قَدَر

part 3:واقع

"وإنِّي لراضٍ بالقَضا وبِمَا تشَاء
وعِندي يقينٌ أنَّ لُطفكَ شامِلي”.

#####################
في منزل الجزار
_تنادي حنان لمصطفى زوجها
- مصطفى أنا معرفتش اتكلم قدام البنات علشان ميقلقوش هو إيه مضمون الرسالة اللي  استلمتها الصبح دي
- دي رسالة بعتهالي الاستاذ زياد بيقولي فيها إن المدة اللي كان محددهالي علشان ادفع الفلوس فيها خلصت بقالها يومين وفلوسه لسه موصلتوش فياريت الفلوس توصل علشان ميقدمش فيا شكوى أو يتخذ إجراء قانوني
تبكي حنان : كان مستخبيلنا كل ده فين يارب طب والعمل يا مصطفى
- العمل عمل ربنا يا حنان اعمل ايه اجيب منين منتي عارفه إن إحنا محيلتناش حاجه
- فك الوديعة اللي باسم بناتك يا مصطفى
ليغضب مصطفى : إنتِ هبلة يا حنان لا طبعا لا افرضي حصل في الظروف ظروف ابقى مأمن مستقبل بناتي
- ولازمته إيه مستقبل بناتك وأنت مش وسطهم يا حبيبي لازمته ايه بس
- لازمته كتير لازمته إن خلاص فريده على وش دخول كليه ومصاريفها هتبقى من نار خصوصاً لو ربنا كرمها بطب لازمتها إن دول بنات يا حنان ومسير كل واحدة فيهم هتحتاج تتجهز لفرحها علشان متبقاش أقل من أي بنت غيرها اقفلي الموضوع وربك هيحلها إن شاء الله
أنا خارج علشان محدش يسأل أنا اتاخرت بره عليهم ليه الكل متجمع مينفعش حد يلاحظ
مسحت حنان دموعها وخرجت هي الأخرى للخارج حيث يجلس جميع أفراد الأسرة

