စာစဉ်အမည် - ငါ့မှာ ရတနာရှာနိုင်တဲ့စနစ်ရှိတယ်။
ဘာသာပြန် - လီလီ
အပိုင်း(၄)
နာမည်ကြီးကြယ်ပွင့်ကို ဘေးကကြည့်ရင်း ပျောက်ကွယ်သွားသည်။
သူတို့စကားပြောနေရင်း ယဲ့ဖန်နှင့် ရှချူးတို့ နောက်နှစ်ရက်မှာ ကျင်းပမယ့် ဖျော်ဖြေပွဲအကြောင်း ပြောဖြစ်ကြသည်။
" ကျွန်တော် လက်မှတ်မရလိုက်တာ နာတာဘဲဗျာ "
ယဲ့ဖန်က နောင်တရသည့်အမူအရာဖြင့်ပြောသည်။
" မဟုတ်ရင် ကျွန်တော် ဖျော်ဖြေပွဲကိုသွားပြီး တိုက်ရိုက်ကြည့်နိုင်မှာကို "
ရှချူးက ပြုံးပြီး နူးညံ့စွာဖြင့် နှစ်သိမ့်ပေးသည်။
" ရပါတယ်။ မင်း အွန်လိုင်းပေါ်ကနေ ကြည့်လို့ရတာဘဲ "
" ဟုတ်ပါတယ်။ ဒါပေမဲ့ အပြင်မှာတိုက်ရိုက်မြင်ရတာနဲ့တော့ကွာတာပေါ့။ ရှရှ၊ နောက်ကျရင်ရော ဖျော်ဖြေပွဲတွေလုပ်ဖို့ ကျုံးဟိုင်ကို လာဦးမှာလား "
" အသေအချာတော့မပြောနိုင်ဘူး။ အခွင့်အရေးရှိရင်တော့ လာမှာပါ။ အို၊ ဟုတ်သားဘဲ "
ရှချူး ပြုံးကာ မေးသည်။
" မင်းကိုကြည့်ရတာ ကျောင်းသားဘဲရှိဦးမယ်၊ဟုတ်တယ်မလား "
" ဟုတ်တယ် "
ယဲ့ဖန်ခေါင်းငြိမ့်ပြသည်။
" ကျွန်တော်က ဒီနှစ်မှ ပထမနှစ်ပါ "
" သိပြီ .... "
ရှချူး ခေါင်းငြိမ့်ပြပြီးနောက် တွန့်ဆုတ်သွားသည်။
ယဲ့ဖန်ရဲ့အဝတ်အစားတွေကိုကြည့်ရုံနဲ့ သူက သာမန်မိသားစုကမှန်းသိနိုင်သည်။
သူမဖျော်ဖြေပွဲရဲ့ ဈေးအပေါဆုံးလက်မှတ်ကတောင်မှ ယွမ်၅၀၀ကျသင့်တာကြောင့် လက်မှတ်အတွက်နဲ့ ယဲ့ဖန်ကို မရုန်းကန်စေချင်ပေ။
ယဲ့ဖန်ကို အထင်သေးတာမဟုတ်ပေမဲ့ လက်မှတ်လေးအတွက်နဲ့ အဲ့လိုလုပ်ဖို့ မတန်ဘူးလို့ ခံစားရသည်။ အကြာကြီးမစားမသောက်စုဆောင်းပြီးမှ ဖျော်ဖြေပွဲလေးကြည့်ဖို့အတွက် မတန်ပေ။
သူမရဲ့ပရိတ်သတ်တွေနဲ့ ကျောင်းသားတွေကိုလည်း မကြာခဏ ထိုစကားများပြောလေ့ရှိသည်။
ဒါပေမဲ့ သူမနဲ့ ယဲ့ဖန်ဟာလည်း မရင်းနှီးတဲ့အပြင် သူ့စိတ်ထားကိုလည်းမသိပေ။ ဒါကြောင့် သူမ အများကြီးပြောလိုက်ပါက သူ့ရဲ့မာနကိုလည်း ထိခိုက်မိမှာစိုးရိမ်တာကြောင့် ဘာမှမပြောဘဲသာနေလိုက်သည်။
YOU ARE READING
ငါ့မှာရတနာ ရှာနိုင်တဲ့ စနစ်ရှိတယ်
Fantasyဒီဟာလည်းဘဲ ခွင့်ပြုချက်မတောင်းထားပါဘူး။ start -31.5.2024(fri) end-
