خليك معي وانا ند العذبان كلهم

26

يوم العيد"

الساعه4:30ص

بيت جابر"

جابر جالس يحلق لحيت هجر ومازن وعزيز وسعد وهتان وذياب  فوق السطح يفجرو الطراطيع والبنات يتمكيجو لن الضيوف يجوو بعد صلاة العيد ومافي وقت يالله يخلصو ميكب وبعدين نجلا تكرف فيهم

ضحى تمكيج زرعه: اسمعي انتي لازم تطلعي بلغلط قدام عزيز لن لويشوفك خطبك ع طوول
زرعه: جالسه فكر سويها وقل بلغلط
ضحى: ههههههههههههههه وانا بطلع قدام هتان
زرعه: يي ي ضحى ملقيتي الا ذه المنتف
ضحى تضرب بقوهه كتف زرعه: ماغيرك المنتفه شوفي يازينه
زرعه: مادري من وين تشوفي
ضحى: زوز تري جالسه ساعدك في عزيز وانتي ساعديني في هتان
زرعه: ماعليك امرك بسيط عمتي انوار يازينها ولاكن شوفي عمتي نرجس ماهمها الا ارياف
ضحى: اجل من الحين انبهك انتبهي لا ترجع متاكده ان نرجس بتزوجها عزيز عشان لاتروح من عندها
زرعه: وين غبيه عزيز مومعطيها وجهه
ضحى ضحكت بستهزئ: منجدك مشفتي بسوق كيف يسولف معها ويضحك
زرعه خافت: ضحى لا توتريني
ضحى انتبهت ان زرعه عصبت: زوز الحين منجدك تحبينه
زرعه: اي اكيد احبه اجل لوش كل هذا

سكتو ع دخول مطره

مطره: شفيكم سكتو يلا هات البخور ببخر جدي

بيت العذبان "

ارياف واعتهاد وسبا بسطح يستشورو لن الوفوف ماتحب ريحت الاستشوار ومكانو يقدرو يجلسو بصاله لا يدخل واحد من العيال عليهم ف شبكو سلك من الدرج للسطح وركبو الاستشوار وجابو كل اغراضهم وحرفين حتى لبسهم بيلبسوه هناك

سبا شافت الطراطيع الي يفجورها عيال الهجران: ياليت معنا طراطيع
اعتهاد: ياليت بس
ارياف: هو ليش ماعندكم انا بلعيد فجر كرتون كامل
اعتهاد ميلت فمها: يازين حياتك انتي ليش جيتي ودفنتي نفسك عندنا
ارياف ضحكت: ليش
اعتهاد: حنا حياتنا غير عن حياتك وأكثر تشدد
ارياف: قدر الله وماشاء فعل وجيتكم
سبا: خلونا من ذه الموضوع واستشورو شعري مابقي الاكم خصله عشان اروح اجيب الشاحن
اعتهاد شبكت حواجبها: لوش الشاحن
سبا جلست تناظر ارياف وارياف عطتها الإشارة تقول: ارياف معها جوال وتبي شاحن
اعتهاد شهقت: عمي غايب لايدري والله لايكسر الجوال بوسط راسش
ارياف خافت من كلامهم: يمه ترو جوال عادي
اعتهاد: انا وش قلت لك انك رفستي النعمه يوم تركتي حياتك وجيتينا
ارياف تاففت: لا حسستيني انو انا الي جيتكم مو ذه العجيز جابني(عذاب)
سبا ماتت ضحك: اي بس خلي ذه العجيز يسمعك لا يوريك الويل
اعتهاد بصوت حزين: ياليت جدتي موجوده والله فقدتها

ونزلو دموعها لا اراديين وبكت سبأ وجلست ارياف تهديهم وهي ودها تبكي معهم ولاكن ماتحب احد يشوف دموعها وقاطع عليهم جو الحزن صراخ من بيت الهجران وكلهم يفزو ويقومو يشوفو وش صاير