Lyric Of My Heart Beat || U+Z

2

ခပ်လှမ်းလှမ်းမှ လှမ်းကာကြည့်ရုံနှင့်ပင် အရက်စပ်သည့်နေရာ၌ ‌စိတ်ပြေလက်ပျောက်အရက်ထိုင်သောက်နေသူကား Lyric ဖြစ်ကြောင်း လူတိုင်း ခန့်မှန်းနိုင်သည်။

ပွယောင်းယောင်းဆံပင်အနက်ရောင်သည် မဖြောင့်မစင်း။ သေချာကျနစွာ သ , ထားသည်မို့ နည်းနည်းလေးမှ ရှုပ်ရှက်နေခြင်းမရှိ။ သူ့ဆံပင်ပုံစံသည် တမင်တကာ ဖြောင့်စင်းမနေအောင် ပုံသွင်းထားသည်မျိုးပင်။

နားတစ်ဖက်စီတွင် သူသဘောကျသည့် နားကပ်ပုံစံမျိုးစုံကို နေရာပေးကာ ဝတ်ဆင်ထားသည်။ တစ်ပေါက်နှစ်ပေါက်မကသော နားပေါက်များနှင့်။

ဘေးတစောင်းကြည့်မှ ထင်းနေအောင် ပေါ်နေသည့် နှာတံစင်းစင်းသည် အဖေကြောင့်များလား အမေကြောင့်များလား။ တွေဝေငေးငိုင်စရာကောင်းလှအောင် အပြစ်ကင်းစင်သည်။

နည်းနည်းလေးမှ ပုတ်သိုးနေခြင်းမရှိတဲ့ မျက်နှာထားသည် စိတ်ဆိုးဒေါသထွက်နေလျှင်ပင် ပြုံးယောင်သမ်းလျက်ကလေးဖြစ်သည်။

ဝတ်ဆင်ပုံ သည် အာရှတိုက်သားပီပီ ဟော့ရှော့ခ် ဖြစ်မနေ။ သူသဘောကျတဲ့ အဝတ်အစားကိုသာ သူ့မျက်စိထဲ ‌သက်သောင့်သက်သာ‌ရှိအောင် သေသေသပ်သပ်နှင့် ဝတ်ဆင်တတ်သူပင်။

ပွပွယောင်းယောင်း ကြက်ဥအနှစ်ရောင် ဘောင်းဘီတိုရဲ့ ပံ့ပိုးမှုကြောင့် ဖြောင့်စင်းကာ အပြစ်အနာဆာကင်းနေသော ခြေသလုံးဖွေးဖွေးသည် ညဘက်မီးရောင်မှိန်တိမ်တိမ်အောက်မှာပင် ပြည့်စုံမှုကို အာဂုဏ်ဆောင်နေသည်။

‌လူငယ်ပီပီ စီးထားသော ဖိနပ်က ပေါ့ပေါ့ပါးပါးနှင့် စမတ်ကျသည့် ပုံစံပင်။ ခြေအိတ်အဖြူလေးကတော့ ခြေသလုံးဖွေးဖွေး၏ လေးပုံ တစ်ပုံကို နေရာယူထားသည်။

‌ချည်ထိုး အနွေးထည်ဟု ထင်ရသည့် ပုံစံပင်။

တိတိကျကျမပြောတတ်။ လက်ပြတ်ဖြစ်သည့်အပြင် လည်ပင်းပေါက်က V Shap. အပြာအရင့်ရောင် အပေါ်တွင် ကြက်ဥအနှစ်ရောင် အစင်းကြောင်းနှစ်ကြောင်း သွယ်တန်းနေသည်။

အထဲတွင်ထပ်ဝတ်ထားသည့် အင်္ကျီက စပို့ရှပ်အဖြူ။

လွယ်ထားသည့် အိတ်က အနက်ရောင် နှင့်မို့ သူ့ပုံစံသည် ဆယ်ကျော်သက် အထက်တန်းကျောင်းသူလေးများ သဘောကျသည့် " ကိုကြီး type" ပင်။