قَدَر

12: أنا أنتِ وأنتِ أنا

١٢
لو الغلطه دي مش غلطتي هنسب لمين أخطائي ))"
__________________
استيقظت فريده من نومها لتجد رساله من منه إبنة عمتها: فريده قابليني بسرعه ضروري النهارده
تحدثت فريده لنفسها : يادي المصيبه بقا هو أنا فاضيه يارب ده أنا ورايا هم ما يتلم
استغفر الله العظيم من كل ذنب عظيم يارب
أمسكت هاتفها لتجيب عليها : حاضر يا منه هجيلك أنا وروزان بعد الدرس
سرعان ما ردت عليها منه: ماشي نتقابل بعد الدرس في نفس الكافيه
خرجت فريده من شات منه ودخلت على شات صديقتها روزان: صباح الخير أنتِ صحيتي ولا لسه؟!
ردت عليها روزان في رساله صوتيه: يعني شايفاني اونلاين يكونش عفريتي يا أذكى أخواتك اه صحيت يا ستنا من بدري كمان كنت بذاكر عقبال عندك
ردت فريده: لأ تتحسدي يبت روزان صاحيه بدري تذاكر عجيبه
دي
صحيح اعملي حسابك بعد الدرس هنقابل منه
وجدت فريده اتصال هاتفي من روزان وسرعان ما فتحته وجدت روزان تصرخ فيي وجهها :
بقولك ايه يا فريده البت دي مالآخر كده مش مظبوطه ومتلزمناش وأنا عارفه الأشكال اللي شكلها دي كويس لو كنتي أنتِ هبله وغلبانه فأنا لأ يا ماما البت دي نويالك على نية شر وحاجه وحشه ليكي
- يا روزان اصبري بس اديني فرصه اتكلم
- اتكلمي يا ست هانم سمعيني جمال صوتك
- أنا من المره اللي فاتت وأنا عارفه إنها بتكدب ومش ده اللي كانت هتقوله والمره دي أنا حاسه أنه فيه حاجه مهمه هي هتقولها
- ماشي يا فريده بس خليكي فاكره إن أنا حذرتك علشان وقت الجد هتلاقي مني ردة فعل وحشه أوي
تحدثت فريده بصوت آلم : إيه هتسيبيني أنتِ كمان وتبعدي عني زي اللي بعدوا يا روزان
كانت كلمات فريده موجعه للغايه كما أنها تحدثت بصوت منكسر
وقعت تلك الكلمات على روزان كما دلو الماء المثلج في منتصف فصل الشتاء وشرعت في البكاء وردت بصوت محشرج على فريده
: أنتِ بتقولي إيه يا فريده أنتِ مش عارفه أنتِ تبقي إيه بالنسبه ليا ده أنا حمدت ربنا مليون مره أنه رزقني بيكي يا فريده تقومي تقولي كده ده أنتِ العوض ليا يا فريده ده أنتِ عارفاني أكتر من نفسي ده اليوم اللي مش بشوفك فيه ببقا حاسه إني هموت عمري في يوم حتى محطيت أسمك تحت مصطلح الصاحب لأنك مش صاحبه أنتِ أخت ليا تقومي تقولي كده أخص عليكي الله يسامحك أنا أبعد عنك طب إزاي ده أنا واخده وعد بيني وبين ربنا إن الحاجه الوحيده اللي هتفرق بينا هي الموت يا فريده
بكت فريده بشده وتمنت لو كانت روزان أمامها لتحتضنها بشده
- أنا آسفه معرفش أنا قولت كده إزاي بس أنا تعبانه ميغركيش ضحكي وهبلي وعبطي ده أنا في حال ربنا وحده اعلم بيه أنا موت عمي الكل مفكر إني إتخطيته ميعرفوش إني كل يوم بقعد في أوضتي لوحدي أعيط من فراقه مبيفارقش تفكيري لحظه واحده
مش بس كده لأ كمان الظروف خلت بابا يبعد عننا ده أنا الفتره اللي كان بيبقى فيها في الشغل كنت ببقا هموت علشان مش شايفاه قصاد عيني دلوقتي يا روزان بقا شوفاني ليه بمواعيد معينه أنا بقالي فوق ال 3 إيام واكتر مشوفتش بابا يا روزان
