“ ရွှတ် ”
Lyric မည်သို့ပင်အိပ်မောကျနေပါစေ အာခီ့အနမ်းဖွဖွသည် သူ့ ရင်ဖတ်တစ်ခုလုံး ဗလောင်ဆူစေလောက်သည်အထိ အင်အားကြီးမားကာ ရင်ခုန်သံလှိုင်းများ ရိုတ်ခတ်စေရန်အထိသက်ရောက်မှုအား ကောင်းလွန်းလှသည်။
“ ဟင် ခင်ဗျား ပြန်ရောက်နေပြီလား ”
တစ်ညလုံး အဖွားဖြစ်သူနေမကောင်းသဖြင့် ဆေးရုံသွားမည်ဟု အသိပေးကာ ထွက်သွားသူသည် မနက်စောစော၌ပင် ရုတ်တရက်ဆန်စွာ အခန်းထဲပြန်ရောက်လာသည်။
“ အင်း ကိုယ်အခုပဲ ပြန်ရောက်တာ ”
Lyric နံဘေး လွတ်နေသည့် နေရာကွက်လပ်၌ အာခီ ခန္ဓာကိုယ်တစ်လုံးကို ရှိရှိသမျှအားနှင့် ပစ်လှဲကာ နေရာယူသည်။
“ တစ်ညလုံးအဖွားကိုဂရုစိုက်ပေးနေရလို့ ပင်ပန်းသွားပြီလား ”
အာခီ အလွန်ပင်ပန်းခဲ့သည်။ စိတ်ရော ကိုယ်ပါ နွမ်းလျပင်ပန်းနေခဲ့ခြင်းဖြစ်သည်။ အသက်ရှူလိုက်တိုင်း နံရိုးနှစ်ခုအကြားရှိ နေရာအလွတ်ကိုဆွဲဆုတ်ခံနေရသည့်နှယ်မောဟိုက်နေသည်။
ရင်ဖတ်တစ်လုံးသည် မျှော်လင့်ချက်ရောင်ခြည်များ ကင်းမဲ့ကာ ပျော်ရွှင်မှုတို့သည်လည်း ဗလာနတ္ထိပင်။
“ အင်း ကိုယ်ပင်ပန်းနေတယ် ”
သို့သော်လည်း အဘယ်သို့ပင်ပန်းရသည်ကို Lyric အား သူ ထုတ်မပြောရက်။ သူ့မိသားစု ၏ တစ်ယူသန် အယူဝါဒကြောင့် ပွင့်လင်းကာ သွက်လက်ချက်ချာလွန်းသည့် သူ့ကောင်ငယ်လေးအား စိတ်မထိခိုက်စေချင်။
ငြင်းဆန်ခွင့်မရသည့် မိသားစုဥပဒေသကြောင့် တစ်ညလုံး အဖွားနှင့် အမေ၏ ဩဝါဒများအား ခေါင်းငုံ့ငြိမ်ခံခဲ့ရသည်မို့ အာခီတစ်ယောက်အင်အားများ ယုတ်လျော့လျက်။
“ အဖွားက သက်သာရဲ့လား ”
သူသည် ယခု ရက်ပိုင်းများ၌ Lyric အား တစ်ကြိမ်တစ်ခါမက နှစ်ကြိမ် နှစ်ခါဟု မဆိုသာ ၊ အကြိမ်ကြိမ် အခါခါပင် လိမ်နေမိသည်။
“ သက်သာပါတယ် ”
အိမ်ပြန်လာစေရန် တမင်တကာပင် လိမ်၍ခေါ်လိုက်သည့် အမေဖြစ်သူအား အာခီ ဒေါသ ထွက်ရသည်။ အဖွား၏ ရေးရိုးစွဲ အယူသီးမှုအားလည်း အာခီ စိတ်ပျက်မိသည်။
BẠN ĐANG ĐỌC
Lyric Of My Heart Beat || U+Z
Lãng mạnOne-night stand ကောင်လေး နဲ့ Bar မှာ Drum တီးတဲ့ ကောင်လေး တို့ရဲ့ Love Story. 22.3.2022
