قَدَر

Part 1:حَياه

في تمام العاشره صباحا يوم الجمعه تحديداً في أحد الأحياء السكنية المتوسطه في القاهره :
عيونك شايفها و حاسس ان أنا عارفها سيبيني لوحدي اوصفها مكسوفه لي ....كأنك معايا بقالك عمر ويايا بنفس الصوره جوايا من قد اي .. سنين شايفك في أحلامي بنادي عليكي ضميني ..ليالي كنت مش عايش ومستنيكي تحييني ..وحشتيني وحشتيني سنين بعدك على عيني ليالي كنت مش عايش ومستنيكي تحييني..
تدلف الأم «حنان» إلى غرفة ابنتها ممسكه حذاءها .. :أطفي المحروق ده على الصبح يا منيله
_ ايه يا حنون في حد يصحي حد كده يوم إجازته
_ لا ثانيه يارب متشلنيش دلوقتي هو مين اللي صحا مين يا فريده ي بنتي ارحمي نفسك بقا ..اي عمرو دياب عمرو دياب في ايه ارحمينا
_ يا حنون اصبري بس وافهمي كده
_اكتمي أنا بتكلم يا حيوانه
وقامت بضربها ممازحه إياها بالحذاء الممسكه به :هو ده اللي سيبيني يا ماما أنام براحتي حرام عليكم ده أنا في ثانوي
_ يا حنون طب مهو أنا كد مرتاحه.. أنا يستي إجازتي بحب اقضيها مع الهضبه انتو مالكو يا خلق
_ يا بنتي حرام عليكي ده انتي في 3 ثانوي
قامت فريده بمقاطعه حديث والدتها...عن اذنك يا حجه سيبيلي الطلعه دي
وشرعت مقلده امها ... :حرام عليكي يا فريده ده انتي في تالته ثانوي ده ابوكي بيصرف عليكِ دم قلبه ده احنا نبيع نفسنا علشان تعليمك علشان نفسي أنا وابوكي نشوفك حاجه انتي واختك وبعدين مهو لو حضرتك مش وش تعليم عرفيني وانا اقعدك مالتعليم خالص واهو نوفر بقا على نفسنا
ها يست الكل في حاجه ناقصه !
ضحكت والدتها وقامت بقرصها من أذنها: لا يسوسه مفيش حاجه ناقصه بس ياريت حضرتك تعملي بقا بالكلام ده
___________

صدح صوت آخر في الغرفه...: ايه ارحموا شويه يا بشر ده من لا يَرحَم لا يُرحَم عاوزه انخمد ..
قامت والدتها بصفعها على مؤخره رأسها ..: اسكتي يا ام لسانين
_ لا بكلمك جد يا ماما هو إحترام الإنسان النايم ده معداش على بيتكم
_ اتلمي يا غزل انتي بتكلمي ماما
_ والنبي يا فريده انتي بالذات مسمعش حسك خالص

فجلست فريده على ارضيه الغرفه واسندت رأسها على الحائط محاوِله تقليد دور الحزن : ياااه يا فريده كبرتي ومبقاش في حد بيحترمك
ليصدح صوت والدتها وهي تضحك بعفويه : قومي يلا يبت انتي وهي حضروا الفطار عبال م ابوكم يصحى
لتتحدث غزل بتهكم : لااااا لسه عايزه انام فريده هي الكتكوته الشطوره اللي هتعمل الفطار
_ تتحدث فريده : لا بقولكوا اي أنا 3 ثانوي ورايا مستقبل مش فاضيالكم ولله
لترد غزل : منا برضو 2 إعدادي ودي اكتر سنه بتحدد المستقبل
لتقاطعهم والدتهم ... : انتي تسكتي خالص يا حلوه يا ام مستقبل وانتي يا آنسه فريده يا ام مستقبل هو مش كان من شويه سيبيني مع الهضبه يا ماما
ليصدح صوت الأب وهو ينادي على فريده : يا ديدا
فتنظر إليهم فريده نظره محاوله فيها تقليد دور الغرور : معلش بقا استأذن أصلي مهمه زي منتو عارفين راحه اكلم حبيبي
اي يا حجيجه جايه اهه
قبل خروجها من الغرفه حاولت أن تبدو كشخص منهزم فخرجت إلى والدها بتلك الحاله لينظر لها نظرة قلق وهو يقول : مالك يا فريده يا حبيبتي في ايه
_ اتكاتروا عليا في غيابك يا حج
ليضحك والدها بعفويه على منظرها هتعيشي وتموتي بلسانين كده يا فريده يا بنتي
لتخرج والدتها من الغرفه : ومين يعني أن شاءالله يا مصطفى اللي عودهم على كد سواء هي ولا المسخوطه الصغيره