قَدَر

13: بدأت في الاعتياد

١٣
عزيزي القارئ حط الڤوت إيدك مش هتتشل لو حطيته بس ممكن تتشل لو محطتوش علشان قلبي وصوابعي هيبقوا غضبانين عليك😂❤️
****************
و فضلت ماشى بحاول أهرب و أنسي حد مبنسهوش زي اللي أدمن ڪيف و مبيبطلوش  .
****************************
خرجت الصغيره من الغرفه فانفجرت فريده من البكاء
وجلست تبكي بشده فكلمات الصغيره أثرت بشده عليها ولم تحب أن تظهر ذلك أمامها حتى لا تضعفها
وتحدثت : وحشتني يا بابا وحشتني اوي الدنيا قاسيه من غيرك الدنيا متتعاشش أصلا ربنا يرجعك بالسلامه لينا يا نور عيني  أنت متعرفش إحنا من بعد مبعدت عننا متبهدلين إزاي أنا مش هعرف أكمل وأنت بعيد عني والله يا بابا
ثم ابدلت ملابسها ومسحت وجهها جيداً حتى لا يظهر اثر البكاء عليه وخرجت لتناول الطعام ثم بعدها اتجهت لغرفتها لتذاكر وبعدما انتهت من الدراسه أمسكت هاتفها وتحدثت  مع نفسها
: بصراحه مقداميش حل يا منه غير ده  مدام أنتِ حلفتيني مقولش لحسن أخويا
دخلت على الشات الخاص ب أحدهم وكتبت : بخ
فلم يصلها الرد في وقتها كما بدأت في الاعتياد على ذلك
تحدثت في نفسها : أنا همسح الرساله وخلاص هي فكره مهببه أصلاً من الأول
وقبل أن تدخل على الشات مره اخرى وجدت إشعاراً هاتفياً من ذاك الشخص
فتحت الرساله لتجد محتواها: إيه يا حبيبي معلشي اتأخرت عليكي في الرد
كتبت له : مبدأياً كده لما أقولم بخ ترد عليا عدل وتقولي عو
لم يستطع آدم كتم ضحكته من حديث فريده وانفجر ضاحكاً ورد عليها
- حقك عليا طب تاني بقا يلا
أرسلت له فريده : بخ
رد عليها : عو
- ايوا كده جدع بص بقا كلمتين كده الأول علشان ماسكه دموعي بالعافيه إني هضايقك أنا آسفه إني كتبتلك متأخر كده بس والله يدوب لسه مخلصه مزاكره واليوم كان مضغوط اوي ف بعتذر إني هضايقك في الوقت ده يا آدم
رد عليها : طب اقفلي يلا سلام
- ايه ده ليه
- مهو أنتِ يا فريده مدام حاسه بالذنب اوي كده انك هتضايقيني يبقى ميصحش تكتبيلي
- عندك حق أنا بكرر آسفي
- خدي يبت تعالي هنا
- خلاص والله حقك عليا المره دي
- هو أنتِ هبله اوي كده يا حبيبت قلبي أنا ملكك بتاعك تكلميني في اي وقت أنا بس بحاول افهمك  يا فريده أن لازم التكاليف دي تتشال من بيننا
- يعني أنت فاضي
- ولو مش فاضي افضالك يا مسكره 
- بص يا آدم الموضوع خطر أوي ومهم موت بالنسبه ليا وبصراحه ملقتش غيرك يقف جمبي
ابتسم آدم بشده من تلك الكلمات فقد شعر أنه بعد قولها لتلك الكلمات تعتمد عليه بشده وبدأت بالتعلق به
كتب لها : استر يارب فيه إيه
- الموضوع بخصوص منه يا آدم
- منه منه تاني هي البت دي عايزه منك إيه أنا المره الفاتت مسكت نفسي بالعافيه لأني متربتش إني أمد ايدي على بنت لكن كده زودتها عملتلك إيه تاني المهزءه دي
