انت مثل النور في عين الضرير

Part:10

—-

البنت الي فزت مفزوعه وتبكي بشكل منهاررررر صارت تحاول تتحرك بشكل هستيري وتفكك الاسلاك الي عليها
لحظة ماوقعت على الارض وصرخت بشكل يائس
نور الي احدث لها المنظر حاله من الرعب ...ندمت على اللحظه الي فكرت تدخل فيها انحنت لمستواها بشكل سريع تسمي عليها / لاتخافين ... انا موغريبه ....احتضنتها تهديها وتشد عليها الا ان البنت كانت تدفعها برفض
نور / والله ما أذيك ... اسفه اني دخلت بدون ادق الباب
البنت لارد ولكنها بدت تهدا
ابتعدت نور عنها تحاول ترجعها لسريرها
نطقت بشكل عفوي تطمنها لانها تعرف هالحالة ومرت عليها وقت دراستها / انا زوجة وهّاج
ابتسمت البت بدون ترد
ولكن رجعت تنهار من حاولت توقف وماقدرت
احتضنتها نور / شوي ...شوي ... ماراح اترك يدك
البنت الي صوتها صار اجش من طول صمتها / ممممااقدر اوقف
نور / انتِ فعلاً موقفه !!
البنت الي تعبت وماصدقت تجلس على سريرها
غطتها نور / تبين تنامين ؟
رمت اللحاف على وجهها وماردت
زفرت وخرجت بشكل سريع تتطمن انه للحين ماجا
رجعت غرفتها تفكر في هالبنت الي ماتقدر تسأل وهّاج عنها تتخيل نفسها ميته بين يدينه لو تسأل
فزت من دخوله ..
سحبت اللحاف تستر نفسها عنه وبعصبيه تخفي حياها / دقققق البابببب !!! الباب في اختراع اسمه باب لازم تدقه
اكتفى بالنظر دون يرد مما وترّها وخلاها تنطق بإنفعال / خييير
جلس جانبها وابعد اللحاف ومسك رجلها الملفوفه يفك شاشاها
نور / اعرف اغيّرها ... لوسمحت لاتعامليني كني ماافهم شي
بسخريه / مافيك حتى قوه تلفين
نور / مافيني شي ودوبني كنت امشي بدون مااحس بشي نسيت اصلاً انها التوت ... ولكنها صرخت متألمه بعد ضغط على مكان الالتواء
ابتسم ولفها بسرعه / لاعاد تفلسفين علي يالبزر !
نور / مااتفلسف انا اعرف ولعلمك درست طب سنتين ! وناويه اكمللل وبصير طبيبه إن شاءالله
تنرفز من كلمتها مسك فكها / طب !! لوعاد قلتيها ذبحتك
‎... ماتقولين في بيتي هالكلمه
تركها واثار يده انطبعت على وجهها
كانت تقاوم المها وتوريه انه ماحرك شعره ولكنها من داخلها الف وجع والف سكين تطعن فيها
بدون نفس / جبت عشاء .. دام تقولين ماتحسين بوجع رجلك روحي خذيه بنفسك
بقهر / ماني جيعانه
/ عساك ... خرج معصب منها كل ماكلمها لازم تنرفزه
رمى غترته وقبل يتمدد على الكنب اربكه الصوت الصادر من الغرفة الي حذرها تدخلها

وهّاج انقبضت انفاسه من شاف منظرها تنشج وتحاول توصل للجهاز وتشبكه بيدها ولكنها عاجزة تماماً
تقدم وشبكه لها / ماشبكته الممرضه ؟
زينه سكتت
مسح دموعها / خلاص شبكناه لاتبكين
زينه صدت عنه ورمت اللحاف على وجهها تخبي نفسها
تأفف من الوضع / لين متى واحنا على هالحال !!! على الاقل ناظريني
ماجاوبته تركها بعد اتصال دره / هلا
دره / وهّاج انا وصلت جده
وهّاج بغرابة / دوبك ؟!!! وش فيك تأخرتي
دره / كانت عندي شغله لازم اخلصها ... بس انا الحين متعطله علي السيارة
ناظر ساعته بغضب الوقت شبه متأخر بالنسبه له / قلتلك تحركين معي تمشين وحدك ليه
دره / وهّاج يعني قايله لك عندي شغله ...اذا بتقعد تعصب علي لاتجيني بشوف لي اوبر
وهّاج / عجيب والله !!! ارسلي موقعك وخلي عنك التفاهه ... اوبر بها الوقت
دره / تمام .... قفلت الخط  واشارت للسواق / نزل المعدات وسو نفسك تصلح السيارة ..