خليك معي وانا ند العذبان كلهم

56

ونرجع من مكان وقفنا ••

بيت الهجران "

فيصل ماسك يد عزيز وداخل الحوش ويشوف امه وابوه وجابر واشجان مدكين وقال: ما شاء الله مدكين من دوني
جابر: تعال تعال (وشبك حواجبه اول مشاف عزيز وقال) عزيز؟ موعساس كاشت مع هتان ولباقي
فيصل شد ع يد عزيز ونطق: باركو الولد بيتزوج
نجلا بحماس فكرت ورد: ما شاء الله تبارك الرحمن كنتو قولو لي قبل تروحو كنت كلمت ام يحيى وناخذ العلم من البنت
فيصل: مين قال انها بنتها؟
كلهم مين؟ طيب

عزيز راح قبل يقول فيصل من هي  لنه عارف وش بتقول جدته ودخل البيت وراح شقة ابوه وعند فيصل الي قال لهم من هي وجن جنون نجلا

نجلا بغضب: نعم تزوج ولدك مطلقه؟ وبعد مخطوفه والله اعلم وش سوو فيها
فيصل فز وبصوت هز المكان: يمههه الا بنت ماهر خطط احمر وذول عيالي ومحد له دخل فيهم تفهموو والله ان سمعت حد يتدخل اني لاطلع من هاذ البيت
جابر: فيصل هد وكيد مافي احسن من بنت ماهر لولدك بس مالها اسبوع مطلقه
هجر: مدام عزيز يبها لاسمع احد يتدخل وانت يافيصل احسن ماسويت ياولدي
فيصل اقبل وباس راس هجر وقال: كنت عارف انك بتوافق واسف لن ماقلت لك قبل اروح
هجر ابتسم: ابد ولوقلت لي كنت بروح معك بس هاه بشر البنت وافقت
فيصل هز راسه بحماس وقال: اي الحمدلله موافقه وان شاء الله بيتم الزواج بعد ثلاث اشهر
نجلا قامت بغضب ودخلت البيت ولحقتها اشجان

شقة فيصل"

دخل عزيز وشاف امه بلمطبخ وايمن يبكي بصاله وراح يسكته وحط شماغه ع اطاوله ولعب بشعره الي كان شوي طويل ونزل ع عيونه وشال ايمن وصار يمشي فيه يمن ويسار عشان يسكت وجت نرجس برضاعه

نرجس: هاته بعطيه الرضاعه
عزيز سنده ع يده وقال: هات انا بعطيه
نرجس ابتسمت وعطته وحست انه مومطبيعي وقالت: عزوز وش فيك وجهك تعبان يروحي متعبك شي
عزيز ابتسم بحزن: ابد يمه مافي شي
نرجس ضمته وقالت: حبيبي انا امك وحس فيك وتاكد ان ابوك يبي مصلحتك
ابتسم عزيز وقال: اجل كلكم متفقين علي
نرجس بعدت وقالت: كلنا نبي مصلحتكم  انا الي ربيتكم بيدي وعارفه شكثر تعنون لابعض ولمشاكل بتروح مع الوقت بس ان راحت ارياف مراح ترجع
عزيز تنهد بضيق: مانكر اني للحين احبها ولاكن موقادر اتقبلها والله موقادر أنسى (وبصوت بانت فيه حرقت قلبه) تخيلي كنت شاري ارض قريب من بيت العذبان عشان ابني فيه وخليها قريبه من خوالها رحت يمين يسار طلعت روحي لاحتى لقيت غادر وبعدها سالفت نوح وكل هاذ عشانها عشان اروح ودق الباب وقول بتزوجها وبيها حليله لي وبلحظات حتى مقد صحصت من النوم لاقيها داقه علي وبكل وقاحه قالت بتزوج وانا اكرهك ومدري وش يمه قهرتني بكلامها ياليتها مقالت كنت بعذرها وقول زوجوها غصب
نرجس نزلت دموعها وقت حست بجرحه: اسالها ليش سوت كذا انت عارف انها موكذا وطيب وحده في بناتي
عزيز غير الموضوع وقال: خليك مني وخليك مع فوز وش فيها
نرجس: ههههههههههههههه حتى انت حاس انها متغيره
عزيز: اي معاد تجي تنق فوق راسي
نرجس: اكيد متوتره من الزواج كل البنات كذا
عزيز قام: بروح لها وين هي
نرجس ابتسمت وقالت له بغرفتها وشالت ايمن نيمته ونامت وعزيز جلس فوق راس فوزيه لين قالت كل شي مضايقها