اضطربت خطواته وسرعان ما تغبشت رؤيته وصار صعب يتوازن
وهّاج مسك كتفه يثبته / لافي !
... تلفت حوالينه في الغرفه / مافيه حد
كان لون وجهه مخطوف ولاانتبه اصلاً ان فيه احد يتكلم
ناظر ملامحه بشك يتذكر كلام حمود ان ولده هذا يحتاج طب نفسي لانه مجنون ويتخيل كثير / انت تشوف شي مااشوفه ؟
لافي الي حاس بالذنب وانه هو السبب/ راحتتتتت .. راحت مني ...
بجديه /اتركني ادورها بعدها اسجني مؤبد
وهّاج بنفس جديته / موانا الي تسوقها علي مرتين !
دخلو خلفه ظابطين من الشرطه
لافي برجا / وهّاج البنت ماندري عن ارضها من سماها ماادري هي حيه هي ميته اعطني يومين يومين وبعدها اجيك اسلم نفسي
وهّاج / موقبل مااصدق ان في بنت
انخذل لافي الي كانت هالكلمه صفعه قويه في وجهه واتهام له في عقله —
اخذوه الظابطين وكان يهاوشهم ويحاول يفك نفسه
ولكنهم اقوى منه
انتبه وهّاج لرسمة الصقر على التراب الموجود بالارض والي واضح انها حديثه وانه احد كان موجود في هذي الغرفة اشتد صداعه من تشابك عليه كل شي كلام لافي والفيديو وهالرسمه
______
المستشفى عند قماشة ~
صابها قلق ان لافي تأخر ولحد طمنها وخبرها عن الوضع
رجع احساسها بالوحده قبل تربي هالبنت .... هالبنت الي ماقد حست بالذنب انها اخذتها ... كانت تحس ان لها الاحقيه فيها وان كثير مايستاهلون يكون عندهم ذريه
..
فلاش باك
دوت صرخاتها في المكان تستنجد تنادي في الخلا / يارب ... يارب دخيلك تنجينييييي ... يالله تاخذني وتاخذ الي في بطني وتريحنا العرق يتصبب منها شعرها مبعثر بشكل فوضوي المويه تنزل منها طاحت بعجز عن المشي
في مكان ثاني
~ عطاها الورقة الي كانت بين يدينه وبكلام غليظ على نفسها رغم صوته الهادي/ مااقدر اكمل معك قماشة الي تقدمت لها رافضه تكونين على ذمتي
كانت كلماته اقوى من وقع السيف على انسانه كان هو النور بين كل الظلام الي حصل لها
دمعت عيونه بقلة حيله / قماشة افهميني ابيك ولاكنت ابي الامور توصل لها الحال ...
قماشة بغصة / تبيني ومعطيني ورقة طلاقي !
قماشة وخيبتها سببت لها غصه/ تبيني ومعطيني ورقة طلاقي !
نطق بحراره ملت صدره / انتِ ماتنجبين وانا مااحتمل حياتي بدون عيال ... افهمي
انسابت دموعها / بتندم بتنـدم على هذي الحركة !
ركضت تاركته خلفها خطواتها تمتد بضياع مكان ورا مكان الخلااا دارت في هالخلا وهي مي عارفه كيف وصلت له ودوبها تنتبه من درب الضياع وقدرت تميز صوت حرمه تصرخ !!! سدت اذونها وهي مرعوبة من الصوت
تلفتتتت يمين يسسسار
الصوت يزيد والصراخ مايوقف عيونها تترقب كل مكان... تبي تساعد ... بس وين ... وين؟؟؟ تسمع صوت بس مي شايفة حد
فجاءة خف الصوت ولاعد سمعت اي شي
شهقت بعد ماحست باليد الي لمست رجولها
كانت المرأة شحب صوتها واشارت لها على الطفل الي بين رجولها
اتسعت عيون قماشة بدهشة وخوف
الحرمة ببحة / بشوف ... قربييي ماجا من الله
استجابت قماشة ويدينها ترجف والطفل بين يدينها اول مره تشيل طفل وتخاف يطيح
قربته بحذر لعند امه الي ابتسمت بتعب وكأن هالطفلة مسحت كل ماجاها من ألم / بنت !
تأثرت قماشة وابتسمت بدون تحس ولكن البنت كانت ماتبكي ولا لها اي صوت
الحرمة / هذي بنت ****** له وديها امانه تودينها له ذنبي وذنبها في رقبته ....