- لا لا أهدى كده يا عمي الموضوع مش كده خالص
- أيده امال فيه إيه
- مش هينفع في الشات خالص
- طب هرن عليكي
- لأ الوقت أتأخر خلاص واحنا لسه حتى مش مخطوبين معلش
- اللي يريحك يا ديدا طب هرن بكره
- مينفعش تيجي احكيلك وش لوش احسن
- طب مواعيد دروسك ايه بكره
أخبرته فريده بمواعيد دروسها
-تمام اوي كده هجيلك أن شاءالله على الساعه سبعه اخر النهار
- تمام هستناك
أراد آدم أن يستفزها بحديثه فكتب لها بخبث
- بص ملاحظه يا فريدتي اللي أنا لاحظته
- فريدتك إيه متتظبط في الكلام يالا
لاحظت ايه يا حج
- إنك بقيتي عايزه تشوفيني وتكلميني كتير
ارتبكت فريده وكتبت له مسرعه
: والله مكنت هكتبلك الحكايه مش كده خالص وأنا مش مدلوقه عليك زي مهو في دماغك والله بس  والله مش عارفه افهمك
- طب هفهمك أنا الحكايه وما فيها أنه مش عيب انا في حكم خطيبك خلاص وبقيتي ملزومه مني وأمانه في رقبتي كمان يا وصية الرسول مش عيب انك لو في ازمه متحتاجيش حد بس تحتاجيني أنا ده الطبيعي ترتاحي معايا أنا ده الطبيعي فاهمه
- تمام خلاص يا آدم وشي أحمر والله دلوقتي
-  يوغتي يوغتي بطتي بتتكسف
- خلاص بقا يا عم روميو تصبح على خير
- و أنتِ من أهلي يا كتكوته
اغلق آدم هاتفه فور كتابة تلك الرساله لينام لأنه كان متعباً للغايه في الجهه الأخرى كانت فريده مرتبكه للغايه يداها تتحرك بشده وترتعش  أسرعت فريده وكتبت لصديقتها روزان : بت يا روزان بت صاحيه ؟
- اه  بزاكر اهه
- ربنا يوفقك ومعاكي ينورعيني صحيح عايزه اقولك حاجه
- قولي هو شكلها في نصيبه من ساعة دخلة بت صاحيه دي
- الموضوع ممكن تزهقي عليا فيه يا روزان وتمدي ايدك كمان ده لو مبلعتنيش
- لا أن شاءالله مفيش بلع لسه واكله كبده
- نهارك اسود كبده دلوقتي ده احنا داخلين على الساعه تلاته الفجر  هتموتي فطسانه يبت
- بالهنا على قلبي يستي
قصت فريده ما حدث على روزان وحكت لها ما قالته لآدم في رساله صوتيه ثم ارسلت لها رساله :
عموماً أنا هبعتلك اسكرين شوت احسن
ثم ارسلت لها لقطات شاشه لشاتها مع آدم
ردت روزان : هقرا على رواقه وارد عليكي بس خدتيلي بالك مالخصوصيه اللي بيننا
- اه اه خصوصيه فظيعه طبيعة الشعب المصري والله
بت أنا هنام دلوقتي ولما اصحى هكلمك تصبحي على خير
- اشطا وأنتِ من أهل آدم يا ديدا
ضحكت فريده بشده وكأن رسالة صديقتها لها وصفت شئ ما هي بدأت في رغبته
___________________
في صباح اليوم التالي
بعد أن استيقظت فريده وأدت فرض الله وتناولت وجبة الإفطار مع عائلتها جلست مع الصغيره غزل
- بت يا غزل
- إيه
- هاتي كتاب العربي كده وتعالي
- فريده الامتحانات بكره بكره تمام
- طب إيه المشكله
- لأ مبراجعش أنا ليلة الامتحان يا غاليه
- ليه بس هراجعلك على النحو طب
ابتسمت الصغيره بسمه ساخره لأختها وردت عليها مستهزءه : وهو النحو إيه غير دنيا فيها الفاعل مبني على المفعول يعني