إيه هو ده كله سهل وانا بالرغم من كل ده بحمد الله على كل شيء ومبعترضش على قضاء وقدر ربنا و عندي كمية صبر رهيبه وإيمان بالله
-جدعه يا حبيبتي وأنا وعد مني مش هسيبك يا فريده أنا فضهرك أنا أنتِ وأنتِ أنا
- ماشي أما اقابلك هحضنك يست على الكلام العسل ده يلا روحي البسي هدومك وحودي عليا نروح الدرس وعلى فكره بقا هعزمك على حاجه حلوه على حسابي
-ولو مفيهاش غلاسه بقيت دستة الجاتوه اللي سيبتها امبارح دي
-امشي يبت من هنا
-سلام يست
خرجت فريده للصاله
-صباح الخير يا ماما
- صباح النور يا فريده رايحه فين بدري كده
- درس الكيمياء ام الماده الصعرانه دي
- ربنا معاكي ويوفقك يا فريده يا بنت بطني وميضيعش تعبك على الأرض ويجعلك العوض لينا يارب العالمين
- يارب يا ماما
ابتسمت لها والدتها وقبل نزول فريده من المنزل تحدثت والدتها
- صحيح عندي خبر حلو ليكي
- إيوا بقا يا حجه فاجإيني
- هنروح لبابا بكره أن شاءالله
- بتهزري يا ماما
- لأ والله مبهزرش
دمعت أعين فريده من فرحتها وتحدثت بصوت فرح للغايه: روحي يا شيخه ربنا يفتح نفسك زي مفتحتي نفسي على الصبح كده
ثم نزلت لتقابل روزان صديقتها ليتجهوا للدرس
__________________
في منزل مجهول الهوية دلفت ماهيتاب حاملة لحقيبه بها مبلغ من المال
- سلام عليكم إزيك يا ماهيتاب
- بخير الحمدلله أنت إزيك يا عاطف
- الحمدلله ياختي جبتي الطلب ؟
- اه دول 20 ألف جنيه زي ما اتفقنا اهو واجبك بقا إنك تجيبلي حقي ماللي اسمه آدم ده أن شاءالله حتى لو هتوصل إنك تطلع روحه
- ماشي يستي بس برضو عايز أعرف هو عملك إيه علشان ده كله
ردت عليه بصوت عالٍ وصرخت في وجهه : عاطف بقولك ايه أنت ملكش دعوه أنت اللي ليك فلوسك وخدتها عليك إنك تنفذ بقا
نظر لها نظره ساخره لكن كان لها مغزى آخر: براحه علينا يست خلاص ماشي
- أنا ماشيه
- ليه متقعدي شويه كمان
- لأ علشان الناس يقولوا إيه عليا لو عرفوا أن أنا في شقة واحد غريب قعدت كل ده مش تربيتي
ثم تركته ورحلت
تحدث هو بصوت مليئ بالشر من ناحيتها بعدما رحلت : اه تربيتك منا عارف يبنت وليد والله لوريكي بس صبرك عليا
_____
عاطف
زميل لآدم وماهيتاب في الجامعه توفى والداه وتركوه في سن صغير من عمره شاب غير سوي نفسياً يُعاني بشده يتعاطى نوعاً من أنواع تلك المخدرات التي ترهق عقله لكنها من وجهة نظره هي الشئ الوحيد القادر على جعله ناسياً ما حدث له في الماضي وتلك الذكريات السيئه المسببه له المشاكل النفسيه
"__________
في منزل آدم
- آدم أنت رايح فين كده
- رايح الجامعه يا چو فيه حاجه
- اه لو توصلني الدرس في طريقك يعني
- اه وليه كده يعني إيه السبب اللي يخليني أعمل كده معاك
- ثواب وبتكسبه في كلب شكلي يعم
ضحك آدم بشده
- ماشي يعمنا
تحدث يوسف: هو أنت يالا متعرفش تحترمني يعني لازم كده اتهان علشان اوصل للي أنا عايزه
-  يا چو يا حبيبي المشكله صدقني مش فيا المشكله فيك أنت اللي إنسان مهزء
- مش هرد عليك والله الرد على العبيط بيعلمه التنطيط
- عبيط أنا عبيط يا معفن أنت!
