قَدَر

9:تغيير الموازين

التاسع

‌ منذ رؤياك اكتشفت نوعاً جديداً من الغرق وهو الغرق بلمعان عيناك

---
في صباح اليوم التالي في منزل الجزار تحديداً في غرفة فريده
وقفت حنان أمام الغرفه ودقت الباب
- فريده يا فريده
- إتفضلي يا ماما أدخلي
- إيه اللي مصحيكي بدري كده
- ورايا درس يا ماما
- درس إيه مهمه أوي حصة النهارده يعني
- آه حصة چيلوچيا كنت غايبه الحصه اللي فاتت
- طب أنا هروح لوحدي لبابا مع حسن إبن عمك وخلاص
تبدلت ملامح فريده من الحزن للبهجه وتحدثت بصوت فرح للغايه: بتهزري هنروح لبابا أنتِ بتتكلمي جد
- آه والله بس خلاص بقا روحي أنتِ الدرس
- درس إيه ده ملوش لازمه
تحدثت حنان بجديه: لأ أنتِ قولتي إنه مهم وكمان كنتي غايبه الحصه اللي فاتت والإمتحانات قربت
- في داهيه يا ماما أنا عايزه أروح أشوف بابا وكمان أنتِ كده كده رايحه تكلميه في موضوعي أنا وآدم
- طب صحيح قبل منروح أنا معرفتش اتكلم معاكِ امبارح لما لقيتك بتزاكري
- اتكلمي يا حنون
- أنتِ إيه رأيك في موضوع آدم ده
- بصي يا ماما أنا لسه صغيره على كده بس اللي حصل ده خلاني مصدومه والرأي الأول والأخير لبابا  وبابا كلمته سيف فوق رقبتي
- ربنا يصلح حالك ويسهلك يا بنت بطني
- يا حنون
- إيه يا حسن
- يلا أنا جهزت
خرجت حنان وفريده وحسن وتوجهوا إلى مصطفى
___________
في الحجز
- مصطفى الجزار جايلك زياره
تحرك مصطفى نحو المكان المخصص لرؤية الآتي وسرعان ما رأى فريده أبنته شعر وکأن الروح دبت فيه مرةً أخرى بعد رحيلها
جرت عليه فريده واحتضنته بشده وبكت في أحضان والدها
- بابا وحشتني أوي أنت أخبارك إيه يا حبيبي عامل إيه
وضع يديه على خدها وقبلها من رأسها : بخير طول منتي بخير يا حبيبتي أنتِ اللي أخبارك إيه وحشتوني وغزل فين عامله إيه
- بخير يا حبيبي بخير الحمدلله
- أهلا ازيك يا حسن ازيك يا حنان
- بخير الحمدلله يا عمي
- بخير يا مصطفى
جلسوا معاً
وتحدث مصطفى: عمي كان فيه موضوع كده حابب اكلمك فيه
- اتكلم يا حسن فيه ايه
قص عليه حسن ماحدث
:والصراحة يا عمي أنا موافق
انصدم مصطفى مما حدث من جهة أخته وإبنتها: بس يا حسن أنا فريده بنتي طفله لسه
- لأ يا عمي تمت 18 سنه وخلاص أهي رايحه الجامعه فين الصغر بقا والواد الصراحه لقطه خصوصاً في الظروف دي
يعمي 
- بس يا حسن
- مبسش يا عمي مبسش قول موافق
شرد مصطفى فيما قص عليه حسن بخصوص نجاة أخته وفكر في الأمر جيداً
- طب ويا حسن إيه الأحوال اللي هتبقى ماشيه
- طب بعد إذنك يا فريده أنتِ وحنون تسيبونا حبه
- بص يا عمي هقولك على سر هنعمله
ثم بعد قليل نادى على حنان وفريده مره اخرى
- فريده
- نعم يا بابا
- أنا موافق أنتِ إيه رأيك
- اللي تشوفه يا بابا بس أنا عندي طلب
- أؤمري
- ميبقاش في بينا حاجه اللا بعد الأمتحانات
تحدث حسن : طبعاً يا حبيبتي هو بس هتبقى قراية فاتحه إنما لو خطوبه أو كده فلسه بدري موت يا ديدا
