بعد مرور اسبوع تسريع للأحداث
المدينة ~ في صدر جده عند سهام~
نزلت من الدرج وعيونها تبحث عنه لمحته بوسط الصالة حاط يده على راسه ويناظر تحت بقهر وحسرة
بلعت ريقها وتقدمت بخوف / باقي ماتجهزت ؟؟؟! ... يبه فيك شي
رفع راسه وبان احمرار عيونه انحنت وصارت مقابلة مسكت وجهه وبلعت ريقها بخوف/ يبههههه حد صار له ش
ولكنه فجاءها بالكف قبل تكمل جملتها
طاحت على الارض مرتعبه ولكنه قام وانهال ضرب وشاتها / ماجاب هالزفت ودخله حياتنا الا انتِ ... غدر فيني الي ميته عليه .. قلتلك ماهو كفوو ولاهو من ثوبنا عاندتيني واخذتيه ... وبقهر وصراخ / لا ماكفاك ولارضى عليك لين اعطيتيه من اسهمك بعددد .... انا غلطان يوم دخلتك في شراكتي وقاسمتك مالي ولاانتِ مكانك عند امك تخدمين خوالك
بكت وانهمرت دموعها بحرقة مصدومه من تصرفات ابوها وكلامه / يبه وش قاع
وقبل تكمل اسكتها / لاعاد اشوفك في بيتي ارجعي عند امك لابارك الله فيك
خرج منفجر منها وكاره كل شي حوله
اما هي لازالت مصدومة وترجف بشكل قوي ماهي مستوعبة الي صار
ماحست الا بالي دخل من الباب وجلس امامها يحاوط يدينها ويمسح دموعها ويتكلم بقهر / كيف يمد يده علييييك انتِ تخصيني انا ماتخصينه حتى يمد يده!!!! خلينا نمشي من هنه ... اوعدك بتعيشين احسن من هالعيشة بصير ابوك واخوك وكل الي تبينه بس امشي معي يابنننت والله اني شاريك
بعدت يدينه بقسوة وضربته على صدره ودموعها تزيد ماتوقف / انتِ بعتني في اللحظه الي غدرت فيها ابوي !!! رعد انا وثقت فيك بس انت ماكنت قد الثقة
رعد وهو يسكتها / اشششش لاتقوليننن ... ابوك يستاهل الي جاه وانتِ ماتستاهلين تكونين عنده ... امشي معي واتركيه مع قسوته وحريمه الي مايخلصون
دفعته وغضبها منه واصل اقصاه/ مااسمح لك تتكلم عن ابوي فاهم !!! اطلععع ماابي اشوفك ... — رمت الخاتم من يدها وحذفته بعيد / إن شاءالله تلقى الي بقذارتك
اتسعت عيونه وبسرعه شال الخاتم بيلبسها / الا هذي سهام مستعد اصلح الي صار واتخلى عن الي في يدي بس انتِ لا .. سهام تسمعيني انتِ لااااااا
كانت تبعد يدها عنه وتبعده اكثر / انا مو لك ولا لأي احدد
انفلتت اعصابه وشد يدينه على اكتافها بجنون / لك مده تشكين منه ... كم حرمه خلاها تتسلط عليك وكم مره كان يشك فيك ويسحب جوالك ويهزئك قدام الرايح والجاي !!!! ليش بس تشوفين الي سويته ليش ماتشوفين انه انتقام لك ولامك
بكت وصاحت فيه / انتِ ماتنتقم من ابوي ... انت مالك دخل في الي بينا !!!! لو يقص رقبتي ماتتدخل .... صرخت اكثر لين احمر وجهها واتسعت عيونها بشكل مخيف / اطلللع براااا —- كانت ترمي عليه كل قطعة تخص الاثاث
عايش خاف ودخل بشكل فوضوي بعد ماسمع الاصوات والقزاز الي يتكسر / سهام تحتاجين شي ؟
سهام ضامه رجولها ومغطيه اذانيها بيدينها / طلعه برا ماابيه
عايش كان الموقف حساس بالنسبه له مايبي يجرح رعد ويقوله اطلع برا ولكنه قال بصوت حاد واشر له / رررعد
ناظرها رعد نظره اخيره يبيها تحن ولكنها صدت عنه
وقف وخرج منزعج ومخذول منها
عايش /سوا لك شي !؟
بدون تعطيه فرصة / قفل الباب !
YOU ARE READING
انت مثل النور في عين الضرير
Action•روايات شيمه🦅• - حكمت المحكمة ان رواياتي اقوا اسباب سعادة الشعب • حـالياً " انت مثل النور في عين الضرير "❤️🔥❤️🔥 -- حسابي انستا / rwui9