صدح صوت هاتف غزل فردت مسرعه
- أهلا ازيك يا چنچن
ردت عليها الصغيره الأخري أخت آدم : صباحك قشطه يا غزالتي الامتحان بكره
- اه أنتِ إيه احوالك
- والله من شدة البرود قاعده اكل لب واسمع رضا البحراوي
شكلي اتعديت من أميره أختي  منها لله بابا ياما حذرني من طفاسطها بس وماله
- وأنا كمان والله عندنا جلاش قاعده اكل وبسمع اغاني برضو
- بتسمعي إيه بقا
- عمرو دياب أحمد عامر رضا البحراوي عامر منيب مروان موسى بابلو كده يعني
- اوعا زوقنا زي بعض
ردت فريده بصوت عالي شابه الصراخ : يا موكوسه أنتِ وهي الامتحان الصبح يا حلاليف وانتو بتتكلموا في إيه يا شوية جزم
ردت چنا بخبث وقصدت أن تعلى صوتها ليسمعه آدم: اهلا اهلا صباح الخير يا مرات اخويا آدم
تعجبت فريده من ما تفوهت به : صباح الخير يا منيله اي جو توم كروز ده
- هتعرفي دلوقت اصل ليا مصلحه من ناحيتك
لم تمر الثواني على حديث فريده حتى وجدت آدم يمسك الهاتف من يد أخته : صباحو قشطه يا معلمي
- يا ستار يارب أنت ياض بتطلعلي منين
- والله أنتِ اللي رنيتي عليا
- اي ده اولا اختك رنت على اختي ثانياً ده رقم وتيليفون أختك
- عندك حق تصدقي المهم عامله ايه
- الحمدلله
- يدوم عموماً خدي بقا چنا أهي كملوا وصبحي على غزل وطنط واللي عندك لحد مجيلكوا علشان أنا خارج رايح الجامعه
ردت فريده بتلقائيه دون أن تعي ما تقول : ربنا يوفقك ومعاك يا حبيبي
تفتحت أعين آدم بشده وفتح فاه مما قالته وشعر أن الفراشات تطير حوله
خطفت الصغيره الهاتف من يده :هتشحنلي على حسابك على فكره
قبلها آدم: ده أنا اشحنلك بألف جنيه يا ست البنات يا وش الخير
في الجهه الأخرى كانت فريده مصدومه مما قالته دون وعي لكنها تخطته حتى لا تشعر بإحراج أمام الصغيرتان
أكملت چنا : إيه يا ستنا بتزهقي علينا ليه
- علشان يا حلاليف عندكم امتحان بكره وقاعدين تسمعوا رضا البحراوي
- معلش حاضر لو مضايقك هغيره
- لأ مش قصدي خالص ده أنا بحبه موت
- ماشي أنتِ عامله إيه في دراستك
- الحمدلله يا مسكره خدي غزل اهي و سلمي على طنط وعمو وأخواتك وكل اللي عندك
- حاضر هسلملك على آدم اوي
- اه يا مسخوطه طب لما اشوفك بس
بعدها تناولت غزل هاتفها من يد أختها لتكمل الحديث مع چنا
------
في منطقة المقابر تقف فريده باكية العينان أمام قبر محبوبها وعمها الراحل حجاج ممسكة بالقرآن الكريم تقرأ له الآيات القرآنية ثم انتهت من قرائتها وجلست جانب القبر تشكو لعمها ما يحدث لها وتتحدث بصوت موجع للقلب بشده