- اه يبتاع فريده
- لو فاكر إني هتعصب بقا وكده تبقى غلطان أنا ليا الفرحه كلها لما تقولي كده فريده دي أعظم اختياراتي
غمز له يوسف بطرف عينه: أيوا بقا بقا بقا ناس عايشه وناس بايشه ربنا يوفقكم يارب يا حبيبي
احتضنه آدم: ويخليك ليا يا چو ويوفقك في دراستك الأول وبعد كده حياتك و يخليك ضهري وسندي كده
- وأنا يعني جايبني من ملجأ ولا إيه مش فاهمه
كان ذلك هو الصوت الذي جاءهم من الخلف وكانت هي چنا اختهم الصغيره
تحدث آدم بجديه استطاع رسمها : لأ مش ملجأ هو كان باب جامع يا حبيبتي
رد عليه يوسف : كان على ناصية شارع ياض يا آدم بيتهيألي
- لا يا يوسف باب جامع
نظرت لهم الصغيره وتحدثت بخبث واحتضنت يوسف
- طب أنا ويوسف متطمنين أننا اتولدنا من ماما وأنت شاهد الدور والباقي عليك أنت والله شكلهم لاقينك انت قدام باب الجامع يا آدم
ضربها ممازحاً إياها: إتلمي يا سوسه
صحيح امسكي يا چنا
ثم وضع لها قطعه من نوع الشوكولاته المفضله لها في يدها : دي مش حب فيكي لا قدر الله ولا حاجه لأ دي علشان تركزي أمتحاناتك بعد بكره
- أنا برضو قولت الواد ده محسود ولا إيه
- محسود ليه يا جزمه قديمه هو أنا مش أول واحد بجيبلك كل الحاجات اللي أنتِ بتحبيها دي
نظرت له بعين دامعه وشرعت في بكاءها وارتمت في حضنه
شدد هو من احتضانه لها : فيكي إيه يا حبيبي مالك
رفعت عيناها ببطء : خايفه
- خايفه من إيه يا بنوتي
- خايفه لتنساني علشان فريده دخلت حياتك أنا بحبها اوي اوي والله واعتبرتها زي اميره كمان بس خايفه لتتغير من ناحيتي واهتمامك بيا يقل و متجيبليش حاجات حلوه تاني ولا تهزر معايا قد كده فاهمني
ابتسم لها ثم ضمها في حضنه مره أخرى: أنا لو هموت مش هحب بنوته قدك وعلشان مكدبش يعني و بيان كمان ومجتش على المنيله ام كرش امها بس اللي بحبها اكتر يعني هو أنتِ أنتِ عمري معاملتك زي أختي لا أنا من يوم مجيتي الدنيا دي اعتبرتك بنتي مش أختي ومفيش حد هيحب حد اكتر من بنتو يعني بس برضو هفهمك حاجه فريده أن شاءالله هتكون مراتي يعني مش بس هحبها أنا هعشقها بس ده مش معناه اني حبي ليكي ينقص فتفوته صغننه حتى يا حبيبي
ردت عليه: وأنا اكون أكتر حد مبسوط لما تحبها بس يعني تفضل تحبني أنا اوي فاهم يا اندومي
- فاهم يا قلب اندومي
كان ذلك هو الإسم التي اعتادت أن تناديه به منذ صغرها فقد كانت المره الاولى التي تسمع فيها اسم دلعه منذ أن كبرت وفهمت هو ادومي لكن هي قررت وضع بصمتها فنادته اندومي بدلاً من ادومي
ضم آدم يوسف هو الآخر في حضنه مع چنا وبدا كما الفرخه مع كتاكيتها الصغار
وجد صوت بكاء وكانت هي بالفعل من استطاع الصغار تخمينها كانت سعاد والدتهم وجدوها تمسك هاتفها وتلتقط لهم صور للذكرى
ترك آدم الصغار وتحرك جهة والدته ومسح دموعها وتحدث ممازحاً إياها: بتعيطي ليه يا وليه بس بطلي كئابه
- ولدت قطط وعفاريت زُرق يا آدم يا حبيبي
رد مشاكساً إياها: حتى في دعاكي عليا بتحبيني يا شيخه .
