نطقت بألم / يدي
حس على نفسه وتركها
تابعت / وعلى فكره لافي رسام لو حاته مستحيل ماتخطف انظارك بالذات رسماته للصقر
شدته كلمت الصقر / ماقد سألتيه ليه يرسمها
رفعت كتوفها / ماكان بجاوبني
وقف بدون نفس / لقيت شنطتك برا ... كيف تحطينها برا يشوفها الرايح والجاي !!
بعدم تصديق / خليتها في الصاله والله
وهّاج / وش يعني بكذب عيوني واصدقك ؟ الاولى مشيناها هذي صعبه
تذكرت كلام دروب " خليت الشغاله ترمي الزباله "
رد على اتصال محجن العاشر / وش فيك حرقت الجوال ؟
محجن / انا برا
قفل الخط ولف عليها / البسي عبايتك شوي ونمشي
وقفت بدون نفس ومشت متحاشيه دروب وامها كانت شايله هم الروحه معاه ولكن اكتشفت ان القعده في بيتهم اسوأ
دروب رفعة صوتها بتعمد / يمامي ... شفتي فستان الزواج الي شرته دره ؟
سحاب / ماوريتيني
دروب / الا يمامي صورته وقالت لي ان هي ووهّاج اتفقوا الزواج يكون الشهر الجاي ! ووعدها انه يطلق الي معه
نور مشت متجاهله حكيهم ونظراتهم المليانه نقد وكره لها ...
خارج البيت
محجن / وهّاج انا مرسلك الفيديو عشان تساعد لافي .. ليه تبلغ عليه ؟؟؟؟!!
تبدلت ملامحه من حديث محجن الي استفزه / مافهمت تبيني اصفق له !! ولاانتظره لين يقتل... بعدين هو مخطي ولازم ياخذ جزاه
محجن / ماقلت كذه ! بس تسرعت ...
انا اعرفك وهّاج ماهو طبعك ... ولد علي سوا اخس منه ووقفت معهم وقفلت الدّيه وهذا حتى ماقتل ومسكته !!
ببرود / تبينا نغلط كل مره ... مافهمت محجن كل واحد يسوي مصيبه تبينا نوقف معه!!
محجن بلوم / ياخيييي ماصححت غلطك الا مع لافي !
وهّاج / بتجلس تحاسبني وش سويت لاتنساني وتنسى نفسك
محجن شال بخاطره/ كنت اظن اني اخوك ... ياشيخ وهّاج !
نطق / محجن انت اخوي ... بس لاتتدخل اذا مادخلتك ... ولافي هذا قرفت من سيرته كن مالنا هم الا هو ياخي عساه لاخرج اش دخلني انا
بتعجب / وش فيك شاد حيلك عليه !! بعدين هذا بالذات المفروض توقف معه وتدور له الفف عذر
عقد حاجبينه بحده ونبره ثقيلة/ انا حالف اني مااحكم هنه الابالعدل حتى لو انه من اهلي !!
سكت محجن لان النقاش قاعد يشتد ولابيوصل لنتيجه
غير انه مجروح من اخر كلامه
ابتسم وهّاج وهو يترقب ملامحه وبمحاولة مراضاه / كلمت ابوك ... (سكت)
انحبست انفاس محجن / ياخيييي تكلممممم ليه اللعانه
وهّاج / قالي تم بس يبيك تروح المدينه تشتغل يقول شلون بيصرف عليها وانا الي اصرف عليه !
حس بإحراج وبتبرير / بسافر ياخي اقصى الارض مو بس المدينه لا لقيته صادق
وهّاج / وعدني واخذت منه كلام ... انا بحرك بعد شوي خلص اشغالك والحقني
مزرعة معيض ابو سهام
عايش / يابنت حنا وش سوينا
سهام كانت تعض بسلسالها تحاول تتماسك / اوف عايش وترتني ترا
~ فلاش باك ~
عايش / وش دخلنا احنا بالبيت المهجور .. لاتودينا بمشاكل
سهام / عايش والله في شي ووالله ماارتاح لين اشوف
تأفف عايش من طيشها / ماراح انزل معك
سهام / براحتك .... نزلت من السياره ودخلت للبيت شغلت كشاف جوالها وناظرت بحذر صرخت مرعوبه من الخطوات خلفها ناظرت وكان عايش/ بسسسم الله
بقلة صبر / خلاص ارتحتي مافيه شي
سهام / لاماارتحت لان الصوت جا من هنه - اشارت على الغرفه المقفله -
وسع عيونه / مقفله وش تبين فيها يمكن فيها بسم الله وانتي جايه تدرعمين عليهم
كان كلامه مخيف ولكنها تصنعت القوة / ماعليك قاريه اذكاري
طلعت مفكات من شنطتها
عايش/ تبين انتظرك لين تفكين ! —- دفع الباب بكل قوته حتى ماانكسر القفل - تجمد مكانه من شاف البنت الطايحة مكانها
سهام الي تقدمت بثقة / علمتك ان فيها احدد والله عايش احساسي مقد خاااب
عايش الي عصب / لاتلمسينها !!!!
ولكنها لمستها قبل تسمع حكيه
انفعل وشد عباتها بقوة / منتي شايفتها ميته !!!
YOU ARE READING
انت مثل النور في عين الضرير
Action•روايات شيمه🦅• - حكمت المحكمة ان رواياتي اقوا اسباب سعادة الشعب • حـالياً " انت مثل النور في عين الضرير "❤️🔥❤️🔥 -- حسابي انستا / rwui9
