انت مثل النور في عين الضرير

بسم الله الرحمن الرحيم

في يوم مفروض انه يكون اهازيج و فرح ولكن الوضع صار مريب بعد تأخر العريس عن حفل زواجه
طال غيابه وازدادت الاسئله وبما انه اخر مكان تواجد فيه قبل يصير هالازدحام هو غرفته
طلع اخوه يدوره فيها بدا عليه الاظطراب يوم شافها خاليه منه ! دق على جواله للمره الألف وكل الصدمه من تلفت لمصدر الصوت وشاف الجوال في الزاوية شاشته مكسورة بدون اي ملامح
اشتدت قبضة يده مثل مااشتدت اعصابه /مسسستحييل يسويها !!
ناظر من الشباك كيف الرجال متكدسين ومن كثرهم البعض ماهو لاقي مكان حسّ برهبة الموقف وان المشكله كلها تلتف حوله

———

قبل هالحدث بأكثر من اسبوع —داخل بيت حمود —
دخل حمود غرفة بنته يدورها واستوقف قبل يمشي من شاف الدفتر فاتح ومكتوب فيه كلام كثير صح انه مايقرا عربي ولكنه عارف ان هاللغه اجنبيه ارتاب من الي في باله وحتى يقطع الشك باليقين فك الدرج جانب سريرها وبين يدينه قلب السماعه والبالطو بصصصرخه هزت البيت نادى اسمها / نووووررررر

ومن لحظة معرفة حمود بالامر وحياة نور بدأت تاخذ مجرى جديد
مجرى تهب عليه العواصف وتتصارع معه الامواج مجرى قلب عليها الخطّه ورسم لها طريق جديد طريق تجهل وين نهايته

عند نور
طاحت دموعها من الكلام الي ترامى لمسامعها وكيف ان ابوها يحاكمها وكأنها ارتكبت ذنب غير قابل للتبرير / ماابغا ماابغاه ... ابي طب انا ابي طب ماابغا اتزوج ...استفزعت بعد شافته / لافي
لافي الي كان دوبه راجع البيت يبي الراحه ولكن وين يلقاها وابوهم كل يوم يطلع مشكله
ابعد لافي والده عن نور بالقوة ولكن ابوه ضربه ضرب مبرح نزل عقاله ورماه على الارض وقطعه على ظهره
كان لافي يصارخ ونور تحاول تبعد ابوها ولكنه كان اقوا منها مسكها مطلق ودخلها الغرفة وقفل عليها الباب وقلبها بيتقطع وهي تسمع ابوها يضرب ويهاوش لافي الي معاند ويرادده / اختي تجلس عندي منت قادر تربيها وتصرف عليها انا موجود والله لايحوجها لك
حمود / لاتكبر راسها علي انا كم مره اقولها لاتقدم طبببب هذي نهاية الي يعصاني !! ماتقعد عندي دقيقة ولاهي بنتي ولاعاد ابيها ...وانت ياتسمع كلامي ياادفنك بارضك الحين
وقف لافي على حيله وببرود / واذا قدمت ... وش فيه الطب ... بعدين انا واثق من اختي مشكلتك اذا تشك في تربيتك
اسكته بضربه على وجهه حتى نزف خشمه واحتدت المعركه ومطلق كان يتفرج وساكت
نور تضرب الباب وتصيح باعلى صوت لين انبح صوتها
وبإستسلام/ يبببه اتركه اتركه معد ابي طب والله ماابي الا لافي يكون بخير .... يبه تسمعني
لكن ضربات ابوها كانت تشتد ولاهو صوب صوتها وكلامها حال بينهم مطلق الي شاف اخوه مثل الجثة / يبه تقول مابتكمل طببب !!! خلاص بتموته بين يدينك
حمود وهو يحاول يبعد مطلق / هذا الي كبر راسها علي وهو الي وداها وجابها ...يدري اني ماابغاها تدخل هالمجال ووداها !!! من هو حتى يسمح لها
مطلق بإستحقار لاخوه / معك حققق وودي انك تزيده بس ماتستاهل تتعب اعصابك
كان خشم لافي ينزف وفمه ووجهه وكل جسمه متورم
حمود شد مطلق من ياقته / لو توديه المستشفى قطعت رجولك
ضحك لافي بسخرية وصار عنده مناعه من ضرب ابوه الي تعود عليه من يومه صغير / اختي بتكمل طب وولد عبدالله ماهي ماخذته
كان حمود بيقتله فعلاً مايشوفه الا ميت بين يدينه
ولكن مطلق ترجاه / يبه روح هذا مو في وعيه وقسم بالله انه مجنون يبه كم مره بغينا نوديه الصحه النفسية
ضحك لافي بصخخخب وعيونه تدمع من القهر
ونور تمشك رأسها وتضرب الباب برجولها بعد سمعت الصراخ من جديد/ يببببهههههه

"