دقّت الهنوف ريناد وطلعوا برا المجلس وقالت الهنوف : تخيلي قلت لآلماس بس ذياب وجعّها راسها !
ريناد بهدوء : ايه قال الدكتور لاتذكرونها هي بتتذكر
ناظرت الهنوف ساره اللي متوجهه لهم
وقالت ساره باستفزاز : طلعت آلماس زوجة ذياب ! وفاقدة الذاكرة وناسيته !
ريناد تكتفت وقالت بحده : مالتس دخل فاهمه
ساره بسخريه : هاذي تزوجت اللي احبه ! وبروح اعلمها الحين حرام ماتتذكر زوجها !
جت الجود وسمعت كلام ساره وقالت بعصبيه : اللي تحبينه ماحبتس حب آلماس فاهمه ؟
ساره بحده : اقول نسته ماتستوعبين ؟ واكيد اذا جاء بيطلقها
الهنوف ماتحب احد يغلط على آلماس حطت يدينها الثنتين على رقبة ساره وضربتها بالجدار وقالت بحده وهي خانقتها : اقسم باللذي خلقتس لو تضرين آلماس ولا تقولين لها عن ذياب لا ادفنتس وانتِ حيه سامعه ؟
هزت ساره راسها بالايجاب وفكتها الهنوف بقرف وراحت ساره للمجلس وقالت ريناد بابتسامه : تسلم يدينتس
ابتسمت الهنوف ودخلوا المجلس وجلسوا بجنب آلماس
< عند الرجال بالحوش >
العيال يصبون القهوة ويوزعون التمر وتراحيب الجد للرجال وريحة العود مع العطور والقهوة السعودية وعقد البيت والحوش يشعّ بالديرة وكل الديرة تدري عند ال فهاد عزيمه والكل يعرف عزايم الجد محمد فخمه وتستحق التواجد فيها
جلس عزيز بتعب بجنب العيال وقال : لي ساعتين اصب بالقهوة وارجع اسويها واصب مره ثانيه !
الجد محمد بحده همس : قم ياصبي صب للرجال
عزيز بملل : سلطان تكفى قوم انت
قام سلطان وقال لعزيز : بس عشان جدي ترا
اخذ الدّله سلطان وراح يصب للرجال ويضيفهم
وقال عزيز لصقر : فيه عرضه الليله ؟
صقر بهدوء : ايه اكيد
عزيز باستغراب : وشفيك ياخوي مالك على بعضك ؟
صقر هز راسه بالنفي وقال : مافيني شي بس مو نايم زين
عزيز بهدوء : اي والله جدي مايخلينا ننام مثل الخلق
مسح على وجهه صقر وقال : بطلع شوي وراجع
هز راسه عزيز بالايجاب
طلع صقر وراح قدام البوابة طلع دخانه وقال بشوق : اشتقت لك يالعضيد !
تنهد ووّده يسولف له عن سواليفه الجديدة وذياب الوحيد اللي يدري بحب صقر لريناد وّده يقوله انه شاف ريناد بصدفه وكانت احلى صدفه ! غمض عيونه من تذّكرها وتذكر كشختها زفر من حس انه احتّر دخل الحوش من سمع العرضه بدّت صف معهم واخذ السيف وجاء بالنص ويلعب بكل احترافيه جاء معه سلطان ابتسم صقر وهمس له : انقذتني كلهم يناظرون فيني
ضحك سلطان وقابل اخوه يلعبون وكالعاده بُكل عزيمه المعروف المحترف بالعرضه ذياب واخوانه غطو مكانه
< عند ذياب >
دخل الفندق وركض عند ضيدان اللي نايم للحين ! فتح باب الغرفة بحده وقال بصراخ : صادز انت ؟؟؟
ضيدان بانزعاج : ياخي وشفيك ؟ خلني ارتاح
ذياب بحده : اقول قمّ الاستلام بعد شوي
فز ضيدان من تذكر الدوام والمعّسكر وقال بملل : ياخي مابي طفشت
ذياب بهدوء : بتهُون ياخوي كلها عشرين يوم
قام ضيدان ودخل الحمام وتوضى وصلى اللي فاته من الصلوات عكس ذياب اللي افتّر ابها كلها سلمّ من صلاة العشاء وقام يلمّ الاغراض مع ذياب
ضيدان بحزن : ياخي مابي اخلي ابها !
