ريناد بهدوء : كنت اتصور
لاحظتها آلماس وسحبتها يطلعون وقالت آلماس : صار شي صح ؟
نزلت نظرها وقالت : كنت اتصور بغرفة صقر بدون جلال وشافني
حطت آلماس يدها على منطوقها بصدمه وقالت بضحكه : عز الله مايكمل شهر إلا وخطبتس
ريناد بحزن : آلماس سلامات !!
ضحكت آلماس وقالت : بنزل تحت
وقفها صوت ريناد : تعالي نتصور
هزت راسها بالايجاب وراحوا يتصورون وقالت آلماس : بدوا يجون الناس بنزل تحت
ريناد : يلا بجي معتس
نزلوا واستقبلهم ترحّيب الجد برا للرجال ووقفوا بجانب امهم عند الباب وقالت ام فهد : قلتوا اذكاركم ؟
آلماس وريناد : ايه يمه
بدوا يدخلون الحريم
وقالت آلماس : بدخل اشرب مويه
هزت ريناد راسها بالايجاب راحت آلماس للمطبخ
ابتسمت ريناد من شافت الهنوف وقالت بابتسامه : ارحبي ياغلى من جاء
سلمّت عليها وقالت بابتسامه : البقى ياروحي ، وين آلماس ؟
ريناد بابتسامه : شفيها بالمطبخ بجلس هنا استقبل الحريم روحي انتِ
الهنوف : تمام
دخلت الهنوف تشوف آلماس معطيتها ظهرها عند البراده تشرب مويه ابتسمت الهنوف وقالت : لمّوسي
نزلت الكوب آلماس بصدمه عرفت الصوت بس ماتدري مين ! ناظرت وشافت الهنوف وقالت بأبتسامه وصدمه : هنّوفي !
الهنوف بضحكه : ايه
ركضت آلماس تحضنها وقالت آلماس بهدوء : اشتقت لتس ياحماره !
مسكوا يد بعض وناظرت آلماس ورا الهنوف وقالت : امتس جت معتس ؟
نزلت راسها الهنوف وقالت : عطتس عمرها
شهقت آلماس بصدمه وحضنتها نزلت دموعها بحرقه على اقرب وحده لها وتعتبر بنت عمها بالرضاعه
قالت آلماس بدموع : يابعد روحي ياهنّوفي
ابتسمت الهنوف ابتسامه مكسوره وقالت آلماس تغير الجو : تبين نطلع نتمشى بالسطح ؟
هزت راسها بالايجاب الهنوف وطلعوا للسطح
وقالت الهنوف : كيفتس انتِ ؟
ناظرتها آلماس وقالت : الحمد لله بخير ، تغير مزاجي يوم شفتس
ابتسمت الهنوف وقالت بتساؤل : آلماس تحبين انتِ ؟
عقّدت حاجبها آلماس وقالت : سؤال غريب ، لا
وكملت آلماس وقالت بحماس : تخيلي خلصت جامعه وتخرجي بعد شهرين
الهنوف بابتسامه : ما شاء الله ! الف مبروك ياقلبي وش تبين هديتس ؟
آلماس ابتسمت وقالت : الله يبارك فيتس ، مابي شي والله انتِ اكبر هديه والله
حضنوا بعض من على جنب وكملوا يتمشون ويسولفون بعد دقايق قالت آلماس : تعالي ننزل امي بتعصب اذا تأخرت
هزت راسها بالايجاب ونزلوا لتحت دخلوا المجلس
انتبهت آلماس على البنت اللي تناظرها نظرات حاده وهي ماتعرفها وقالت بهمس للهنوف : هنّوفي مين ذيك ؟
الهنوف بقرف : وع ذي ساره اخت زياد تحب ذياب وتبي تتزوجه بإي طريقه تقرف مره
مسكت راسها آلماس بألم وقالت الهنوف بخوف : آلماس وش فيتس ؟
تجاهلت آلماس ألم راسها وقالت : ولا شي
أنت تقرأ
الله ياغرامٍ اعذّب من قصيَد
Poetryالكاتبة ألين انتِ دليل الشعر لا حَل هوجاس أحيان أصب الشعر وأحيان أصبّتس شوفتس يشد العين ويشدّ الأنفاس مفتون منهو ذاق جرحتس وطبتس الياس ما يدخلتس والقد ميّاس يالمايس اللي كل ما ضقت أذبّتس أحيان أحبتس مثل ما تفعل الناس وأحيان لا والله "...