شهّدتها قماشة وماتت المرأة والطفلة بين يدين قماشة الي مي عارفة كيف توصل لها الرجال
مسحت وجه البنت وكبّرت في اذنها شرت لها ملابس واهتمت فيها حبتها قماشة اكثر من اي شي وحست انها الفرصة والنعمة الي تحلم فيها بين يدينها وابوها مايستاهل لان ربي انعم عليه بالعيال والبنات
كرهت قماشة طاري الزواج والرجال بعد الي سواه زوجها الي رخصها وباعها بكلمه من زوجته الثانية ....اكتفت بها البنت ... كانت مخبيتها في غرفة محد يفتحها الا هي ومن حسن حظ قماشة ان هالبنت ماتتكلم ولا لها صوت ولاكان انفضحت في الديرة
نرجع للواقع
~الغرفة الثانيه العناية المركزه ~
ازاداد التوتر وتوقفت قلوب اهله بعد سمعو طنين الجهاز والي يدل ان قلبه توقف
اجتمع فريق من الاطباء بشكل سريع نحوه وصارت فوضى كبيرة في المشفى
احد الاطباء / انعاششششش سوو له انعاش
ام الولد دخلت بفزع ولكنهم اخرجوها بشكل سريع
صرخت بجنون / ولدييييي وللللدي ماابيه يموت
مسكتها الممرضة تسيطر عليها / هو بخير إن شاءالله ارتاحي
الام صارت تضربها بدون وعي / ارتااااح تبيني ارتاح وانتم ذبحتوه ... قلبه توقف وانت تبين ارتااااح
خافت الممرضه ولكن زوج الحرمه اعتذر منها ومسك حرمته يهديها ولكنها كانت تزيد ماتهدا / ولدييي مات ماتتتتتت !!!! اخذووو ولدي ... ضيعو شبابه
ضربتها الممرضة ابره وسرعان ماخفت صوتها وغابت عن الوعي وبإعتذار لزوج المراءة الي يتصنع التماسك وهو انهار من اللحظه الي سمع فيها طنين الجهاز / اعتذر منك استاذ ولكن الكل يبذل جهده
لحظات والطبيب يخرج / الحمدلله قدرنا نسوي له انعاش وهو الحين بخير ....
تنهد الرجل ودوبه حس بانفاسه رجعت له / الله يبشرك ويجزاكم الخير
ناظر زوجته الي نقلوها بعربيه متحركه تمنى انها سمعت معه الخبر
من خلفه / الحمدلله على سلامته
استنكر الصوت والشكل من هذي الي تتحمد لولده بالسلامه
تابعت توضح له / انا دره بنت منيف الصقر ..
بهت وجهه لحظات وش جابها عنده !!!!
عند نور
نزلت بعد شافت من الشباك كيف الجو حلو ومغيم
دروب من خلفها / ترا كان في زباله خليت فاطمه تخرجها
سفهتها نور بنظرة احتقار
ولكن دروب استمرت / المواعين عليك
نور / مااكلت شي حتى اغسل مواعين
دروب / ناسيه الفضله الي اكلتيها غصب عنك ؟
نور بنرفزه / تخسيننن مااكل فضلة احد واخوك المريض المتخلف ان ماوريتـه شغله
باغتها من الخلف بمسكة يدينه ولفه لجسدها بالكامل عليه / وريني شغلي !!! ... انا قدامك وابي اشوف وش بتسوين
دروب بمكر / هلا بالشيخ وهّاج هلا باخوي حي نجمٍ لمع بين النجوم ! تعال اسمع ياحبيبي مرتك وش تقول اقولها الشيخ مايعطيك الا من راس الشي وازين شي كيف تقولين انه اكلك فضله غصبن عنك ؟
وهّاج الي ابتسم وشاش من كلامها
ونور الي طيرت عيونها كيف قلبت الحقايق في ثانيه / كذذذذذذابه والله كذذذذابه
دروب بإشمئزاز / يع الفاظ بذيئة
اشار لدروب الي فهمت وصعدت غرفتها
وهّاج بإستغراب / اجل انا اعطيك فضله ؟
نور وخدها احّمر من شدة انفعالها/ صدقتها !!! كذابه داخله عندي الغرفة تقول هذي الفضله وتوها تقول اكلتيها غصب عنك
لعب بشنبه وعيونه تناظرها ولاهو صوب حكيها
بزعل / ماراح تقولها شي؟؟؟ يعني مسوي نفسك شيخ وتحل مشاكل الناس وانت مشاكل بيتك ماتحلها !
وهّاج الجم غضبه وحتى يغيضها / لو بنتحاسب خلينا نبدا من متخلف ومريض
نزلت انظارها بإحراج منه دون تنطق
سحبها للخارج واجلسها معه رغم ربكتها وتشتت انظارها عنه... وقفت بتمشي الا ان يده الي امتدت تمسك مرفقها اسرع من وقوفها / خبريني عن لافي ؟
نور /وش تبي تعرف؟
وهّاج / ماقد شكيّتي في عقله
انزعجت / مااسمح لك تحكي عنه او تشكك بعقله ... لايغرّك كلام ابوي عليه لافي اعقل واصحى واحد ممكن تشوفه
كانت يده تضغط يدها بدون ادراك منه / ليه كل هالتمجيد له ؟؟؟... ليه ماكأن بحياتك غيره
نور / هو الي رباني يعني لوسألتني من ابوك وامك رديت لافي ... حاولت تحرر يدها ولكنه ماتركها وصارت مسكته اشد ونظراته ماانشالت عن لمعت عيونها
نطقت بألم / يدي
تفاعلكم ياحلوين ❤️🔥❤️🔥
YOU ARE READING
انت مثل النور في عين الضرير
Ação•روايات شيمه🦅• - حكمت المحكمة ان رواياتي اقوا اسباب سعادة الشعب • حـالياً " انت مثل النور في عين الضرير "❤️🔥❤️🔥 -- حسابي انستا / rwui9