' شوفت يا عمي أحنا اتبهدلنا من بعدك إزاي الدنيا بقت ملغبطه اوي مبقاش فيه حاجه ماشيه صح أنت بعدت عننا و بابا كمان بعد إنت متصور أن مواعيد أننا نشوفه فيها بقت زيارات يا عمي و كمان موضوع منه بنت عمتو ده فظيع وأحنا داخلين على أمتحانات و كمان موضوع خطوبتي لآدم أنت عارف يا عمي الكل بقا مفكر أن خلاص انا خدت على الوضع واتأقلمت عليه وبقيت مبسوطه باللي أنا فيه و كمان اتأكدوا من ده من طريقة كلامي مع الكل منهم آدم بس أنت عارف انا بعمل كل ده علشان اللي حواليا علشان محسسش ماما بحمل فوق اللي هي بقت شايلاه علشان أختي لما تشوفني زعلانه متتأثرش بده ويبان عليها الزعل علشان مسمحش لأي حد أنه يقول في حقي كلمه وحشه أنا لحد دلوقتي مش متصوره إزاي بقا في حد في حياتي اسمه آدم بيشاركني حاجات كتير متخصوش و بيحاول يقربنا من بعض بأي شكل أنا الفكره دي حساها صعبه عليا اوي شوف بقا الكل شايف كده مشافونيش وأنا قاعده كل يوم على الكتب بتاعتي اعيط علشان خايفه تعبي يروح وعلشان ظروفي مشافونيش وأنا كل يوم بصحا من النوم على كابوس بيزعجني حتى في وقت راحتي بجد الدنيا صعبه اوي يمكن الوضع كان اختلف لو أنت كنت موجود يا حبيبي بس الحمدلله على كل حال معلشي لو طولت عليك وقرفتك بالرغي ده  بس صدقني محدش هيحس بيا ولا هعرف اتكلم معاه غيرك  ربنا يرحمك ويغفر لك يا عمي وحشتني أوي
ثم اتجهت نحو الدرس لتتقابل مع منه وروزان
تحدثت منه بتردد : ف فريده هو أنتِ قولتي لحد على اللي حكيتهولك ده
ردت روزان بإنفعال وغضب : هو أنتِ إيه يا بت أنتِ نوعك إيه يا حربايه ها مقالت خلاص أنها مش هتقول لحد إحنا يا حبيبتي مش بميت وش شكلك وبنكدب فإرتاحي واتهدي شويه ها اتهدي
نظرت لها منه بنظرات  منكسره كما أنها لم تقوى على الرد
نظرت فريده ل روز بغضب فلم يكن يصح أن تتحدث بتلك الطريقة التي تحدثت بها مع منه
بعد إنتهاء الدروس وفي أثناء طريق العوده لمنزل فريده تحدثت فريده مع روزان: روزان بصي أنا مقدره أن أنتِ خايفه عليا من منه وإن منه ظلمتني قبل كده بكتير وعملت معايا مواقف كتير وحشه بي ميصحش تكلميها كده برضو في ظروفها دي
ردت روزان بغضب: ظروف إيه قليلة الأدب دي اللي حصل ده بمزاجها وإحنا وأنتِ بالذات كويس أننا بنساعدها تحمد ربنا بقا على كده
لم ترد فريده على روزان بشأن حديثها عن منه
- روز هو أنتِ قولتي لأمك إنك هتيجي عندي
- اه يستي قولت وحاولي متكلمنيش لحد منوصل البيت علشان صوتنا ميعلاش في الشارع
ضحكت فريده على طريقة روزان وصمتت بالفعل حتى وصلوا للمنزل وسرعان ما دلفوا للداخل وجدوا أن نجاة وإبنتها بداخل الشقه زفرت كلتاهما الهواء بعصبيه وحاولوا اصنع البسمه على وجوههم وتحدثت فريده ملقية للسلام
- السلام عليكم إزيك يا عمتو وازي عمار ويونس وعمو يحيى
- ازيك يا فريده  الحمدلله كويسين ويونس زي الفل الحمدلله هيكون ماله يعني
كانت لهجة نجاة عفويه بشده وفهمت فريده مقصد عمتها
ولم تعلق على حديثها تحدثت روزان
- ازيك يا طنط أخبارك إيه وحشاني والله.
