خليك معي وانا ند العذبان كلهم

55

العزبه "

مازن يحلب الناقه وهتان يحط علف للغنم وعزيز وسعد يدخلو النعاج الشبك

عزيز: سعدونه من هذيك الجهه يورع
سعد: اسكت يا عزيزه
عزيز: اقول امش لا اهبدك بلعصا
سعد راح وهو يضحك ويالله قدرو يدخلون الحلال وسكرو الشبك وكانو مقررين انو يكشتو بلعزبه ويعزمو فايع وحمزه وجازع
هتان جاب خروف صغير ونطق: شرايكم نذبح هاذ
عزيز جا من الخيمه وهو يلبس فروته وقال:  بسرعه نذبحه قبل يجون
مازن جا من المطبخ ومعه سكين وسعد كان يخاف الدم منجد مومزح وان شافه يغما عليه

( هاذي الحاله صدق وشفتها في ولد خالي ان شاف الدم يدوخ وهو بشنبه😭😭!)

وسنده هتان وعزيز مسك رجوله ومازن بسمل وكبر ونحره وعزيز مستغرب من صدود سعد الي كان غريب ولا جا وهو طبعه يتحيشر بلكبيره وصغيره
عزيز: سعد وراك ماتجي
سعد كان متفشل انه يقول انه يخاف من الدم وقال: بروح رتب الجلسه وفرش الفرش وانتم عليك العشا
مازن كان عارف بحالة سعد: روح روح ياويلك يجي تراب ع الفراش
سعد ضحك: ماعليك
ويروح يضبط الجلسه ويشب بنار

بيت الهجران "

نرجس: اسمعي ياعمتي لاتكلمي ام يحيى تو بدري وعزيز قال كلمته وهو معصب
نجلا: وش فيك علا ولدك مدام قال يبي يتزوج خليه
نرجس كانت عارفه ان عزيز وافق وهو معصب: ياعمتي وش هاذ الكلام اكيد ابي اشوفه متزوج ومرتاح ولاكن موكذا
نجلا: خلاص اجل نخليه يجي ونرجع نساله وان وافق ترين بنروح نخطب له وبعدين الف واحد يتمنى ورد شحلاها تبارك الرحمان
نرجس قامت بغضب وراحت لعند فيصل بالغرفه
فيصل: وش فيك
نرجس: اسمع والله ثم والله ان عزيز مايتزوج ورد وهاذ اخر كلامي
فيصل: وش فيها البنت ومدام عزيز يبيها احمدي ربك أنه تخطى سالفة ارياف ووافق
دخلت بيان الغرفه وقالت: وافق لنه يبي يحرق قلب ارياف
فيصل شبك حواجبه: وش؟
بيان جلست جنبهم وقالت لهم السالفه
نرجس: هاذ غبي والله غبي يخرب حياته لأجل يقهر ارياف انا بنجلط وش فيهم كل واحد يقهر الثاني
فيصل: انا بتصرف وان كانو يبون بعض والله لازوجهم غصب عن الكل
بيان: والله ان عزيز للحين ميت علا ارياف وعيونه تفضحه قبل لسانه ولاكن يعاند وكذالك ارياف وكبر دليل غيرتها من ورد
فيصل حك دقنه وقال: هين هين لوريهم فيصل وش بيسويي
بيان بحماس: وش بتسوي؟
فيصل: تبون يتزوجون ؟
كلهم بصوت واحد اكيد
فيصل ضحك من حماسهم وقال: اجل ابشرو والله لازوجهم غصب عليهم
بيان مرهه فرحت عكس فوزيه الي تتسمع لهم من عند الباب وكانت شايله بقلبها ع ارياف

بيت العذبان "

زينب تودي القهوه للمجلس وجا حمزه عشان يأخذها

زينب: انتبه تطيحها
حمزه شال الصحن وبحركه سريعه باس خدها وقال: انشهد انك موتن حمر
زينب مسكت خدها بخجل وكانت حبتين جريه وتعطيه بوسه ع خده اليمن وقالت: وانشهد انك شالع قلبي شلع
فايع شاف منظرهم وقال: ورععع
حمزه فز وجرا للرجال وزينب انخرشت وجا فايع وهو منهبل وقال: هاذذ وش؟
زينب: الي شفته
فايع: والله لاكسر راسك انتي وهو
زينب: وش فيك تراه زوجي
فايع: تخلينه يلمسك؟ وللحين العرس مصار صاحيه
زينب انهبلت من كلامه: يابوي فاهم غلط والله
فايع: مابي افهم وتذلفي بوجهك والله يازينب ثم والله ان دريت انه لامسك قبل العرس لاقطع راسش
زينب بغضب: اقول لا تجي تحط عصبيتك علي لن جدي خلاك تتزوج تولين غصب تفهم وزوجي ومالك دخل
فايع: طالت وشمخت يازينب هين خلي شاجع يجي وخلييه يربيك