خليك معي وانا ند العذبان كلهم

59

بيت العذبان "

مسوين حفله بسيطه يستقبلو فيهم العرسان
______________________
المطبخ"

ارياف والوفوف وباقي البنات يقطعو الحم

الوفوف: يلا يابنات  روحو تجهزو مابقي وقت ويجونن
شروق: خلينا نخلص كل شي عشان بعدين نرتاح
اعتهاد: شروق معها حق خلونا نخلص وانا بروح رتب المجلس لن سمعت ان الهجران جايين يحددو العرس
ارياف كانت معطياهم ضهرها وتفكر بعزيز وبكل قوتها تلف عليهم وبصوت عالي قالت: نعممم تحديد وششش
الوفوف بغضب: اريافف كم مره قلت لا تصرخي كذا
ارياف بلعت ريقها: اسفه

الوفوف طلعت وهي تستغفر وتلف ارياف ع اعتهاد

ارياف بهمس: منجدك بيحددو الزواج
اعتهاد كانت شاكه ان في شي وتاكد شكها وقالت: الحين تقولي وش صاير ووش فيك من امس مومطبيعيه
شروق طالعه من الباب ولفت عليهم وقالت: بنات انتبهو وغطو الحم لاتجي البسه تاكله وانا بروح رتب غرفة تولين وفايع

كلهم بصوت واحد طيب

اعتهاد: ارياف قولي
ارياف: اقول وش
اعتهاد رفعت حواجبها وقالت:من امس موطبيعيه صاير شي
ارياف سوت نفسها مشغوله بتنضيف وقالت: ابد طبيعيه
اعتهاد شمقت بعيونها وقالت: كلي زق وبروح بخر المجلس ورجع لك وخليك تقولي كل شي

ارياف ضحكت وتحاول تتهرب واعتهاد ماصدقت وراحت للمجلس
_______________________
        بيت الهجران

وزيي كل مره  جالسين بطرف الحوش
هجر مدكي وجنبه فيصل وجابر يتناقشو العرس ويين بيصير

فيصل: يبه وش تقول العرس بقاعه ولا المخيم ولا البيت
هجر نزل فنجاله وقال: اقول المخيم افضل واسع
جابر: مدام شورك كذا تم بيكون بلمخيم بس العرسان وينهم مشوفهم(يقصد عزيز ومازن)
فيصل: قالو بيروحو لاعند هتان
_________________________
  الحاره وتحديدا جنب البقاله

سعد: يرجال
مازن كان مدكي ع ثلاجة أثلج الي برا البقاله وقال: خير
سعد: تخيلو مين شفت
عزيز كان جنب مازن وقال: مين؟
سعد قرب منهم وقال: طارق
مازن فز وقال:طارققق مغيره ولد محسن
سعد: اي هو
مازن: وينن شفته؟
سعد: شفته امس بلحاره المغرب
مازن تنهد بغضب:وش رجعه موعساس راحو القريات
عزيز طلع فوق الثلاجه ومسكهم وقال: ساعه اقول مين هاذ
سعد بعد يد عزيز وقال: هاذ طارق ولد عم هتان
عزيز رجع يمسك سعد بقوه وقال وهو يضحك: ولد عم هتان وفهمنا بس انت ليش وجهك صفر
مازن بعد من عندهم شوي وقال: المهم هتان لا يدري

عزيز شبك حواجبه وكان مستغرب ولاكن سكت اول مشاف هتان جايي وعيونه حمر وواضح معصب

هتان يتقدم لهم بخطوات متسارعه واول ماوصل لكم عزيز ع وجهه خلاه يطيح من ع الثلاجه

مازن فز ومسك هتان وقال: انهبلتت
هتان كان معصب ومايشوف قدامه ودف مازن واشر ع عزيز: متوقعت منك كذا ياكلب
عزيز كان ماسك ع انفه ويمسح الدم وقال: انفييي الله ياخذك