انت مثل النور في عين الضرير

Part:5

كانت تبكي وراسها لاصق بالقزاز ضامه نفسها ورجلها تألمها اكثر من أول
ماحست في نزوله الا وقت فتح بابها / انزلي
ناظرته والقت نظره سريعة على المكان وانتفضت بعد ماصرخ في وجهها وسحبها من يدها / انزلي قلت
نزلت وماهي قادرة تتوازن في مشيها لين استسلمت وتمسكت فيه .. نطقت بصوتها الي من كثر التعب صار له بحه / ليش جايبني هنه
بدون نفس / يعطونك اي مصيبه تتعالجين فيها ... ماحب الحرمه الطايحه
قبضت يده بقهر / ومن قال ابيك تحبني ابرك الساعات الي تكرهني فيها
نادا على السستر تجيب لها عربيه ومشاها للطبيبة تكشف على رجلها وتدهنها
الطبيبه بإهتمام / وش فيها سلامات
وهّاج ببرود / دلع حريم
الدكتوره ضحكت بعد ماتأملتهم كيف كل واحد حاقد على الثاني / واضح انها صغيره شوي شوي عليها
ناظرها بإستحقار / مو انتِ تعلميني كيف اتصرف .. اصرفي العلاجات واخلصي
سكتت الطبيبة بإنحراج وصرفت الأدويه واعطتها نور وهي تأشر لها
ولكنه سحب الكيس منها ودف العربية
عصبت/ سلامات ليش تكلمها كذه ؟؟؟
وهّاج / الي رضت تخالط الرجال ترضى تسمع كلامهم ..استحقر الي تشتغل هالشغله
رصت اسنانها / اشوفك ماجبتني الا عندها مارحت تدور دكتور ... طلبت دكتورة !!!!
وهّاج / اختك هي عشان تدافعين عنها
رفعت سبابتها بغضب/ ماارضى تتكلم عن بنت تساعد الناس وتسوي شغلها بها الكلام وتعاملها بها الطريقة ولعلمك انا بصير طبيبة وبجلس في نفس المكان واشتغل نفس الشغله
ضحك بسخرية / وش بعد تحلمين به يالبزر !! هالكلام لااسمعك قلتيه لحد ... وقف العربيه وخلاها تكمل لين السيارة كـ عقاب
وقفت بقلة حيله وبصعوبه تمشي وقبل توصل
بعد السيارة عنها فتح الشباك وابتسم بخبث
ناظرته / ياثقالة الدمممم
وهّاج / ماتحبين تسوين رياضة؟ ولاماتعرفين تحركين الا لسانك !
وصلت وضربت الباب بغضب / اكررررهك

——-
عند سهام (داخل سيارة عايش)

سندت راسها على باب السياره ضمت رجلينها وفركت يديدنها في بعض / ... برررد
قفل المكيف ورمى غترته عليها في الخلف
انفعلت / شنو هذا ؟؟
عايش / تقولين بردانه
رجعت ترميه عليه / انت شام ريحته قبل ترميه علي
عصب / اقول الغلط علي - رجع يفك المكيف ويرفعه اعلى شي -
صاحت / وجععععع ماابي اروح معك نزلني
عايش يقلد صوتها / اانننن ماتمشين بالطيب
سهام / امحققق طيب انت غسل شماغك بالاول بعدين تفلسف علي
رجع يطفي المكيف وتأفف من الوضع
كانت تنام شوي وتصحى كثير متفززه وخايفه / عايش مالقيتم ابعد من هالديره ؟
عايش / تراني قرفان اكثر منك
سهام / اش رايك تجيب شي ناكله لاني ميته جوع
عايش / تبين لوزين
سهام / ابي بيتزا
عايش / وش بيتزا
سهام / اوووف عايش ماتعرف حتى البيتزا .... انتم ماتخرجون من الديره ؟
تنرفز وارتفع صوته / اقول لاتجلسين تتفلسفين وتكلمي زي الناس انا بمشي والي القاه على طريق اخذته
نطقت بشرود / عايششش
عايش الي لازال معصب منها / هاه
ابتلعت ريقها تفكر وكأنها بتقول شي مهم / انا يوم الذيب تهجم علي دخلت بيت احتمي فيه ... عايش البيت كان فيه غرفه احد يدق بابها
ببرود / بيت مسكون بتسمعين قراءن مثلاً
سهام / انت فاهم كان هدوء ويوم تحركت وطلعت صوت سمعت ضرب الباب
عايش / الله من الافلام في ذا الراس
صدت عنه ورجعت تسند نفسها ويدها على قلبها كل ماتذكرت

