تبعها لافي بريبه ولكنها هالمره ركضت بلون مخطوف
ركض خلفها وكانت خطواتها اسرع تعثّر لافي في خطاه حس بدوخه ولاقدر يوقف من قلة التوازن
التعب يهد كامل جسمه
بقلة حيله رفع انظاره يبحث عن الممرضه
الي اختفت ولا سمحت له يتوقع الطريق الي مشت منه
——
عند سهام
بعد موعد الزيارة وشوقها الكثير لوالدها رغم صده عنها واخر نقاش حاد صار بينهم وصل لضربها
تنتظره على احر من الجمر وقفت اول ماشافته يدخل اقشعر بدنها من تبّدل حاله كيف طالت لحيته والهالات صارت واضحه تحت عيونه... الثوب العريض عليه والشبه متسخ !!
وقف عند الباب يشوف من زاره وتراجع ببرود لانها سهام
سهام تتماسك / ماتوصل تقطع السلام
ناظرها / توصل لقطع راسك الي ماقطعته ناسيه انك بلا الي انا فيه
بأسف شديد اقتربت لعنده تبددّ المسافات / والله يبببه اني ماادري هذي سواته والله اني تركته ولاعاد ابيه وانا اشتغل الحين حتى اقضي دينك واطلعك من السجن
بسخريه وبرود / وش يفيدني انك تركتيه !!! وبعدين من يطلعني —- اشار بسبابته محتقرها / انت !!؟؟ يالله منك تعدلين شعرك ومكياجك حتى ينعجب فيك
سهام بكت / يبه والله ماعاد شي يهمني الا انك تطلع وترجع تعيششش معاي البيت يضيّق الصدر بدونك
ابو سهام / السجن ابرك من بنت تجيب لي الشقى والله اني مرتاح وخلي امك تفرح ان الله استجاب دعاءها فيني
حضنته من الخلف وايدينها تشد عليه / يبـه ادري انك تحبني وان هالكلام من ورا قلببببك
بغلظة ابعدها/ ماقلت الا الحقيقه ... لاعاد تزوريني ماترفع راسي بنت مثلك
توجعّت من حكيـه وبهتت مكانها دون حراك حتى بعد خروجه
——نور ——
كانت بتروح للبنت تتطمن عليها استوقفت بإنزعاج
من صوت رنات جوال وهّاج تبدّل انزعاجها لابتسامه شّر واستغلت هالفرصه وهي تسجل الرقم وتتصل
سرعان ماجاها الرد ونطقت / السـّلام عليـكم ... ابغا اقدم بلاغ
الديرة
——عند شلة فزّاع——
دخل الضابط وبعد ما القى نظره على حال الموجودين كلهم سكتوا يترقبون وش يقول
نطق / فزّاع علي *****
فزّاع الي فز فرحه ان احد يزوره
اخر زياره له قبل عامين مين الي فكر فيه ويبي يشوف قاتل مثله
زفر ومشى قابض على يده بتوتر
ارتخت قبضته من شاف لافي وببتسامه استقبله / ولد حمود
لافي الي ماعد يحتمل ولاهو قادر يجامل / معك حبه ؟
فزّاع / ماعندي
لافي بجنون / كيف يعني ماعندك !!! جيب لي حبه ابي حبه الحين
فزّاع بحده همس / قصّر صوتك .... عندي بضاعه بتوصل قريب لي فترة ادور حد يستلمها .... طلع ورقة صغيرة مسجل فيها رقم وخباها بجيب لافي / تواصل معه
———
وهّاج
سمع الشبّاك يقفل وأول مالف ناظر فروته تتهاوى على الارض
سجّ بضيقة يتذكر حكي امه " خلك مع الي يحبك " وهو عارف بحكيها من تقصد كان دايم يفكر ان امه تقول كذه لان دره بنت اخوها وفهمها من باب وصيه ولكن يوم يشوف تصرفات نور يتأكد ان دره فعلاً تحبه وتهتم لاابسط تفاصيله حتى للكبك وش لونه
تحسس جيبه يدور جواله ولا لقاه وجرته هالذكرى لطيف دره وهي زعلانه لخاصمه عليها آخر مره شافها ...
YOU ARE READING
انت مثل النور في عين الضرير
Action•روايات شيمه🦅• - حكمت المحكمة ان رواياتي اقوا اسباب سعادة الشعب • حـالياً " انت مثل النور في عين الضرير "❤️🔥❤️🔥 -- حسابي انستا / rwui9