لكمته في كتفه : قطع لساني لو دعيت عليك يا جزمه
تحدث يوسف بصوت عالٍ: إيه يا كتاكيت الحب الدرس معاده هيفوت يا بعيد ياللي اسمك آدم
تحدث آدم: طب عن إذنك يا حجه أستأذن أنا ومش علشان درسه هو والله بس علشان محاضرتي هو يولع عادي يعني جدا
بس لما اجي عيطي تاني علشان نكمل ها يا ماما مش حارمك من حاجه اهو
ثم أمسك مقتنياته ونزل هو ويوسف وركبا السياره
رن عليه هشام ورد هذه المره يوسف
كان هشام يتحدث بغضب : أنت فين يا حيوان هو أنت حالف نتطرد من أم محاضرة الزفت اللي إسمه لبيب ده
رد عليه يوسف : مشوفتش حيوان غيرك أنت يا مهزء يا قليل الاخلاق هو أنا اخويا خدام عندك يا لا هو أنت مش عندك عربيتك
ربت آدم على رأسه فرحة من حديثه وهو يضحك
فأكمل حديثه: آدم يشتغل خدام ليا أنا بس
لكمه آدم في كتفه : حيوان هقول ايه
رد هشام : أنت مالك يا عمنا عربيتي يعم بحافظ عليها أصلها كتكوته على قدها يعني إنما بص عربية اخوك ماركة ايه وحلاوة ايه
رد يوسف : خمسه في عينك هنتقلب أنا وهو دلوقتي
- أنت جاي معاه ليه يا چو
- والله هو الود ودي اني اجي معاه يا هشهش على الأقل أشوف المزز اللي عندكو في الجامعه اشقطلي بطه كده قطه كده فاهم بس الظروف بقا ورايا درس الامتحانات الاسبوع الجاي
- يخسارة تربية خالتي سعاد فيك تشقط تشقط يا يوسف
- واد يا هشام بلاش الاحترام ده خليك شكل عبد الرحمن
- اديني أخوك يالا
- أصلا وصلت الدرس اهو غور يلا مش شكراً يا عم آدم على التوصيله اللي زي القرف شكلك دي سلام
بعدما نزل من السياره التفت لآدم وتحدث بنبره منكسره بعض الشيء
- ادعيلي يا آدم ادعيلي يا اخويا
تأثر آدم من منظره : روح ربنا يكرمك ويوفقك وتفهم يارب
- لأ يا آدم ادعيلي مروه ترضى تديني رقمها
أمسك آدم زجاجة المياه ورشها عليه :: أخفى يا مهزء ركز يابا في الدرس ها في الدرس
- ماشي يعم سلام
أمسك آدم الهاتف مره اخرى ليكمل مكالمة هشام
- معلش على أسلوب يوسف ده
- أنت أهبل. يالا هو ده هزارنا ملكش دعوه
- طب اقفل أنا داخل عليك اهو نهارك اسود هو أنت اللي لابس مشجر ده
- اه انا اقفل هو رصيد وخلاص
وقف آدم بسيارته أمامه : الست سعاد حسني هتنزل امتى
- مش فاهم
- مهو بالقميص المشجر ده مفيش تفسير غير أنه شم النسيم انهارده 
تحدث هشام بسخريه : حوش حوش يالا على الحته الكاروهات اللي أنت لابسها
استمرا في الضحك حتى وصلا الجامعه
دلفوا للداخل وجدوا عبد الرحمن يتحدث : حبيب بابي جود مورنينج دوما جود مورنينج هشوما
- جود مورنينج يا زفت ايه الروقان ده
تحدث محمد مقاطعاً إياهم:
- طب  بالله. من امتى الحيوان ده مش رايق ده يوم مشال ملاحق كان رايق يوم م أمه وأبوه كانوا واقفين على الطلاق كان رايق يوم وفاة جده كان بيسمع أحمد عامر
رد عليه عبد الرحمن: ياسطا اتعامل بروقاني هترتاح وبعدين يا حيوان متجيبش سيرة عمهم على لسانك أحمد عامر ده اسطوره ميسمعهوش غير اللي بيفهم بس.
ثم نظر لهشام ورفع صوته : ازاااااي .
ارتبك هشام وتساءل : ازاي ايه
أكمل عبد الرحمن:
إزااااي قلبك يسيبك..تقسى على قلب حبيبك ..وتزود ناره ناار إزاااااي .. البُعد أنا اتحملته ...خدتنيي في طريق كملته..كان صعب وكله مرار...وجاي دلوقت تقولي خلاص... ماخلاص قلبي انجرح...خلاص قلبي انجرح ... خلاص...خلاااااص
وقبل أن يكمل وجد صفعه على وجهه من محمد : اخرس بقا صوتك جابلي صرع
تحدث عبدالرحمن: لا يوجد تقدير لروح الفن ولا الفنان يا معفنين
- لا والبعيد ام كلثوم وسطنا
تحدث هشام : يلا علشان المحاضره
تحرك الثلاثه ولم يتحرك آدم كان ممسكاً لهاتفه وجد عبدالرحمن يقترب منه يشده من يده: يلا يا نغه يلا يا قطه المحاضره 
- يا عم اصبر
وضع عبد الرحمن وجهه في الهاتف ليجده يرسل لفريده يطمئن عليها .
