خليك معي وانا ند العذبان كلهم

58

نرجع من مكان ماوقفنا

ارياف تدخل البيت وماتشوف قدامها من العصبيه وهي لا عصبت جد معاد تشوف قدامها وتضرب كتف عبير

عبير بالم وغضب: عما متشوفيي
ارياف بلعت ريقها وقالت: اسفه بلغلط
عبير مشت وهي تهاوش وارياف استغربت منها ليش تهاوش  ومااهتمت وراحت غرفتها وطلعت كل البنات بحجت انها تبي تنام وتقفل الباب وتجلس بساعات تفكر وتفكر وتبكي معقول تجلس كذا؟ معقول كل وقتها بس تبكي ع عزيز وتتاثر بكلام الناس وبكا استمر ساعات ولاكن كانت دموعها تغسل كل شي في قلبها وتحس براحه

__________________
           عزيز

حتى هو ماسلم من الهواجيس ولاعرف النوم عيونه
وهو بس يفكر  ويقاطع هواجيسه مازن

مازن: ياخي برد وش مجلسك هنا
عزيز كان منسدح بلحوش ويده تحت راسه وقال: وين البرد
مازن: الا ماقلت ليش طلعت من بيت العذبان وبعدين رجعت؟
عزيز تنهد وقال: ابد بس شميت هوا
هجر طلع وبيده عصا وواضح كان معصب وقال: انت وياهه للحين سهرانين؟
عزيز فز ومازن بلع ريقه وسرع من البرق دخلو المجلس ونخمدو

__________________
        بيت هتان

انوار تسوي فطور وفايزه تقطع الملوخيه في كيس

فايزه: عمه يكفي كذا
انوار جت وشافت الكميه وقالت: اي هات وانتي روحي البسي شوي وهتان يجي

فايزه هزت راسها بتفهم وقامت تلبس عباتها وطلع الفلوس الي تحت مخدتها وخذت منها 500 عشان ايذا نقص فلوس ماينحرج هتان ويجي هتان ويروحو عشان يتقضوو للمولود الي كان ولد 

فايزه تشوف دبدوب وقالت: كيوت ابيه
هتان ضحك: حق بنت مو ولد
فايزه: من قلك لولدي أنا ابيه
هتان شبك حواجبه وكتم ضحكته وقال: ابشري الحين يجيك

وراح وشال الدبدوب وحطه عند الكاشير وكملو يتقضو بكل حب ومابقو شي ماخذوه رغم ان ضروف هتان الماليه مو ذاك الزود بس ماحرم فايزه من شي وكان مستعد يبيع كل شي لاجل متحتاج احد او تحس انه ناقصها شي او انه مقصر عليها بشي

____________________
        بيت العذبان

مرت الايام وجا يوح العرس الي كان بلبيت وبسطح ولاغاني ورقص قايم وتولين وزينب متوترين ولبنات يحاولو يهدو فيهم

شروق: خلاص حتى المكياج بيخرب مدام كل هاذ التوتر

تولين كانت خايفه اكثر من انها متوتره لن فايع معطها مجال تتعرف عليه وطول الوقت بارد ومنفس وزينب التوتر عاصرها عصر وكل ماتتخيل  ان هي وحمزه بغرفه وحده لحالهم تنهبل ويزيد توترها

السطح"

الي كانت مسوله عن الاغاني ارياف وجالسه عند السماعه ومشغوله بجوالها وكانت تفتن ولي يقول كيف رعد طلقها ولي يقول ياحض عزيز فيها