ငါ့မှာရတနာ ရှာနိုင်တဲ့ စနစ်ရှိတယ်

အပိုင်း 52

စာစဉ်အမည် - ငါ့မှာရတနာရှာနိုင်တဲ့စနစ်ရှိတယ်
ဘာသာပြန် - လီလီ

အပိုင်း (၅၂)
ငါတို့ပြောတာဘယ်ရောက်သွားလဲ။ ဆက်ပြောကြလေ။

တကယ်တော့ ကျိုးရှုယောင်းက ယဲ့ဖန်ကိုတွေ့လိုက်တဲ့အခါ သူမနှစ်ပေါင်းများစွာ စိတ်ထဲသိမ်းထားတဲ့ခံစားချက်တို့က တစ်ဖန်ပြန်ပေါ်လာခဲ့သည်။

သို့ပေမဲ့ သူမစိတ်ထဲမှာ တခြားပူပင်စရာကိစ္စရှိနေလေသည်။

ဒီနေ့ဝတ်လာတဲ့ယဲ့ဖန်ရဲ့အဝတ်အစားတွေအရ သူ့မှာ ငွေရေးကြေးရေးအခက်အခဲရှိကောင်းရှိနေနိုင်သည်။

သေချာပေါက် သူမက ထိုအရာတွေကို ဂရုမစိုက်ပါ။

ဂရုစိုက်တာက သူမ မိဘတွေသာဖြစ်သည်။

ဒီအချိန်တွေအတွင်းမှာ သူမ မိဘတွေက အောင်မြင်နေတယ်ဆိုတဲ့လူတွေနဲ့ မိတ်ဆက်ပေးနေခဲ့သည်။

ပြီးတော့ သူတို့က သေချာပေါက်ယဲ့ဖန်ရဲ့အခြေအနေကို လက်ခံကြမည်မဟုတ်ပါ။

ကျိုးရှုယောင်းသည် ငယ်စဉ်ကတည်းက သူမ မိဘတွေစကားကို အမြဲတမ်းနားထောင်ခဲ့သည်။ သူမ မိဘတွေရဲ့ဆန္ဒကို မဆန့်ကျင်ရဲပါ။

အဲ့တာကြောင့် သူမ အတော်လေးစိတ်ရှုပ်ထွေးနေရသည်။

သူတို့ သူငယ်ချင်းတွေ ရယ်မောနေကြတုန်းမှာဘဲ စားပွဲရဲ့အဓိကဇာတ်ဆောင် လုကျဲကနောက်ဆုံးမှရောက်လာသည်။

ယဲ့ဖန်ကိုတွေ့တဲ့အခါ သူကရောက်လာပြီး တင်းတင်းဖက်သည်။
" ငါ့ရဲ့ညီအစ်ကိုကောင်း။ ငါက မင်းအငြိုးထားပြီး မလာမှာစိုးရိမ်နေတာ "

ယဲ့ဖန်က သူ့ရင်ဘတ်ကိုထိုးလိုက်သည်။
" အတိတ်ကကိစ္စတွေပါကွ။ အခုထိမှတ်မိနေတာလား။ ငါကမေ့လိုက်တာကြာပြီ "

သူတို့နှစ်ယောက်ကြားမှာ ကြီးမားတဲ့အမုန်းအာဃာတတရားတွေမရှိပါ။

အဲ့တုန်းက လုကျဲက ယဲ့ဖန် ကျိုးရှုယောင်းအတွက်ပြင်ထားတဲ့ပန်းကို တက်နင်းမိသွားခဲ့သည်။ အဲ့ဒီနောက် သူတို့ရန်ဖြစ်ကြပြီး စကားမပြောကြတော့ပေ။

သူတို့ငယ်စဉ်တုန်းကဖြစ်ခဲ့တဲ့အကြောင်းတွေကို အခုတွေးကြည့်တဲ့အခါ ရူးကြောင်ကြောင်နိုင်သည်ဟုထင်သည်။