النور
صنمت واقفه كأن احد يسحب رجولها
غمضت عيونها بعجز ..لحظه حست دوران جسدها وصوت تفحيط السيارة الي دوى وتردد بسامعها ولا عاد شافت غير الظلام
وهّاج الي ماسكها بين يدينه المرتعشه وبصدمه علقّت ملامحه / كنتِ بتموتين
انهارت لحظه ما فتحت عيونها وشافته / لاااااااااا لاااااا ليه جيتتت ليه كنت برتاح منك
تمتم ولازال منظرها في باله محدث له انتفاضه/ ترتاحين مني كذه .. تهلكين نفسك وتسمينها راحه
نور / تخييييل !!!! تخييل ان الموت صار امنيه ..
بتوبيخ / بترتاحين مني وعد بس لا تعيدين الحركة وهالحكي الي ماله سنع ماتعيدينه
مد يده بيمسكها الا انها ابتعدت متمنعه
ماضغط هالمره عليها / مثل ماتبين بس لاتفارقين عيني
فهمت ومشت قدامه وهو يتبعها بهدوء عجيب
بدون نفس ركبت ورا
ازعجه التصرف الا ان ماعاد فيه قوه يجادلها
المنظر هّد طاقته
بيت قماشة ~~~
هالبيت كل ماضاق صدره جاه جرته خطاه للغرفة العلوية — غرفتها —- قماشة كانت مهتمه فيها رغم بساطتها
ناظر الشريط الي تربط فيها شعرها والي كان هديه منه سواها بيده يوم تضايقت من طول شعرها وكانت تبي تقصه
شمه بقوه لين ملت ريحة عطرها صدره يتمنى انها عايشة اكثر من مايتمنى يشوفها ... تعب من الامل
—— غفت عينه وهو قابض عليها بيده
ولاحس الابضربات على طاقتها ... من يجي لقماشة وشلون يضرب طاقة البنت فيه احد غيرهم يدري بالقصة ؟
وقف بشكل سريع بعد الضربه الثانيه ...
اشارت له ينزل
استنكر هيئة الحرمه هذي اول مره يشوفها
المرأة / انزللل بكلمك
خبى الشريط بجيبه ونزل / خير
المرأة - هي الممرضة الي طلبت منها قماشة تساعدها - / قماشة تبي تشوفك
لافي بضجر / هذي باقي عايشة الله لايشفيها
الممرضة / عايشة وتقولك اذا تبي تعرف سالفة البنت ومين اهلها تعال
شدّ هالكلام اهتمامه وبدون مقدمات قفل باب قماشة خلفه ... ارتعش صدره وارتدتّ خطاه من شافها
شدّ هالكلام اهتمامه وبدون مقدمات قفل باب قماشة خلفه ... ارتعش صدره وارتدتّ خطاه لحظة شافها
ابتسمت واقتربت بتحضنه
كان اسرع وامتدت يده تسحبهابكل قوه لصدره
كان وده يخبيها بين ضلوعه ولاعاد يفقدها
سهام عايش فاجئهم هالتصرف وان المقصود برسوماتها وحروفها " لافي "
لافي الي تبدد الهم وانزاح عن صدره ابعدها ومسك وجهها الناعم بكفوفه .. وعيونه تدمع من شدة الشوق / يانظرررر عينييي ... ياهلا بروح لافي ... وين اختفيتي وين كنتِ انتِ ضيعتيني معععك
ابتسمت كل ملامحها وحتى عيونها كانت لمعتها واضحه له ... مدت له يدها توريه
ضحك بخفه من شاف اسمه / هو صح لو حطيتي هنه ألف
تقوست شفاتها بزعل انها ماعرفت
لافي / انا راضي اكون لفي بس لاتزعلين
رجع يحتضنها ويفكر بالكلام الي قالته الممرضه على لسان قماشة / انتِ بنتي انا
حاولت البكما تبعد وفهم انها تبي شي الا ان شوقه ماارتوى ولايظن انه بيرتوي
قرصته لانه خنقها ابعدها شوي يتأملها غارق في معالم وجهها / تعبت وانا كل ما افكر اناديك ما القى لك اسم وش رايك اسميك عذب ؟
تفاجئت انه صار لها اسم واكثر فرحها انه اختاره ...
اشارت على الممرضه الي لاحظت الراحه في ملامح لافي وكيف هالبنت الي بدون تنطق هدّت جبال اوجاعه
الممرضة همت تمشي / قماشة تنتظرك
ناظر عذب / نزور قماشة ؟
مسكت يده وفهم انها تبي تشوفها ولكن فيها رهبه من شدة مسكتها
لافي والفرحة وحدها تشيله / محد بياخذك هالمممره انتِ معي الكل بيعرف انك موجوده ولاعاد بخبيك الا في صدري
ارتخت مسكتها ومشت معه
لافي / جيتي مع مين ؟
اشارت للخلف الا انها مالمحت احد
لافي ضحك من دهشتها
رفعت كتوفها بعجز عن الشرح
YOU ARE READING
انت مثل النور في عين الضرير
Action•روايات شيمه🦅• - حكمت المحكمة ان رواياتي اقوا اسباب سعادة الشعب • حـالياً " انت مثل النور في عين الضرير "❤️🔥❤️🔥 -- حسابي انستا / rwui9