-----------------------
في المطبخ في منزل عائلة الجزار :
_ماما ناديه متوريني كده حتة الرنجة دي بتقول ايه .
فقامت ناديه بوضع قطعة في فمها لتجد فجأه يد والدتها حنان تضربها
_ااععع ايه يا حنان فيه إيه
_فيه إيه يا طفسه اصبري يابت الأكل خلاص هيجهز اهو يا فريده
لتصرخ ناديه في وجه حنان : متتكررش تاني يا حنان متمديش إيدك على ديدا تاني فيه ايه م بالهنا والشفا على قلبها
_لتقم فريده بالضحك بصوت عالٍ: ياه ده الواحد طلع ضهره مسنود بجد
_اخفي يبت بره هتجلطيني اخرجي يلا
_هخرج لأني عندي حبة كرامة كده
________
خرجت فريده إلى الصالة حيث يجلس جميع أفراد الأسرة
جلست بجانب عمها لتجد حديث موجه إليها من يونس ابن عمتها : ايه يا فريده أخبار 3 ثانوي معاكِ إيه
_والله يا يونس يا اخويا ماشيه الحمدلله بس صعبه
ليتحدث عمار : معلشي يا ديدا قصاد تعبك ده ربك هيعوضك
لتتحدث منه بخبث وقد كانت في عمر مماثل لعمر فريده ومعها بالصف الثالث الثانوي
_متقلقيش يا فريده على الأقل مستواكِ هيجيب تربية
لتتحدث فريده باسمة الوجه بكل هدوء : وكان مالها تربيه يعني أن شاءالله يا منه بصي يا منون يا حبيبتي أولا أنا هقتنع بكل اللي ربنا هيجيبه لأن ربنا عارف كل واحد مستقبله الكويس هيبقى فين إحنا ما علينا إلا الاجتهاد غير كده مش بتاعنا ده بتاع ربنا ثم إن ربنا مبيضيعش أمل حد ربنا قال في كتابه العزيز ﴿ إنّا لا نضيع أجر من أحسن عملاً ﴾
ثانيا كل الكليات في نظري قمه علشان أنا أو أي حد يقدر يبقى حاجه كبيره جدا في كليته يعني مثلا لو حد لحق معهد خدمه اجتماعيه مثلا معظم اللي بيدخلها بيكسل ويخلصها وخلصنا
بس قصاده في الناحيه التانيه ممكن واحد برضو في نفس المعهد يتجدعن ويدرس ويحضر ماچيستير ودكتوراه ويبقى دكتور ويشرح للطلاب
ممكن برضو تبصي لدكتور معاه كليه طب اهو بالرغم من ذلك محدش بيدخله عيادته وقصاده دكتور زميله اتجدعن وركز في دراسته الكل بيشهد بيه
يعني اللي عايزه افهمهولك إن كل الكليات قمه يا منه وانا اقدر ابقى دكتور في اي كليه ادخلها والأهم علشان ده يتنفذ إني ارضى بقضاء ربنا إن ربنا عارف إن الخير ليا هنا ف دخلهالي
وبس كده يستي
لينظر لها الجميع بابتسامة مشرقة كبيره ويقم عمها الأكبر حجاج باحتضانها : جدعه ي ديدا جدعه يبنتي روحي ربنا يكرمك واشوفك في احسن المناصب أبشرك بمستقبل أفضل أن شاءالله
_ شكرا يا عمي لحضرتك .
ترفع غزل صوتها يلا يا جماعه الاكل جهز يلا يا عمتو اقعدي جنبي علشان تفتحي نفسي كده
ليضحك يونس على كلامها وتنظر لها نجاه بخبث شديد بس كد يا قلب عمتو عنيا
____________________
في منزل آدم
يتحدث يوسف : يلا يا جماعه الغدا جهز اهو
فيجد الجميع أميره أول من سبقهم وجلس على مائدة الطعام
فتتحدث چنا اختها الصغيره
_ بالله عليكم يا جدعان شيلو بيان من قدامها أحسن البت يجيلها كوابيس بالليل
يضحك الجميع على ما تفوهت به الصغيره .
_ ملكوش دعوه ب بيان أنا اللي هأكلها
_ تتحدث اميره وفمها ممتلئ بالطعام فيكاد أن يكون كلامها غير مفهوم : اتنيل يا آدم وأكلها بس ريحونا بقى عايزه اعرف اكل يا خلق ده مش عيشه دي
ليتحدث يوسف : عارف يا آدم إن ربنا بيحبنا أوي
_ ليه يا چو
_ علشان إن الله إذا أحبّ عبداً ابتلاه وعندك اميره اختك دي اكبر ابتلاء
ليتحدث والدهم ضاحكاً: لا وانت الصادق دي مش بس بلوه دي مصيبه
لتتحدث اميره: قال يعني كده هسيب الاكل وأقوم هخلص اكلي واكل ايس كريمي واشرب بيبسي بتاعي وبعد كده هتأثر حاضر
__________
بس متيجي اقولك حاجه كده
« آدم شهاب » شاب وسيم يبلغ من العمر 20 عام طالب بكليه حاسبات ومعلومات طويل القامه  مهتم بمظهره وأناقته من عائله ذات مستوى مادي جيد جداً  شعره يميل للبني ويحب أن يقوم بعمل العديد من قصات الشعر الجديده به
--
«صبري شهاب»  والد آدم رب الاسره يعمل كنائب مدير أحد البنوك الماليه وهو الاخ الكبير لاخوته ( وداد & ريهام ) يبلغ من العمر 48 عام
--
«سعاد » والده آدم تبلغ من العمر 45 عام تعمل كمدرسه لماده الرياضيات بأحد المدارس الإعدادية
«اميره » اخت آدم الكبيره متزوجه من شاب يدعى ﴿محمود﴾
تبلغ من العمر 24 عام وهي الابنه الكبرى لعائله صبري شهاب وتمتلك فتاه واحده صغيره ﴿بيان﴾
---
«يوسف » الاخ الأصغر ل آدم يملك من العمر 16 عام بالصف الأول الثانوي  يشبه آدم كثيرا باستثناء لون عينيه ف عينيه تميل إلى اللون الرمادي أما آدم عيناه بنيتان غامقتان
--
«چنا » الاخت الصغيره ل آدم تبلغ من العمر 13 عام طالبه بالصف الثاني الاعدادي.
______________
نرجع تاني هنا 😂