ايقنت انها النهاية ومعاد لها مفر وخياراتها الوحيده هي الموت او الموت
غمضت عيونها بإستسلام .... تتذكر ماضيها .. امها وابوها كيف كانت سعيده يوم تشوفهم مع بعض وهي من غيرتها تجلس بينهم نزلت دمعتها على هالذكرى شهقت من القبضة القوية الي داهمت خصرها وجذبتها بقوة
ارتعبت اكثر من صوت الرصاصة
الذيب ينازع حياته عند رجولها اتسعت عيونها من الذهول وهول الموقف رجلينها معد تشيلها
عايش / انتِ بخير؟
احتضنته واحتضن معها خوفها لازالت ترتجف وعالقه في المشهد وتحكيه بدون ترتب كلامها / كنت .. لحقني .. لحقني ورحت البيت
عايش شد يدينه عليها / اشششش ... راح .. الذيب ميت عند رجولك الحين
سكتت وهي تحس بقربه وكيف انه انقذها كيف انه دايم موجود يوم ماتلقى احد
ابعد نفسه عنها يناظر وجهها
كانت منزله عيونها وملامحها ذابله
عايش / باقي خايفه ؟
هزت راسها بنفي
عايش / وش خرجك الحين !! هالمكان محد يجيه الا الي بايع عمره ... ماتبين عمرك انتِ؟
انفعلت / ماابغى اجلس في الديره ! اكرهها اكره ناسها وبيت اخوالي
عايش / اوديك عند ابوك
صدت عنه / طردني ...
عايش / طيب واذا طردك انشبي له مو بنته انتِ
هزت راسها بنفي /...ابيك تاخذني مزرعتنا
عايش / ويعني بتجلسين كذه لامع امك ولامع ابوك .. مايصلح هالكلام يابنت !!!
سهام / لاتضغط علي انا لوجايه بسيارتي ماكان انتظرتك .. زفر بضيق وقلة حيله / بوديك بس لازم تسنعين اوضاعك كذه مايصلح
اجتمعت دموعها بعجز / تحسب الهرجه بيدي كيف تبيني اسنعها مثلاً
عايش بقلة صبر / عجلي بزواجك من رعد مثلاً شعرفني انا تلاقين طريقة
انفعلت / تبني ارمي نفسي عليه!!! بعدين انا فسخت الخطوبه ومعد بيني وبينه شي
عايش الي فهم انها زعلانه من خطيبها بس ماتوقع انها انفصلت عنه / خير خير .. امشي الحين
سهام الي استسلمت لدموعها ماقد ضعفت بس هالمره كل شي يجبرها تزعل ..صارت الكلمه تبكيها واللوم حالة ماتقدر تجاريها
عايش / لاتبكين !! كل شي بنلقى له حل ... مسح دمعتها بطرف شماغة ودخلها السياره / اكلتي ؟
بضيق وعينها على الطريق / مالي نفس
عايش / بس انا ماتعشيت تدرين؟
بسخريه / كان تعشيت وخليت الذيب يتعشى
ضحك /تبين عشا الذيب ازين من عشاي !
———
عند وهّاج
دخل غرفته واستنكر عدم وجودها تنقلت انظاره حول الغرفة يدور شي لها ولكن شكلها مادخلتها حتى
البيت هادي الا امه تبكي متحسرة تقدم يقبل راسها
ناظرته بعجز /يممه لايكون صار له شي وانت هنه تلومه !
وهّاج وداخله بينفجر / ليته يمه صار له شي ومعه عذره ولايتركنا بها الموقف ويطيح وجيهنا ... انا ماعندي اخ ولاعاد ابي اشوفه
بنحيب/ لاتقول كذه خله يجيني ابغا اكلمممه بتطمن عليه
وهّاج بقهر / رمى جواله ... ولدك سحب نفسه بأبشع طريقه مافكر فيك ولافكر فينا ... ماابغى حد يطريه ولاعاد اسمع له سيره
زادت دموعها وزاد وجعها قام وسئلها / فينها بنت حمود
بدون نفس وغيض / ماشفتها المنحوسه !!! جايه بنحسها ... هي السببب ماابغاها في بيتي
تنهد / لاترمين غلط ولدك على بنت الناس ... سأل دروب الي رفعت كتوفها بعدم درايه دورها بالغرف
دروب بسخرية / باقي مالقيتها ربانزل شوفها يمكنها تنتظرك تصعد لها السطح !
بذهول وتعجب / مانزلت !
ردت بعدم اهتمام / شدراني عنها ست الحسن
لقاها بالسطح الهوا يضرب وجهها ومنهارة ولاتحس بشي حولها / وش مقعدك هنه ؟
نزلت دموعها الحارة / ودني المستشفى بشوف اخوي
وهّاج / اخوك في بيتهم ماهو في المستشفى
طاحت عند رجوله تترجاه / ابي اشوفه
نزل لمستواها وسحبها بقوه / ماعندي هذي الحركات انا !!! تحسبين بحن عليك ووديك شايفه الساعة ؟؟؟
سحبت يدها ودفته ودموعها عالقه في رمشها الاسود الطويل/ انت استغليت حالتي وحطيت اسمك مابغاك انا ولاتتأمر علي كل الي بيننا على ورق !!!!
