انت مثل النور في عين الضرير

Part:11

عضت شفاتها متفشله من غبائها وبربكه احدثت تلّـون في طبقات صوتها / ماكنت اقصد
لف عليها بعد ماكانت وجهته للباب / ماتقصدين ايش !
نور الي اشتبكت عليها الافكار وبعدم فهم / انته ليش جاي هنه
وهّاج / انتي ليه مانمتي
نور انسدحت بتنام / قفل الباب
ارتفع حاجبه وبعناد مد رجله وفتح الباب على اخره وخرج
نور صرخت / ومسمي نفسسسسك شيخ !!
وهّاج بعتب / روحي اكتبي بالحاله اني مسوي نفسي شيخ
قفلت الباب وبعدم فهم / شفيه هذا الله يعطيه عقل

———

المستشفى
قماشة الي ماهدا بالها من يوم اختفت البنت الالم ماكان في رجلها ولا على الي جاها من ضرب لافي ... لااااا وجعها كله انها فقدتها فقدت قطعة من روحها ... روح إلفتّها اعتبرتها بنتها وكانت متأكده لوجاها بنت مابتحبها اكثر من ما حبت البكما الي ربتها ... البكما شوفتها تواسي بدون تتكلم ... وجهها نعيم وابتسامتها كلها رضى
انتهت الممرضة من ضرب الابره ولكنها تفاجئت من قبضت قماشة الي ألمت مرفقها الا انه انزاح غضبها  من شافت دموع العجوز / يوومه انا مالي احد مالي احد .. وانت بنت حلال والله اعلم
الممرضه / لاتبكين ياخاله محنا خالين والله معنا
قماشة وشفاتها ترجف وصوتها تترنح طبقاته / ونعم بالله
الممرضه بقرب / تبين خدمه
قماشة / ابي جوالك بتطمن على بنتي ... بنتي وحيده
الممرضه بحيرة / وليش ماجات تتطمن عليك وتزورك
قماشة / بنتي مريضة ماتقدر تجي
الممرضة طلعت جوالها / تطمني .. ولاتبكين مافيها الا العافية إن شاءالله
قماشة صدت بحزن تستعطفها
مدت الممرضة جهازها / لاتطـولين ياخـالة
ابتسمت قماشة واخذته بشكل سريع تسجل الرقم الوحيد الي حافظته... ناظرت الممرضه الي فهمت وخرجت تترقب
استقبلها صوته / اهلاً
قماشة / شكلي ماراح ادق عليك الا من ارقام غريبة دام ترد

صاحب الصوت الي انطفى حماسه وتبدلت نبرة صوته / يالله مسا خير... ماقلنا افتكينا منك !
قماشة بحرقة / ماتفتك مني لين تجيب بنتي فاهم مافي فكه
صاحب الصوت / ضيعتي بنتك بعد ! حلو يالله معد في شي بيننا لعد تدقين وتزعجيني ماني فاتح سبيل
قماشة / ما انت ضيّعتها قبلي يالردي
صاحب الصوت / يلا مناك انا ماضيعت احد انتي الي مااخذتها يالعقيم .. ناسيه انك ماتنجبين وان حتى زوجك تركك !
قماشة الي توجّعت من كلامه ونطقت بغيض / والله ماتخرج منها واني لاافضحك مو بس في الديره .. لا بكل مكان اخليك تمشي وانت منزل راسك
ضحك بصخب / وش يثبت كلامك يالمخرفة وانت مضيعه البنت
قماشة بوعيد / هيّن
الصوت / يلا مناك لاعاد تدقين
الممرضه دخلت / ماخلصتي ؟
قماشة الي كان صدرها ممتلي كلام ولكنها قفلت واعطتها ورجعت تمسك الممرضة / لازم تساعديني
جاوبت بقلق / ياخاله انا ساعدتك لوجه الله بس .. لاتدخليني بمشاكل عندي اهل وعيال
قماشة تستعطفها / حتى انا عندي عيال يحتاجوني .. بنتي مالها احد بنتي ضايعة تدرين !!!
الممرضة بإحساس الضغط / وش تبيني اسوي وش راح تفيدك حرمه ضعيفه مثلي ..
قماشة / ماراح تسوين شي بس بتساعديني