- هاهاهاهاو هاهاهاو مره كمان
- فيك إيه ياض اتظبط كده
ضحك عبد الرحمن بصوت عالٍ
: الحق يا محمد الحق يا هشام د بيتطمن على فريده
تحدث الاثنان : وايه المشكله مش فاهمين
تحدث عبدالرحمن: اصل الحلو كان بيتتريق عليا
رد آدم : طب الحلو بيتطمن على خطيبته حلاله مش البت اللي شاقطها وياريتها بت يا عبده دول 7
- يادي الكثوف حضرتك يعم بحبهم
-بت اي يا اخويا يبني اتعدل بقا حرام عليك
-والله أنا بقولهم أنا اخوكم بس هما بقا بيموتوا فيا طب اعمل ايه يارب مش ذنبي اني عسول
رد عليه آدم: عسول ايه يا جربان ياض ده أنت القمل عامل مباني في راسك
- مش احسن ميعمله في حته تانيه
- قصدك إيه يا حقير ها
-المحاضره يزفت منك ليه
-حاضر يا هشام امي مبتحاسبنيش كده والله
___________________
في منزل طه
- صباح الخير يا حج
- صباح الخير يا عيسى
- فيك إيه يا بابا
هذا ما قاله عيسى بعد رؤيته لوجه أبيه الذي بدا عليه الإختناق والغضب الشديد
- مفيش يا عيسى
- لأ فيه يا بابا من امتى بتخبي عليا حاجه
- يا حبيبي مش عايز اشغلك بمشاكلي
- لأ تشغلني أنا اللي بقولك أهو
- أنت عارف أن اختك هتتخطب اهي وهتحتاج مصاريف من نار و كمان لسه أختك رودي بتتعلم ومحتاجه قد كده
- اه يا بابا والحمدلله مستوره القرش اللي أنا بجيبه على اللي أنت بتجيبه وهتتقضى ربك هيسترها أنا واثق من ده
تحدث طه بصوت خافت حزين
- مهو المشكله في القرش بتاعي أنا يا بني .
- ليه يا بابا فيه إيه
- أنا اتخانقت مع صاحب الشغل وسيبته
- ليه يعني ده الحج جمعه غلبان
- مهو من ساعة مإبنه جه مسك الشركه معاه وهو عمال يقل في أدبه ومش محترم حد لا كبير ولا صغير والولد ده الصراحه هانني آخر مره وأنا كرامتي وجعتني ومش هروح تاني وقدمت استقالتي من الشركه
بدت ملامح الغضب على وجه عيسى بشده : يا حيوان يا ابن******* إزاي ال***ده يعمل معاك كده وتسكت يابابا ليه مكلمتنيش وأنا اجيلك اعرفه معنى الربايه اللي أهله معرفوهالهوش
- أهدى بس وصلى على حبيبك النبي كده يا عيسى يا ابني ده عيل مترباش  حتى أبوه ملهوش كلمه عليه إحنا يعني اللي هنغير فيه بعدين أنا ده مش تفكيري خالص دلوقتي يا عيسى
نظر له عيسى نظرة استفهام ليكمل طه : أنا دلوقتي بس اللي مضايقني أن مفيش شركه هتقبل بيا بعد عمري ده أنا كبرت خلاص
تفهمه عيسى وأستأذنه : دقيقتين لو سمحت يا بابا وجاي بسرعه اهو
دلف عيسى لغرفته وفتح الدولاب الخاص بملابسه وأمسك حقيبته الجلديه وأخرج منها مبلغ مالي وخرج لوالده الصاله
تفآجأ والده من ذاك التصرف و تساءل في نفسه عن مصدر المال
تحدث عيسى وهو يبتسم لوالده وجلس بجانبه :
- أنت يا حج كنت بتشتغل في شركة كهرباء يعني بتفهم في الدنيا دي كويس أوي
قاطعه والده - إيه الفلوس دي يا عيسى
- يا حج صبرك عليا بس ورد الأول لو سمحت
- اه يا ابني فاهم كويس الحمدلله
- فل الفل اوي يا حجيجه ده يعم مبلغ ميتعزش على ابويا
ووضع المال في. يد والده
نظر له والده نظرة دامعه
أكمل عيسى حديثه : وعلشان يا حج تتطمن أن الفلوس دي حلال الفلوس دي مصدرها هو شغلي أنا الفلوس اللي كانت بتطلعلي كنت بعمل بيها جمعيات أنا والرجاله صحابي علشان نجهز نفسنا أن شاءالله بس يا حج ميغلوش عليك
تحدث طه: لأ خلي فلوسك لنفسك يا ولا مش هاخد حاجه منك أنت اللي تاخد مني بس أنا أبوك
- يحج صلي على النبي كده الأول أنت خيرك مغرقنا أنت السبب في اللي أنا فيه ده كله دي فلوسك أنت والله
- لأ يا عيسى دي فلوسك أنت ده تعبك وشقاك يا ابني
- مهو مين يعني اللي كبرني وصرف عليا واحد دلوقتي بيصرف يا حج
- طب علشان تجهز نفسك يا ابني
- اجهز إيه بس يا حج لسه بدري موت الموت وبعدين يا عمنا ابقى اعملي أنت الشقه ساعتها
ربت والده على كتفه : ربنا يكرمك ويوفقك يا عيسى يا ابني يا أرجل الرجاله أنا فخور بيك أنا بجد كده عرفت أربيك
- حبيبي يا حج بس نفكر صح بقا الفلوس دي يا حج عباره عن 30 ألف جنيه  أن شاءالله نأجرلك محل حلو كده ونفتح محل كهرباء يا حج وأنت ماشاء الله ايدك تتلف في حرير في الشغلانه دي ونبقا فتحنا مصدر رزق والرزاق يرزق بقا حكم أن الأرزاق بيد الله سبحانه وتعالى مش بتاعتنا إحنا
- ماشي يا حبيبي بس مش عايزين نتأخر .
