انت مثل النور في عين الضرير

Part:15

وهّاج
دارت عيونه بكل المكان تبحث عنها / وينها نور؟؟؟
دره الي حست بغـيره لانه هالمره ذكر اسمها ماقال مثل العاده بنت حمود بقهر نطقت وعينها بجوالها / شدراني عنها
سحب الجوال من بين يدها / ا!!! كيف اش دراك وانا خليتها عندك وانتي قاعده معها
دره /ك كانت تكلم احد في جوالها بعدين راحت فين الله اعلم ...
وهّاج / تكلم من ووش تقول
رفعت كتوفها بعدم درايه ونطقت ببرود / هات جوالي
رمـاه بالارض حد ماتكسّر
فزت تلتقطه تشوف كيف شاشتها مشطبه دمعت قهر منه وتقدمت له / تدري ليه ماقلتلك !! لانها كانت تقول انها طفشانه وتبي الخلاص ومشتاقه كثير له وتحبه وانها الحين فرصه عشان تشوفه .. ارتحت الحين
وهّاج الي شوي و يضربها / لاتتبلين على البنت
دره بسخريه اخذت شنطتها / اي تبلي لهدرجه معميه عيونك !!!!!
انا رايحه وانت روح دورها
سحبها بقوه من مرفقها / ادورها فين ... كملي كلامك سمعتي كل شي ولاعرفتي وين بتقابله !!
دره الي تألمت وبغصه / تحسبها بتقول قدامي !!!
تركها واسرع يشيّك على الكمرات الخارجية حس بكتمه يوم شاف نور في الكمره تركب سياره غريبه
صرخ / قرب  اللوحه !!!!
انعقدت حاجبينه بشدة يبحث في ذاكرته يتمنى ان لافي صاحبها وحتى مطلق الي كان ابعد الاحتمالات تمنى انه هو .. تذكر كلام دره الحالات !!! الحالات الي توريه
بشتّات يدوّرها كان محتاج محجن يوقف معه ولكن صعب يقول لـ احد الي صار

——

عند دروب
اغلقت جوال نور بإنزعاج من مكالمات لافي الكثيرة / وهّاج وسيف مايدقون بالشهر الا مره وهذا حرق الجوال اتصالات ... ماتنكر انه لفتّ انتباهها بإهتمامه ولكن برضه يكفي انه اخو نور حتى تكرهه

——-

عند لافي
ملّ من كثر مايدق على رقم نور ولاترد عليه وفي الاخيره جاه مغلق !! / تقفلين بوجهي يالنور .. لايكون وهّاج علمـك باللي صار ماستبعد من الي بلّغ علي يكّره اختي فيني ...
حرك العصا بيده على التراب يبي يشوفها ولو رسمه ولكن وينننن ولافي تضررت اوتاره وصارت لمساتـه تعبث بالرسمه بعد ماكانت تزّينها وتطلعها بشكل مميز
  بقهر وحسرة يرثي اخته كنه حاس /ضيعتنا ياحمـود ضيعتني وضيعـت بنت مثل الورد
ناظر شبّاك عذب اليوم ماطلعت وجهها مثل كل مره اشتاق لها كثير رمى الحجر عليه ولاجتـه منها اجابه
وحتى يزيح بعض من همه دق الباب علّه يقنع بشوفها
طال انتظاره ولاطلعت له
توجس / عـذب افتحي بشـوفك ... تسمعيني !!!
افتحي لاني ماابي اكسر الباب
عذب !!!!
وبمحاوله اخيره اثارت خوفه / اذا كنت تسمعيني افتحي واذا كنتِ قريبه من الباب ابعدي الحين .. الحين ابعدي
ضرب الباب وتلفت حوالينه لقاها طايحه بالارض على وجهها رفعها بقلق يصحيها / عذب !! ليه طايحه بالارض
عذب يدوب تفتح عيونها وترجع تغمضها بثقل
فز يجيب شي يغطيها فيها بياخـذّها للمشفى الا انه استوقف بقهر يتـذّكر ماعندها بطاقـه
نزلها على الارض وعجّل بخطواته للخارج وفي باله شي واحد بس كان حاس بعيون تراقبه تلفت ولالقى اثر وتابع طريقه بشكل اسرع من يوم ماتت قماشة وكل شي ماهو بخير
عذب يدوب تلقط النفس وحاسه بحيلها المنهد تتذكر ان راسها كان مصدع وأخذت حبه كانت تشوف لافي يشربها اذا تعب  وماتتذكر شي بعدين !