ذياب بابتسامه : ان شاء الله لنا رجعه يابو فهد
ضيدان اتسع مبسمه وقال : مع زوجاتنا ان شاء الله
ضحك ذياب وقال : قلبك عند الزواج انت
خزّه ضيدان بحده
اخذوا اغراضهم وقفلوا الغرفه وسلمّوها وركبوا السيارة متجهين للمعّسكر
بعد ساعه ونص تقريباً وصلوا المعّسكر قفل سيارته ذياب ونزل دخل غرفة الفريق محمد قال ذياب بهيبة صوته : السلام عليكم
ناظر الفريق وقال بأبتسامه : وعليكم السلام ، ارحبوا يارجال
ضيدان ابتسم وقال : البقى الله يطول بعمرك
الفريق محمد : سلموا اغراضكم وجولاتكم هنا يالله
طلعوا اغراضهم ذياب وضيدان ووقعوا تواجد واستلام وركبوا الدبابات متوجهين للمخيمات اعلى الجبل استقبلهم تراحيب زُملائهم ابتسم ذياب وقال بعلو صوته : الله يبقيكم يالشيوخ
وراح المخيم هو وضيدان يرتاحون لان الحرب آخر الليل رمى نفسه ذياب على الطراحه وقال بتعب : اوف يالتعب مليون
ضيدان بهدوء : اي والله مالي نفس اسوي شي
< بالديرة عن الرجال >
قام الجد وقال بعلو صوته : اقلطوا يرجال على عشاء سلامة حفيدتي بنت راشد وليدي
قام ابو فهد وقال : الله يكثر خيرك يابوي
الجد محمد بابتسامه : وخيرك ياوليدي
قاموا الرجال وجلسوا وقال الجد : سمّو بالله وبالعافية يالشيوخ
اختلفت الردود : الله يعافيك ، الله يكثر خيرك
بطاولة ال فهاد
عزيز بابتسامه : اكثر شي يبرد خاطري بالعزايم اللحم
سلطان ضحك وقال : اي والله انك صادق
الجد محمد : باقي حتى عزيمة ذياب برمضان
عزيز بسخريه : ياجد مين اللي يسوي عزايم برمضان !
الجد محمد بحده : انا عندك مانع ؟؟
عزيز بابتسامه : ياجدي يدي تلصقت بالدّلة من كثر ماصبيت
صقر بحده : عزيّز تعشى وانت ساكت الناس لايسمعون
عزيز بهمس لسلطان : صدقني صقر مو طبيعي اليوم
سلطان بهدوء : اي حتى انا لاحظت ، يمكن عشان العضيد مو موجود
ضحك عزيز بعلو صوته وقال : انشهد انك صادز
ضحك سلطان من ضحكة عزيز
الجد بحده : ياصبي شوي شوي الرجال يناظرون
كتم ضحكته عزيز وكمّل يأكل
< عند الحريم >
آلماس بزعل : اقسم بالله انتس سامجه !
الهنوف بهدوء : ياقلبي والله بروح اشوف ابوي وأجي احس ماني مرتاحة
آلماس : لا كذابه مابترجعين
الهنوف باستعجال وهي تلبس عبايتها : والله برجع
آلماس لحقتها وقالت : على الأقل تعشي معنا
هزت راسها الهنوف بالنفي وهي مو مرتاحة من جهة ابوها طلعت من سور آل فهاد وركضت لبيتهم فتحت الباب وبدت ترجف اطرافها من ماسمعت صوت ابوها دخلت الصالة تشوف يد ابوها طايحه من على الكنب طاحت الشنطة من يدها بصدمه ركضت عنده جلست بجنبه تشوف حتى مايتنفس نزلت دمعتها صرخت باقوى ماعندها وقالت : يببببببببببه تكفى لا تخلينيي ماعندي الا انتتتتت تكفففففففففى
لكن للاسف ماكان له أي استجواب اخذت يده ضمتها وقالت : انت عايلتي واهلي وناسي وكل شي لي لاتخليني تكفففففففى يايبه تكففففى
قامت من استوعبت لازم مستشفى وقالت بدموعها : مين يودينا يبه ماعندنا احد
تذكرت ال فهاد وقالت بابتسامه : رجال ال فهاد بيساعدونا يايبه بررح اناديهم وتصحى متاكده انا
راحت تركض بدون برقع من خوفها على ابوها مادركت انها كاشفه دخلت وسط الحوش قدام الرجال كلهم قالت بصراخها ودموعها : تكفون يارجال ال فهاد تكفون
ناظروا ال فهاد بصدمه ركض صقر لها اخذ شماغه وغطاها قام الجد من عرف انها الهنوف وقال : الهنوف سمّي وانا ابوتس
الهنوف بدموع : تكفون ابوي توقف قلبه ابي احد يودينا المستشفى
طلعوا الحريم من الصراخ ومن بينهم آلماس اللي ركضت لها وقالت : هنّوفي وش فيتس
حضنتها الهنوف وقالت ببكى : تكفين ابوي لايخليني
نزلت دموع آلماس بحرقه وقالت : لا تقولين كذا مابيخليتس ياقلبي
صقر وهو صاد : يالهنوف امشي نودي ابوتس
مسحت دموعها الهنوف وقالت : اي الله يخليك
آلماس بهدوء : صقر بجي مع الهنوف
صقر حك حاجبه وقال : على راحتس يابنت راشد
راح صقر يطلع الجمس ويتوجه لبيت ابو الهنوف
نزل وقال قبل لايدخل : طريق
هو يدري انها اخته بس مايبي يشككها لين يقولون لها
دخل من سمحت له الهنوف راح وشاف المنظر اللي كان وده مايشوفه راح عنده وشله بين يدينه وركبه ورا مع الهنوف وآلماس حرك السيارة وهو يسمع بكى وشهقات الهنوف تنهد وهو وده يضمها ويهديها اخته بس للاسف هي ماتدري انهم اخوانها وكيف ردة فعلها بعد ماتدري عندها خمس اخوان سند واخت تكون معها بكل صغيرة وكبيرة ؟
< المستشفى >
بمكتبة ودوامه يخلص بعد ساعه وقع على اوراق مهمه دخل خويه وقال : والله يابو العز جلست حوالي خمس ساعات بالعملية
عز بابتسامه : وكيف نجحت العملية ؟
غمز له سعود وقال : اكيد سعود فيها يابو العز
عز ضحك وقال : الله يعزك وانت مسميني تسذا
ضحك سعود وقال : والله مروق عشان ماتناوب ها ؟
عز بابتسامه : اي والله اجلس انت هنيّا لين الظهر واروح انام انا
دخلت الممرضه وقالت باستعجال : دكتور فيه حالة طارئة توقف قلب المريض
قام سعود وقال : جهزوا العمليات بسرعه
الممرضه : حاضر دكتور
عز بهدوء : بالتوفيق ياسعودي
سعود بحده : لاتسمني كذا !!