- عينيا يا حج من بكره هدور على محل نضيف
عن إذنك يا حج
- رايح فين يا حبيبي
- نازل أنا وصحابي على الكافيه هنبصمج الماده ادعيلي يا حج الامتحانات الاسبوع الجاي اخر امتحان ليا في مسيرتي التعليميه المهببه دي
نظر له والده باسماً بشده وتحدث بنبرة حنان أبوي : ياه عليك يا زمن كبرت يا عيسى وهشوفك بتتخرج قدام عينيا ده كنت لسه بتتعلم المشي من يومين يا حبيبي
- الدنيا بقا يحج
- اتكل على الله يا حبيبي وركز وأنت بتذاكر بس مذاكرتش ليه يا حبيب ابوك من اول الترم
- ممكن تعرفني يا حج أنا في كلية إيه يعني
- أنت في معهد خدمه اجتماعيه يا حبيبي وأنت اللي اخترته
غمز له عيسى: مهو أنا اخترته ليه تقدر تقولي
- لأ معرفش
- علشان  يا حج وزي ما انت شايف كده اعمل اللي انا عايزه طول السنه واجي قبل الامتحان بإسبوع الماده تتبصمج واجيب امتياز كمان 
ضحك والده : ربنا يوفقك يا عيسى يا ابني
جاءت خديجه زوجته وهي باكية العينين : شوفت يا طه أنا قولتلك أن أنت عرفت تربي أنا فرحانه بإبني أوي
ربت طه على كتف زوجته : الحمدلله يا خديجه هو ده رزق ربنا الحقيقي لينا الحمد والشكر ليك يارب
_______________________
بعد انتهاء الدروس هاتفت فريده منه لتخبرها أنها متجه لتقابلها كما اتفقت معها
وصلت فريده وروزان للكافيه  وجلستا على الطاوله الجالس عليها منه
- السلام عليكم ازيك يا منه
- الحقيني يا فريده انجديني لو سمحت
كانت منه تتحدث وهي منهاره وغارقة في دموعها
أسرعت فريده وروز لإحتضانها
تحدثت روز : مالك بس إهدي كده علشان خاطري وعلشان نفهم فيه إيه
تحدثت منه : أنا هقولك الحقيقة علشان أنا تعبت أوي
- قولي ووعد سر بينا مش هيخرج
- أنا في ولد إسمه هادي صاحبي
تحدثت روزان : اه كده أنا استنتاجي كان صح
أكملت منه وهي تتحدث بصوت محشرج من البكاء الشديد
الولد ده في يوم لاقيته باعتلي ادد وأنا الصراحه الشيطان لعب بيا وقبلته بعد كده بدأنا نتكلم كتير وعلاقتنا كبرت وبقيت مفيش يوم بيعدي من غير مكلمه وكان بيقولي كلام كتير حلو اوي ووعدني أنه هيتجوزني كمان و في يوم قررنا إننا نتقابل
و صمتت منه
تحدثت روزان بإندفاع : لأ كملي كملي الحته الجايه دي المصيبه وأنا حاساها بلاش بقا شغل العياط والقرف ده
تحدثت فريده مقاطعه روزان : لو سمحتِ يا روز اهدي علشان نعرف فيه ايه اتكلمي يا منه ومتخافيش أنا معاكي وقبل كل ده ربنا سبحانه وتعالى معاكي
أكملت منه حديثها : بعتلي لوكيشن مكان على الفون ورحتله هناك وأما روحت لقيت هناك كذا بنت وكذا شاب يعني هو فهمني إن دي حفله هو عاملها علشان الكل يتبسط وكده و أنا اتطمنت لما لقيت فيه ناس كتير هناك جابلي كوباية عصير وأنا شربتها ومحستش بأي حاجه بقا بعدها ولما فوقت لقيت الحيوان ده مصورني صور وحشه يا فريده أظن أنتِ فهمتي يعني ومن ساعتها بان على حقيقته وبقا بيهددني بالصور دي وبياخد مني فلوس علشان يسكت وأنا مبقتش عارفه اجيبله منين تاني
