خليك معي وانا ند العذبان كلهم

50

﴿ البارت حقيقي موخيالي اللهم ان الاسامي وشوي من الأحداث خياليه ﴾

خلونا نسرع الأحداث عزيز وصل لامزرعة ابو صقر وفيصل وهجر وجابر وصلو بعد عشان العرس وغيدا راحت الرياض وقلبها ع نار بس تنتظر من راجو يقول لها الاخبار وارياف نايمه بغرفتها تجهل وش بيصير معها ورعد محد داري عن داره

مزرعة ابو صقر "

يوم العرس

العصر الرجال راحو بطرف الوادي وفرشو لهم فرش وشبو بنار ويشبكو الأسلاك من قاطع في الوادي وكان مازن يساعدهم وهتان وعزيز وسعد بس مدكين

سعد انتبه لاعزيز انه طول الوقت ساكت وتعابر العصبيه مرسومه ع وجهه رسم: عزوز وش فيك وجهك كنه بومه
عزيز: شايف وجهك قبل تتكلم ع وجهي؟
هتان انفجع من ردت فعله: هد عزيز تراه يمزح
عزيز بغضب يقوم: شايفني فاضي لا تفاهتكم ؟
ويروح وهو
سعد: وش فيه ذه
هتان كان فاهم انه يطلع النار الي بداخله بلعصبيه: ماعليك اكيد مضغوط لا ننسى صار له منصب كبير
بروح كلمه

عند الغيل(يعني مويه خفيفه بلوادي زي السيل بس ع الخفيف)

عزيز جالس ع طرفه ويرمي بلحجر: خير وش تبي
هتان ابتسم: الله كنت اسمع فايزه تقول انك متغير وليوم شفت بعيني
عزيز تنهد: بوش تغيرت عزيز نفسه
هتان: عزيز ألي اعرفه حنون ولين بكلامه ووجهه ضحوك مو عزيز الي اعصابه ع خشمه
عزيز: الدنيا تغير
هتان: عزيز لاتحاول تخفي النار الي بداخلك ولا تحرق جوفك فات الفوت
عزيز تنهد وقال:

غدت السنين وللحين حبها بوسط الحنايا خذت طفولتي ومراهقتي وشبابي وزول حبها بلقلب معشم صارت بذمت رجال غيري وماقدرت اتوب عنها القلب لاحب ماخذ شورك وياليتها عاد تستاهل!

هتان: انشهد العاشق لاعشق صار شاعر
عزيز: بكل صلاة ابي ادعي عليها ولاقي نفسي ادعي لها والله تعبت تعببت
هتان انتبه لاغصته: مراح اقول لك انسى لن النساين صعب ولاكن حاول تكمل حياتك ولا تخسر الناس من حولك بلحظة غضب
عزيز بل شفايفه وتنهد وحب يغير الموضوع وقال
: شوفت الغيل ترد الروح
هتان: اتفق
عزيز: كيف فايزه معك ان شاء الله تكونو متفاهمين
هتان: هاذي بوسط قلبي والله انها اغلا ماملكت انشهد انها هي العوض الي طلبته من ربي
عزيز ابتسم: الله يديم المحبه ويخليكم لابعض ويخليكم لي سند وعوض
هتان: كلنا معك وع قلب واحد ف لا تتعب نفسك بتظاهر بلقوهه
عزيز ضحك: لذي الدرجه واضح
هتان: مرهه

مازن شافهم من بعيد: هتان عزيز تعالو ساعدوني
هتان: هاذ متى يفكنا من فزعاته تكسرنا
عزيز: كتفي مخلوع