-
—عند نور —
عرفت انه بيت دره من شافة المزرعة وواجهة البيت الي كل من مر ذكر الله عليها
نطقت / تحبها ليش تتزوج عليها؟
ابتسم / احبها ومااحب لقافتك
وقف السيارة
ميلت شفاتها / جيب لها ورده على الاقل !
بسخريه / ورده !! ههههههههههه
بغيض /وش يضحك !
خرج علبة عقد الماس / مو وهّاج الي يهدي ورده !
نور / تدري ان الورده ازين من عقدك
بسخريه / المره الجايه اجيب لك انتِ ورده
بنفس سخريته / اذا فيه مره جايه ... ابي ورقة طلاقي اليوم قبل بكره
تبدلت ملامحه وتبدل معها صوته/ لك مابغيتي لاتحسبين انها كانت فرصة واني راضي !
ناظرها بإحتقار / اعوذ بالله تكونين ذوقي
بنفس احتقاره / عمر في القبر ازين من ساعة معك ...
نزل وضرب الباب وفتحت دره الي صدت دون تناظره
وهّاج / مافيه تفضل؟
دره / قول الي تبيه وتوكل
مسك وجهها وطبع قبله على راسها / حقك علي بس افهميني اول
كانت متثاقله وجوده وشايله بخاطرها عليه الا انها من شافت نور في السياره تبدلت ملامحها لتمثيل الرضا واحتضنته هامسه / وش بيدك ؟
مد لها الكيس / افتحيها
فتحتها تمثل الابتسامة والانبهار / الله !! ....ابيك تلبسني
وهّاج بتصريفه / مااعرف لها الشغلات
دره بزعل رجعتها له / ماابيها اجل
تأفف مخرجه من علبته
ابتسمت وادرات نفسها حتى يلبسها
رجعت تناظره / وتقول ماتعرف !
وهّاج الي ماكان عاجبه تحكمها فيه / يلا معسلامه
دره / وهّاج لحظه
عدلت ازازيره وبقرب باست خده كل هالحركات كانت تسويها لاجل تشهد نور عليها وكأنها تقول تراه لي ومستحيل تاخذينه / نهاية الشهر بسافر
ارتفع حاجبه بنرفزه / مو قلتلك معد ابي هالسوالف !
دره تبرر / بس لازم انا وانت نحضر تراها عالميه ومتأكده بنفوز وكل القبيلة بتفتخر فينا ... ترا لصالحنا الموضوع
وهّاج الي كانت جماعته وقبيلته نقطة ضعف عنده / بشوووف
عند نور الي ملت من الانتظار ولفت وجهها متقرفه من حركاتهم ~
فزت من دخوله وضربه للباب
اختفت ابتسامته بعد ماقالت بجديه واضحه/ ابي اشوف لافي ... اخوي تعبان لازم اشوفه
وهّاج / انا مااروح لأحد .. يبي يجي حياه
بنرفزه / عفواً مين الي انصاب !!
بنرفزه اكبر/ يابنت حمود .. ماترادديني ! انا ماترادديني وكلمه قلتها انسي اثنّينا
بحرقة والدمعه في طرفها/ ودني عند اهلي ماابي ارجع معك
وهّاج / اذا استلمتي ورقة طلاقك روحي المكان الي تبين انتِ باقي على ذمتي
نور/ مستحيييل تكون طبيعي مستتحيل !! ياخي ماابيك انت ماتفهم .. تنسد نفسي يوم اشوفك واكره اكثر يوم اكون جمبك
وقف السيارة بشكل مفاجئ مما خلا راسها يصطدم بالدرج بشكل قوي

.
.