تحدثت روزان : بصي يا بت أنتِ الغلط كله عندك إنتِ هتعيطي بقا وكده هتبقي غلطانه نفسي أفهم من أول مالكلام ده حصل متكلمتيش ليه ها سايباه يسوق فيها يعني
تحدثت منه : والله مكنت اعرف ان دي نيته صدقوني
احتضنتها فريده: طب اهدي خير أن شاءالله هنتصرف بس عارفه هنتصرف ازاي أولاً الجأي للي خالقك وتشكيله همك و صلي وقربي منه عمره مهيخذلك ربنا ربنا ده كبير أوي مفيش والله العظيم حد لجأله إلا وحلله مشكلته ووقف جمبه وسنده وخرجه من مشكلته على خير ثانياً انشفي كده ومتخافيش احنا معاكي مش هنسيبك أنتِ غلطتي غلطه كبيره أوي يا منه بس ربنا بيسامح هو الحكايه كلها أن ربنا يستر الحيوان ده ميعملش حاجه بالصور لحد منتصرف وعلشان تبقي عارفه أنا هعرف حسن أخونا
- لأ علشان خاطري لا متعرفيش حد والنبي لأ أنا كده ممكن اروح فيها لأ والنبي يا فريده لأ
كانت في موقف صعب للغايه حقاً
كان منظرها مثير جدا للشفقه لكن هي من أوقعت نفسها في ذاك الموقف والمأزق لم يجبرها أحد على فعل ذلك هي من فعلت ذلك بكامل إرادتها لذا هي من تتحمل لذا عزيزتي إحفظي نفسك من كل ذلك
﴿حفظ الله وستر عرض وشرف كل فتاه﴾
تحدثت روزان : مهو يبنت الناس لازم حد يعرف لوحدنا كده مش هنعرف نتصرف لازم راجل يعرف
غمزتها فريده لتفهم روزان أن فريده تنوي شيئاً ما
انتهى الحديث بينهم وقبل الرحيل ربتت فريده على كتف منه : فوضي أمرك لخالقك وخير أن شاءالله وامسحي دموعك دي واتصرفي على طبيعتك علشان محدش يلاحظ حاجه
تدخلت روزان في الحديث الذي كان مغزاها إهانة منه : اتصرفي يا حبيبت قلبي زي يوم ماتبليتي على فريده وآدم كده
اتصرفي بجموديتك اللي متعودين عليها يا منون يا حبيبي
نظرت منه لهم بإنكسار : أنا آسفه بجد يا فريده حقك عليا أبوس إيدك سامحيني علشان خاطر ربنا
- أنا سامحتك يا منه عادي خلاص محصلش حاجه
أكملت روزان : فريده حبيبتي طيبه ملهاش في أنها تكره حد ولا حاجه علشان كده زي ما أنتِ شايفه ربنا بيجيبلها حقها لحد عندها من غير حاجه
رحلت روزان وفريده لتعودا للمنزل ورحلت منه هي الأخرى لمنزلها
وفي أثناء سير روزان وفريده لمعت عينا فريده حينما مرت على سوبر ماركت حينما رأت نوع شوكولاته المفضل لها لاحظت روزان ذلك وامسكتها من يدها كما تمسك الأم صغيرتها ودلفت بها لداخل السوبر ماركت
- بصي يا ست ديدا علشان تعرفي إن أبو أيمن بيضحي
أمسكت قطعتين من تلك الشوكولاته وأكملت : أوعي تفتكري أنهم ليكي تؤتؤ واحده ليا والتانيه ليكي كليها بقا بالهنا علشان أذلك بيها يلا
صفعتها فريده على وجهها ممازحة إياها : تذلي مين يا جربانه أنتِ أنا معايا فلوسي يا معفنه
- يا والنبي خليني أذلك شويه
- ماشي يا روزان
حاسبت روزان على ما أخذته وتحدثا في طريقهما للعوده
- فريده أنتِ هتقولي لحسن صح؟
- لأ هي حلفتني بالله ومش هينفع أقوله خالص يا روز
- طب هتقولي لمين
- مش عارفه ربنا يحلها من عنده بقا ويسترها عليها وعلينا
