စာစဉ်အမည် - ငါ့မှာရတနာရှာနိုင်တဲ့စနစ်ရှိတယ်
ဘာသာပြန် - လီလီ
အပိုင်း (၄၈)
သခင်ကြီးရှန်းရဲ့မိတ်ဆွေဟောင်း။
ယဲ့ဖန်က ရှန်းမိသားစုရဲ့နာမည်ကြီးသခင်ကြီးကိုတွေ့တဲ့အခါ လုံးဝကိုကြောင်အသွားသည်။
သူက လွန်ခဲ့တဲ့ရက်တွေတုန်းက ရှေးဟောင်းဈေးကနေ နဂါးကိုးခွက်ကို ယွမ်သန်း၈၀ပေးဝယ်သွားတဲ့ အဘိုးအိုမဟုတ်လား။
ရှန်းကွမ်းလင်းကလည်း ယဲ့ဖန်ကိုတွေ့ရ၍ အံ့ဩထိတ်လန့်သွားသည်။
သူက ယဲ့ဖန်ကို ဒီမှာတွေ့မယ်လို့ လုံးဝထင်မထားပေ။
ကျန်းရှောင်ကျဲက ရှန်းကွမ်းလင်းကိုတွေ့တဲ့အခါ မျက်လုံးကစားလိုက်သည်။
ရှန်းပိုင်ထျန်းက ယဲ့ဖန်ကို သူမကောင်လေးပါဟု လူသိရှင်ကြားကြော်ညာလိုက်ပေမဲ့လည်း ရှန်းကွမ်းလင်းက သဘောမတူလောက်ပေ။
ပြီးတော့ ရှန်းမိသားစုလို မိသားစုကြီးတစ်ခုက သူ့လိုကလေကချေကောင်ကို မြေးသမက်အဖြစ် လက်ခံမှာတဲ့လား။
ဒီကလေးက အမြင့်ကိုမှန်းလွန်းအားကြီးနေတာမဟုတ်ဘူးလား။
ထိုအတွေးနဲ့အတူ သူက ရှန်းကွမ်းလင်းကိုမြန်မြန်ကြည့်လိုက်သည်။
" အဘိုးရှန်း၊ ရှောင်ထျန်းလေးကပြောတယ် ဒါက သူ့ကောင်လေးတဲ့။ အဘိုးသိလား "
ရှန်းကွမ်းလင်းက ထိုအကြောင်းကြားတဲ့အခါ အံ့ဩသွားသည်။ သူက ရှန်းပိုင်ထျန်းနဲ့ယဲ့ဖန်ကို မယုံနိုင်စွာ ကြည့်ပြီးပြောသည်။
" ထျန်းထျန်း၊ အဲ့တာအမှန်ဘဲလား "
ရှန်းကွမ်းလင်းရဲ့အမူအရာကိုကြည့်ခြင်းအားဖြင့် သူက ဒီကိစ္စကို သိမထားမှန်း ကျန်းရှောင်ကျဲသိလိုက်ရသည်။
ဒါကတော့ ပြပွဲလှလှလေးဖြစ်နေတော့မှာဘဲ။
ထိုအချိန်တွင် ရှန်းပိုင်ထျန်းကလည်း နည်းနည်း ပျာယာခတ်သွားသည်။ သူမက အခု ယဲ့ဖန်ကို သူမကောင်မလေးလို့ပြောလိုက်ခြင်းက ကျန်းရှောင်ကျဲကို နောက်ဆုတ်သွားစေရန်သာဖြစ်သည်။
ထိုအကြောင်းကို သူမအဘိုးရှေ့မှာပြောရန် မရည်ရွယ်ထားပေ။
YOU ARE READING
ငါ့မှာရတနာ ရှာနိုင်တဲ့ စနစ်ရှိတယ်
Fantasyဒီဟာလည်းဘဲ ခွင့်ပြုချက်မတောင်းထားပါဘူး။ start -31.5.2024(fri) end-
