انت مثل النور في عين الضرير

Part:13

~ الديرة بيت ابو محجن ~
عذاب شاعرة وهي بنت عم محجن وكثير تكتب اشعار بتويتر وتـدري ان محجن يـقراها ويرد عليها تعرف اسلوب حديثه حتى لو اخفى نفسه تحت اسم مستعار " m90 "
انسحب الجوال بلـحظة اندماجها / ياعمـه ليه شلتيه
ام محجن / حنا ماعندنا شغله الا الجـوال قـومي البسي وتزيني
عذاب الي تفاجئت من طلبها / بنروح مكان ؟
ام محجن / عبير عندي بالمجلس
عذاب بشكّ / طيب .. من متى نتزين لعبير ؟؟؟
ام محجن سحبتها ومشتها لغرفتها / البسي ولاتردددينن فاهمـه
لبست عذاب شي كثير بسيط واغنتها الكحله والروج عن بقية المكياج
ام محجن / سويت عصير جيبيه معـك
زفرت وبينها وبين نفسها " يعني سوتيه كملي جميلك وقدميه استغفر الله "
ماحست الا وهي بنص المجلس والرجل الكبير بالعمر يتفحصها بنظراته طاحت الصينيه من بين يديها وعجلت خطاها خارجة من المجلسسسس وحرارة الغضب والاحراج تخالط وجهها بلحظة شافت ام محجن وبعتب ولوم / تدخليني والرجال بالمجلسسس
ام محجن ابتسمت / مافيه حد غريب الرجال هذا بيكون زوجك
عذاب بغل وحقدها يزيد اكثر على ظلم ام محجن وتحكمها / ماني متزوجه الا محجن
ام محجن تبدلت ملامحها وشدة شعرها / محجن مايبيك ماتفهميييين ...
عذاب / انتِ الي ماتبيني مو محجن
ام محجن ويدها تشتد على شعر عذاب وتهز راسها / بتفهميني انه لو يبيك بيتركني اخطب له ولا يتكلمّ تضحكين على نفسك انتِ ...
عذّاب بتوجع / ياعمممه قطعتي شعري
ام محجن / اقطع شعرك ولايتقطع قلبك ... شوفي حياتك صار لك الحين ٢٩ سنه تنتظرينه فهميني من الي يبي وحده ويخليها تنتظره هالمده !!!
عذاب / انا ماشكيت لك
ام محجن / وانت تبين انتظرك لين تعنسين عندي الشايب هذا تقدم وانا وعمّك وافقنا ... اذا ماتفكرين بنفسك اقلها فكري بمحجن كان صدق تحبينه اتركيه يشوف حياته
تركت شعرها وتركت معها علّه  صابت قلبها

نرجع عند وهّاج
كان يناظرها كيف بتجنن وفعلاً كان مندهش من تغيرها له الدرجة مهووسة بالطب !! تضربه بدون توقف
توسعت عيونه بشكل مفاجئ وارتعب من شاف النار شابه في ثيابها / ملابسسسك ...
استسلمت بدون تتحرك او تفز او تسوي شي كانت تبي الموت حتى لو حرق وهذا الي صدمه ...
بحركه وحده قسم ثوبها نصين ورماه يحث التراب عليه بشكل سريع
التفتت لها وكانت مصدومه من حركته القى نظره سريعة على جسدها واحتضنها بشدة يخبيها داخل فروته
حاولت تبعده وتتمنع بنفور شديد عنه / حـرقت قـلبي .. ماني مسامحتك .. كل شي تشوفني احبه تاخذه مني وش سويت لك عـلمني وش فرقك عن حمود !!؟
بندم شديد نطق وايدينه تشدها /  آسففففف والله اسفف ..
حس بدموعها الحاره تبلل ثوبه وكان رد موجع له
شدت يدينه عليها اكثر
خبت راسها بصدره من شدة خجلها تتكشف قدامه مره ثانيه كل ماتذكرت كيف قطع ثوبها كتمتها الغصه وشبت حرارة الحرج بوجهها
بعد صمت طال بينهم ووقت طويل على هالحال / النّار شبت بـضلوعي قبل تشب في ثوبك.... جاني نفس اذبحه وهو اخوووي .. كيف لولمستي غريب !! علمتك  تتقين شري انا مااتحمل نفسي لاعصبت....اثنى نفسه يقبل راسها واخذ نفس طويل يستنشق ريحة اختلاط الدخان بعطر شعرها
طـّال صمتها وفهم من ارتخائها وعدم ردها  انها نامت
شالها وهي داخله مخبيها بالفروة ولاباين غير راسها
تركها على الكنبه الطويله وجلس على الارض جانبها ومرت الساعات وهو يتأملها بحذر شديد لمس رمّشها وباس عيونها وكأنه يرتكب ذنب