- بس يا فريده قسماً بربي لو في حاجه هتضرك قبل متضرني في الموضوع ده لكون بنفسي رايحه قايله للحربايه الكبيره أمها اللي ماشيه تتشطر عليكِ وسايبه بنتها دي
- أنتِ عارفه يا روزان فعلاً اللي منه فيه ده مش ذنبها هي خالص ده ذنب عمتو عمتو عمرها معاملتها زي بنتها أو صحبتها لا عمرها مهتمت بيها خالص دايما بس كانت تحاول تتطهضني أنا وداليا بنت عمي حجاج الله يرحمه ده حتى غزل يا شيخه كانت واقفالها على الواحده ولما اي حد يجي يتكلم عن بنتها عمرها ماكانت تصدقه هي اللي قصرت في تربيتها طب أنتِ عارفه يا روزا عمتو عمرها محاسبت منه على حاجه غلط هي عملتها عمرها أبدا ولو حد كان قالها حاجه كانت تهب فيه وتزهق الله يسامحك يا عمتو طب أنتِ عارفه حتى جوزها عمو يحيى لما كان يجي يعاقب منه على حاجه كانت عمتو تتخانق معاه وتاخد منه وتمشي
الله يسامحك يا عمتو فعلاً
وصلت فريده وروزان تحت منزل فريده
- هتتطلعي يا روز .
- مش عارفه بس حساني نفسي أطلع ولا اقولك لا متعوضه مره جايه هروح دلوقت ازاكر وأنتِ متشغليش نفسك بحوار البت دي وتسيبي مذاكرتك يا هانم
احتضنت فريده روزان وهتفت في أذنها بصوت حنون : بحبك يا كل حاجه حلوه في حياتي
شددت روزان من احتضانها : وأنا مش بحبك بس أنا بعشقك بس مقولتليش الشوكولاته عجبتك
خرجت فريده من حضنها : خلصنا يست
- لأ بكلمك ب امانه عجبتك طعمها حلو
ـ اه يا ستي زي العسل
- أصلها بفلوسي وكده
- مخلاص عرفنا انك كريمه جدا خلصنا يوليه
- ماشي يلا سلام
دلفت فريده لشقتها
: ماما أنا جيت
- حمدالله على السلامه يا فريده يلا علشان الغدا
- ماشي هغير هدومي وجايه اهو
دخلت غرفتها لتجد غزل ممسكه للكتاب وتبكي
جرت عليها فريده واحتضنتها : مالك فيه إيه يا غزل بتعيطي ليه
- علشان الامتحانات بعد بكره
- طب بتعيطي ليه مش مزاكره يعني
- لا مزاكره وكويس كمان
تعجبت فريده الله طب إيه المشكله
تحدثت الصغيره بصوت منكسر : علشان بعد بكره بابا مش هيوديني الامتحان هو كل سنه اللي بيوديني أنا مش مرتاحه بقا طول مهو اللي مش هيوديني يا فريده
دمعت أعين فريده هي الأخرى: معلشي يا قلبي أن شاءالله بابا يرجع بالسلامه و أن شاءالله تحلي كويس بكره وبعدين اكبري بقا يا مسخوطه أنتِ خلاص داخله على تالته اعدادي يبت
- حاضر يا ديدا
- قومي يلا جهزي الطرابيزه علشان ناكل عبال مغير هدومي
خرجت الصغيره من الغرفه فانفجرت فريده من البكاء
وجلست تبكي بشده فكلمات الصغيره أثرت بشده عليها ولم تحب أن تظهر ذلك أمامها حتى لا تضعفها
وتحدثت : وحشتني يا بابا وحشتني اوي الدنيا قاسيه من غيرك الدنيا متتعاشش أصلا ربنا يرجعك بالسلامه لينا يا نور عيني
ثم ابدلت ملابسها ومسحت وجهها جيداً حتى لا يظهر اثر البكاء عليه وخرجت لتناول الطعام ثم بعدها اتجهت لغرفتها لتذاكر وبعدما انتهت من الدراسه أمسكت هاتفها وتحدثت  مع نفسها
: بصراحه مقداميش حل يا منه غير ده  مدام أنتِ حلفتيني مقولش لحسن أخويا
دخلت على الشات الخاص ب أحدهم وكتبت : بخ
______________________

# قَدَر
# بقلمي هنا غريب