خليك معي وانا ند العذبان كلهم

38

وصلو وكلهم دخلو البيت بقي ارياف تدور خاتمها الي طاح بسياره وعلي رجع للسياره يبي ياخذ جواله وشافها قدامه وقال  نفس ابيات عزيز وهي تلف عليه وتناظره بصدمه وخافت منه وقت شافته كان قريب منها وسمعت صوت فايع وبسرعه تترك كل شي حتى الباب مفتوح وتدخل البيت وتضرب بكتف فايع وتتجاهله وتكمل طريقها وهو متنح مكانه يشم عطرها ويشبك حواجبه وقت شاف علي داخل بعدها

فايع: وين كنت
علي: وين بكون يعني رحت اخذ جوالي
فايع بستهزئ: ههههههههههههههه دمك خفيف
علي شبك حواجبه: وانت وش دخلك سكت لك كثير ترا ومشيت لك المكياج وترا عارف انه انت وساكت لاتخليني اقول لا جدي
فايع: ما شاء الله في فرع ثاني من جازع اقول لا جدي اذلف وقول له
علي عصب وفقد اعصابه: والله لوماكنت ضيفكم لاكنت وريتك شغلك
فايع: يازينك وانت مبين وجهك الحقيقي

وقاطع كلامهم نوح

نوح: وش فيكم ييلا تعالو
فايع: جاي يبه بس بروح اتاكد ايذا السيارات مقفله تدري السرق واجد ذي الايام

علي عصب من كلامه وكانه يقصده بكلمة سراق

الساعه4:10ص

عزيز للحين بلمخيم عشان الكل قرر ينام هناك وجالس بحوض الشاص ويصور لا ارياف ملابسه ويضحك عشانها توصخت

وارياف منسدحه بفراشها تحارب النوم تبي تصلي الفجر وترد وتكتب( متت انت بزر عشان توصخ ملابسك كذا منجد الله يعين الي بتاخذك)

وقالت كلامها بعفويه بس كانت غير عند عزيز
ورد وكتب(يعين الي بتاخذني؟)

ارياف كتبت(شفيك بس امزح😭😭)

عزيز ترك جواله وجلس يفكر بكلام هتان هو جالس يحارب الكل عشانها طيب هي تحبه زي ماهو يحبها وبذي الحضه قرر يعترف بكل شي وخل يصير الي يصير

وارياف بفراشها تنتظر رده وهو مارد وتجلس تتافف وتحط الجوال ع صدرها وغفت عينها ويفجعها رنين الجوال وبسرعه تفز من نومها وتشوف عزيز المتصل وتوترت وقامت تعدل جلستها وتتنحنح وتشرب مويه وبسرعه ترد

(ارياف] فكرت زعلت) عزيز] انا حالين فاصل ونوم لاعب بي لعب ويمكن الفرصه الي اقدر اقول الي كاتمه مدام ماني بعقلي اخاف يرجع ومعاد اعرف انطق حرف) ارياف بلعت ريقها وخافت من كلامه] قول اسمعك) عزيز اخذ نفس طويلل] اجل اسمعي وش بقول ولا تسكري ولا تقولي شي لين خلص كلامي ولقرار لك)ارياف تملك قلبها الخوف] قول )عزيز جلس بحدود الدقيقه كلها توتر واخيرا نطق وقال] ماودي اكذب وودي بلحق ينقال انا لي سنين احبك وبيك وشاريك وكنت بصارح ابوي بهاذ الشي ولاكن كنت خايف من ردته فعله وصدق خايف من ردته فعلك عشانك كنتي مفكره اني اخوك ومكان ودي اخون الامانه وبين اني خاينها عمي امني عليك وأنا ماقدرت قلبي موبيدي وحبيتك وكتمت وكتمت وكتفيت من الكتمان واليوم جايك ومعترف بلي بقلبي ولقرار لك ادري يمكن تفاجأتي  من كلامي ولاكن معاد اقدر اكتم حبك فاضحني قدام خلق الله