ردت نجاة بإمتعاض شديد: الحمدلله يا حبيبتي وبعدين وحشاني إيه هو فيه مره باجي فيها مبلاقيكيش هنا
لم تبد روزان اي اهتمام بذلك التعليق السخيف
تحدثت فريده محاولة لتغيير الموضوع
- إزيك يا منه عامله ايه
لم تريد منه أن تتحدث بطريقه جديده تلاحظها أمها وتحدثت بنفس طريقتها المعتادة
- بخير الحمدلله وأنتِ عامله إيه أنتِ والمحروس بتاعك
تحدثت فريده بعدم فهم: الحمدلله بس مين المحروس ده
تدخلت نجاة : اللي بنتي قفشاكوا سوا يا حبيبتي
ضحكت منه ونجاة في حين امتعضت ملامح روزان وردت بعفوية
- تصدقي يا بت يا منه إنك عيله قليلة الأصل ناكره للجميل واللي حارقني مش كده أصل ده طبعك والطبع غلاب اللي حارق قلبي وقاهره أن الغبيه المغفله بتصدقك إتفضلي يا ست فريده ادي اللي عايزه نسندها ونصدقها
رفعت نجاة صوتها : أنتِ يا بت بطلي قلة الأدب دي احترمي إنك في بيتنا
تدخلت حنان محاولة لتهدئة الأوضاع: حصل خير يا جماعه تعالي يا روزان غزل نايمه خشي صحيها
استأذنت فريده
- دقيقه يا عمتو هدخل احط الكتب في الاوضه واجيلك بسرعه
دخلت فريده الغرفه لتجد روزان في زروة غضبها تحدثت فريده مع صديقتها محاولة تهدأتها
- إيه يا روزا بس فيه إيه
اندفعت روزان في الحديث بغضب شديد حتى كادت فريده أن تُنزل دموعها
- بقولك ايه يا بت أنتِ البت اللي بره دي عيله بنت ستين جزمه متربتش وقليلة الأصل بقا إحنا عايزين نستر فضيحتها وهي تقولك كلام سم شكل ده لأ يا فريده لو أنتِ هبله وغلبانه فأنا لأ يا فريده والبت دي أنا مش هسكتلها ولا هساعدها تاني وياكش تولع وتتفضح بقا علشان تشيل عواقب أفعالها
نظرت فريده لروزان بتفهم لحالتها
- بصي يا روزان الواضح أن مفيش حد أهبل غيرك ده أولاً يعني علشان يا اغبى اخواتك لو منه كانت غيرت طريقتها معايا كانت عمتو شكت فينا و بكده ممكن نتفضح واللي بنخططله يبوظ في ده مش غباء منه ده غباءك وثانياً يا روزان مينفعش مهما كان الشخص غلطان ووحش أن إحنا نسيبه في شدته و نسيبه يتفضح شكل محضرتك قولتي متخليش غضبك وحبك ليا يتحكموا فيكي يا روزان معلشي يعني
اومأت روزان لفريده لكن نظرت لهم حنان باستغراب شديد وعقدت حاجبيها بعدم فهم لحديث روزان بشأن منه
- بت أنتِ وهي إيه اللي انتو مخبينوا عني
- روزان هتفهمك يا ماما وأنا خارجه لعمتو بره علشان متتكلمش في حاجه وتقول سايبني وبتاع
جلست روزان مع حنان وقصت لها ما حدث
- بس اوعديني يا خالتي متقوليش لحد خالص علشان الموضوع ده يعدي على خير
كانت حنان في حاله كبيره من الصدمه
- وأنا بنتي اتظلمت بسبب دي وليه كده ليه يا منه تعملي في نفسك كده ليه ترتكبي كبيره من الكبائر دي يا منه ليه
- لأ لأ يا حنان هو صورها بس الحمدلله جت على قد كده
- برضو يا بنتي ليه تعمل في نفسها كده الله يسامحك يا منه أنتِ وأمك الله يسامحكوا ويجيبلك حقك يا فريده يا بنتي
خرجت فريده للخارج
- معلشي يا عمتو هي بس روزان عندهم حبة ظروف كده ملغبطاها اليومين دول
تحدثت نجاة بصوت ملأه الحقد الدفين
- ومالو يا ست هانم ومالو صحيح هو آدم مجاش خالص من يومها ولا إيه بيجي يعني
- لا يا عمتو هو يجي ليه مفيش بيننا حاجه رسمي قدام الكل وده ميصحش أما يتردد علينا كده وكمان أنا وهو مش مخطوبين بجد آدم زي أخويا
بمجرد تفوهها بتلك الكلمات سرحت فيها وحدثت نفسها هل بالطبع هو أخ لها أم أنها بدأت في الاعتياد عليه وبدأت بالتعلق به و بدأت تشعر بشئ مختلف تجاهه
أفاقت على صوت عمتها
- عموماً ماشي و مع السلامه إحنا بقا
أخذت نجاة منه ابنتها ورحلتا وفي أثناء هبوطهم الدرج حدثت مفاجأة
﴿الثتمه 😂﴾
*************************
# قَدَر
# بقلمي هنا غريب