ضحك عز وطلع سعود وهو يركض وقف عند الباب من شاف اللي جالسين وقال : السلام عليكم
قام صقر وقال : وعليكم السلام انت الدكتور ؟
سعود بابتسامه : ايه معك الدكتور سعود وبأذن الله ببشركم بعد شوي
ابتسم صقر وهز راسه بالايجاب دخل سعود غرفة العمليات وقال بصراخ : عطوني جهاز الانعاش سريع
اخذ جهاز الانعاش وحط على اخفض درجه وللاسف ماكان فيه نتيجه وقال للممرضه : حطي ١٥٠ سريع
تنهد سعود وماكان فيه نتيجه
< بالخارج عند باب غرفة العمليات >
قامت الهنوف وقالت : بروح اغسل وجهي واجي
قامت معها آلماس وقالت : اجي معتس ؟
هزت الهنوف راسها بالنفي وراحت الهنوف للحمام اللي يعتبر بعيد شوي دخلت من قرأت الاسم على الباب نزعت برقعها وغسلت وجهها الاحمر بشدة اخذت منديل وسوت طرحتها واخذت برقعها وطلعت حطته على وجهها تربطه ويدينها ترجف خوف كانت منزله راسها طاح برقعها من اصطدمت بجسم عريض رفعت وجهها ومايغطي وجهها شي ركز بجمال وجهها الاحمر الفاتن ودموعها اللي ماتوقف شلال على خدها صّد وقال : المعذره ياختي
نزل واخذ برقعها من على الارض واعطاها وقالت برجفة صوتها : شكراً
وراحت تنهد ورفع شعره من على وجهه كان بيوقع خروج ووقفه صوت الممرضه اللي قالت : دكتور عز الدكتور سعود يحتاجك بالعمليات
هز راسه عز بالايجاب وراح يلبس لابكوت وركض لغرفة العمليات ووقفه عيونها اللي تناظره حك حاجبه من عرف انها اللي قبل شوي ابتسم يطمنها نزلت راسها من ابتسامته دخل العمليات وغسل يدينه ولبس القلفز والكمام ودخل وقال : وش فيه ياسعود ؟
سعود بهدوء : قلبه متوقف ولازم ننعشه
عز اخذ الانعاش وقال : حطولي آخر درجه بسرعه
سعود بتوتر : متاكد ياعز ؟ مره قويه
عز بحده : سعود اخلص مابيجلس ينتظرنا بيموت بسرععععه
حط سعود على آخر درجه وابتسم من رجع دقات قلبه بالجهاز اتسع مبسم العز وقال : اللي برا وش يصيرون له ؟
سعود بابتسامه : وحده بنته والباقي مادري
ابتسم العز وقال بهمس بنفسه : الحمد لله ماخيبت آملها
سعود للممرضات : حطوله الاوكسجين وحطوه بالعنايه يلا
العز بابتسامه : تعال نعلم اهله
هز راسه بالايجاب سعود وطلعوا من العمليات طاحت عيونه عليها وكيف يدينها ترجف قاموا وقالت الهنوف : بشرنا يادكتور
ابتسم عز من سمع صوتها وقال : انتِ بنته ؟
هزت راسها بالايجاب وكمل عز وقال : الحمد لله رجع قلبه طبيعي بالانعاش
ابتسمت الهنوف وحضنت آلماس وقالت : الحمد لله ياربي
ابتسم من شاف فرحتها وقال صقر : الحين بتطلعونه الغرفه العاديه ؟
أنت تقرأ
الله ياغرامٍ اعذّب من قصيَد
Poetryالكاتبة ألين انتِ دليل الشعر لا حَل هوجاس أحيان أصب الشعر وأحيان أصبّتس شوفتس يشد العين ويشدّ الأنفاس مفتون منهو ذاق جرحتس وطبتس الياس ما يدخلتس والقد ميّاس يالمايس اللي كل ما ضقت أذبّتس أحيان أحبتس مثل ما تفعل الناس وأحيان لا والله "...
