خليك معي وانا ند العذبان كلهم

45

الساعه10 الكل رجع بيته وفايزه وفوزيه رجعو مع هتان ومازن وعزيز

السياره "

فوزيه تهمس لا فايزه: ابي عشا
فايزه: توك قايمه من ع صحن مندي منجدك
فوزيه: كان الاكل كله دسم
عزيز سمعهم يتهامسو: فوز ارفعي صوتش وش تبي
فوزيه قربت عند رأسه: ابي عشا
هتان: ماتشبعي انتي
فوزيه شمقت بعيونها: طايح ميانه اقول الزم حدك
عزيز ناظرها بحده: كيف تكلمينه كذا عيب
فايزه: اي خلها تتادب متعرف تحترم زوج اختها
هتان يسوي نفسه مسكين: صح ذي الفوز عندها لسان

مازن ماسك ع راسه وصداع وكل جسمه تعبان ومغمض عيونه ويسمع كلامهم

فوزيه: انتي اسكتي ازعجتي راسي زوجي زوجي بحريقه انتي وياه وابي آكل جيعانه مااكلت لقمه
عزيز: وليش مااكلتي
فوزيه: عزوز كله دسم مستحيل اكله
هتان: خلاص ابشري ي بنت خالي لا وديك احسن مطعم بنجران
فوزيه: كفو يازين حضي يومك زوج اختي
هتان: ما شاء الله الحين حضك صار حلو يانك مصلحجيه
عزيز ابتسم وناظر فوزيه: وبعد ام لسان
فوزيه تشهق وتضرب كتفه: اسكت ي عاشق ي ولهان

عزيز ناظرها بصدمه

فوزيه: خير تتطالع كذا ترا عرفت كل شي مالقيت غير هاذيك الجيفه تحبها

هتان ناظر فايزه وارفع حاجبه وفايزه تهز براسها

مازن عدل جلسته: عاشق وش
فوزيه: انت اش دخلك
عزيز مسك الفاين ويضربها ع راسها: لسانك طالع ارجعي ماكنك ولا اسمع حسك
فايزه: خلاص وقفو لها بطرف مطعم تسد فمها وتسكت

عزيز ناظر هتان بنظرات شك وهتان بلع ريقه ويحاول يرقع الوضع ومايبين بشي وندم انه قال لا فايزه

بيت العذبان "

الكل وصل وعذاب ينادي الوفوف ونوح وغايب يجونه الغرفه

الصاله "

ازهار: الله يستر عمي من ب يختار
زينب: يختار وش
رسيل: للحين ماعرفتو

كلهم جاوبو ب لا

ازهار: اجل اسمعو شفتو ولد ام فاتن خطب وجدكم الحين يقرر من بيزوجه
ارياف: نعم وت كيف شدخل هو الي بيتزوج ولا البنت
رسيل: شكلك للحين متعرفي قواعد هاذ البيت
ارياف: خاله خليك من القواعد وشوفي المنطق كيف يقررو عن البنت ترو حرام لازم شور البنت
ضيشاا: البنت مالها رايي ولي تتكلم تندفن حيه
ارياف عصبة من كلامهم لنها مومتعوده ع هاذ الشي: والله انكم متخلفين وش هاذ الظلم للبنت
غزلان:  اسكتي ازعجتينا بصوتش
ارياف: مراح اسكت وخلي الكل يسمع

غرفة عذاب"

يتناقشو

الوفوف: يبه لا تكفى فكر
نوح: خلاص فكرنا وهاذ القرار البنت كبيره وخلاص بسن زواج
غايب: بس يبه انا ابيها لاولدي جازع
عذاب تنهد: خلاص هاذ كلامي وارياف بتتزوج رعد وانتهينا
الوفوف: تكفى لا كيف ترميها ع رجال متزوج
عذاب: الشرع حلل الأربع وماهي اول وحده تتزوج متزوج ولا اخر وحده
نوح: كلام ابوي صح ومافي احسن من انها تاخذ ولد تاجر