- كده كتر خيرك يا أخويا
- بس قدام أبوكِ أهو الواد هياخد رقمك يتطمن عليكِ في أوقات فراغك علشان ميشغلكيش عن دراستك
وأبوكي وافق
- تمام يا حسن
ثم انتهت الزياره وعادوا للمنزل مره أخرى
_______________
في منزل آدم
- آدم  قوم يا آدم
آدم يا دوما اصحى يلا
- تحدث آدم بصوت نائم
- امم عايز إيه يا يوسف الكلب
- قوم يالا
- الساعه كام
-11  يا سيدي
- لأ مش صاحي لسه بدري
- براحتك خلي بابا وماما يروحوا عند ديدا لوحدهم
انتبه آدم لحديث أخوه واعتدل على سريره
- ديدا مين معلش
غمز له يوسف بطرف عينه : فريده يعمنا
أمسك آدم وجه يوسف وأخذ يقبله كثيراً
- خلاص يا عم إبعد بقرف ياللي تنشك
- لأ أسيبك إزاي ده أنت وش السعد عليا
- أي خدعه يا عم قوم بقا البس
- حاضر
انتفض آدم من سريره وفي غضون دقائق معدوده كان يقف في صالة المنزل
- أنا خلاص جهزت يا حجيج
ضحكت چنا : شوف الواد إيه يا أخويا يعني رايح تقابل فيروز
غمز لها بطرف عينه وقال لها : لأ جارتها
- إيه ده هي فريده دي جثه
- لأ يا غبيه مش فيروز قالت أنا والقمر جيران
نظرت له بوجه ممتعض: كك داهيه يا شيخ أنا لو منها وسمعت البوقين دول أطردك بره بيتي
- هششش يا بت أنتِ
تحدثت الأم ممازحة إياهم : بس يا شوية جزم أنتو احترموني أنا وابوكم 
- مش لايق عليكِ دور الأم التوكسيك ده يا سو
تحدث صبري : يلا يا آدم
- بابا خدني معاك لو سمحت
- مينفعش يا چنا ده إحنا بس رايحين نشوف هما وافقوا على أخوكي ولا لسه
تحدث آدم بإرتباك وتهكم في وقت واحد
- خير إن شاء الله يا حج هيوافقوا إن شاء الله متقاطعوش أنتو بس
- الله يعم آدم أمال لو مكنتش واخدها بس علشان الموقف اللي اتحطيتوا فيه
- لأ يا بابا مش حكاية موقف  إتحطيت فيه معاها مهو لو كان موقف زي محضرتك فيه كان موقف ماهيتاب بقى أكبر من موقف فريده على الأقل ماهيتاب قالت إن أنا اتهجمت عليها إنما فريده نكرت كلام بنت عمتها الحربايه دي
أنا يا بابا شاري فريده
- جدع والله راجل يا آدم ربنا يبني يكملك على خير
قبل الخروج من المنزل وقفت سعاد ونادت على يوسف و چنا: ياريت يا محترمين اللي حصل في الشقه المره اللي فاتت ميتكررش يا حلوين يا قطاقيط ياللي بتسمعوا كلام ماما يا كتاكيتي
- إيه يا  حجه كتاكيت إيه متقوليليش الكلمه دي
تحدث آدم: آه يا ماما علشان هو بس بيحب يسمعها من البت بتاعته
- بتغدر بيا ياض يا آدم آه يا ابن الغداره طب خدي عندك بقا يا ماما آدم من يوم محكتيله عن فريده وهو مشغول بيها ومبيتكلمش غير عنها وكان نفسه يشوفها
حمحم آدم بإحراج: ربنا ياخدك يا جدع
تحدث صبري بخبث ووضع يده فوق كتف آدم: أتاري الواد شاري فريده من أول مره
لا يا بابا أنا هشيل الغلطه بتاعت الحربايه بنت عمتها لا يا بابا فريده تخصني امم يا آدم
- يا حج يلا بس نتكلم بعدين يلا نروح للجماعه