تأفف / انزلي وبدلي ملابسك انتهت الحفلة
نور / مو بكيفك والحين توديني عند اخوي وبكره تفسخ العقدد فاهم؟؟؟
احتدت ملامحة واحتد معها صوته / مااحب الزن وصوتك هذا لاعاد يرتفع عليّ الحين تبدلين ثيابك ولاعساك لابدلتيها في بيتي تجلسين بإحترام ...ويلا اذلفي مالك روحه
بشكل هستيري صارت تقطع فستانها وتبكي بحرقة / الله ياخذني ان سمعت كلامك والله ياخذني ان نمت الليه هنه ويدك النجسة لمستني ... انا مو لأحد
كانت تقطع الفستان حتى ماجرحت الكرستالات يدينها ...
بحده / اهجدي يابنت ... ولكنها كانت تزيد ماتهدا
مسك مرفقها ووسع عيونه عليها / لاتجبريني امد يدي
كانت تحاول تفك نفسها منه ولكنه ماسمح لها مشاها لين خرجها من السطح وصرخ عليه / انزليييي
دموعها وحرتها هي ردها
صرخ بصوت اعلى وعروقة برزت اكثر من اول / انزللي قلت !
نزلت تجر فستانها المشوه بخيبة وخذلان
كانت بتدخل اقرب غرفة ولكن دروب وقفت بوجهها / مالك غرفه ومانبيك عندنا انتِ اصلاً بدون كرامه كيف تسمحين لنفسك تجلسين بعد الي صار
نور / الي صار انتم المفروض تتفشلون منه مو انا
تقدمت دروب وبرفعة حاجب / تدرين الغلط على اخوي الي اخذك الا انتِ شايفة وجهك !! شايفة النحس الي جبتيه معاك
تجمعت دموع نور ومشت بتدخل الغرفة الفاضية والضيقة ماخذه كل المكان في صدرها ولكن تفاجاءت بثقل الفستان من الخلف وسقطت بعدم توازن
دروب ببرود شالت رجلها / اسفه ماقصدت
تقدم وهّاج الي دوبه نزل بعد ماسكر السطح وانواره مسك فك دروب بقوة / اقص يدك ولسانك الي يطول عليها
دروب دمعت بقهر / هي الي بدأت اقولها هذي غرفة سيف وهي غصب تدخلها
ارتفع ضغطه ودفع دروب / انقلعي نامي لااشوفك
اسرعت دروب لغرفتها مبتسمه ومتحمسسسه تسمعه يهاوشها
ولكن مر الوقت بدون تسمع اي شيء
وقفها وهّاج بصعوبه بعد التواء رجلها وقفت بقلة ثبات ماهي قادره تدوس وتمشي ولكنه شالها يجلسها على سريره وقبل تمتد يدينه ينزع فستانها
مسكت يده بمعنى وقف
فهمها وخرج يدور العاملات ولكن مالقى احد
رجع لها / اش رايك اصحيهم عشان حضرتك !
نور / بنام بفستاني
زفر / خبله انتِ مااحب الزحمه انا بعدين مالقيتي اكبر من هالفستان
ضمت شفاتها الي ترجف وناظرت تحتها بإحراج /لف وجهك
وهّاج / وكيف تبيني اشوف ! بعدين الي بتزوجها ازين منك ماني طمعان فيك ( شاله عنها بشكل سريع ورما قميصها تلبسه )
ماتنكر انه جرحها بها الكلام رغم انه ماتحمل له مشاعر
طبع غترته ولفها على رجلها بعد مادهنها بالكريم وقبل يقوم مسكت يده : ممكن تعطيني جوالك
ناظرها : موممكن نامي لااسمع حسك
تمدد جنبها واعطاها ظهره
فزت بخوف / بتنام هنه !
لف عليها بغيض / اجل بتخرجيني من غرفتي !
نور وقفت بصعوبة / لا انا الي بخرج
بسخرية / انتبهي بس لاتضيعين وتدخلين غرفة سيف
لفت عليه بحقد من سوء ظنه ولكن خذلتها رجلها وطاحت على الارض متألمه
زفر وكمل سدحته متجاهلها
بانت الكسره في صوتها / ليششش تتقدمون لي ؟؟؟ليه ماخليتني ارجع مع اهلي بعد الي سواه اخوك ... ليش تخلوني عندكم وانتم ماتبوني
تأفف متقرف وطفشان تركها على الارض وقبل يخرج / بنام في المجلس ... بعد ماتخلصين الدراما نامي
الصباح ( المطبخ )
دروب / ماشاءالله اخوي نايم في المجلس وهي مستحله غرفته .... شايفه يمممه ! شايفة ان معي حق وانها خبيثة ماتستاهل كسرت خاطركم
سحاب / اقصري صوتك لايسمعك اخوك
غسل وجهه ودخل الغرفة لقاها نايمه ولكنها فزعت بعد ماشافته قريب منها
ميل شفاته وترك اللحاف من يده بعد ماكان بيغطيها
نور / سلامات تدخل بدون تدق الباب وتستأذن
وهاج / استأذن من مين ؟؟ منك !!! إن لله يالبزر ... قومي تجهزي باخذك مشوار
تكتفت / مابروح معاك
وهّاج مسك فكها بحده / مااخيرك انا تروحين غصب عنك وكلمت لا هذي ماتقولينها قدامي
نور بعناد / لا لا ومابروح معك وانا مو زوجتك الا على الورق ولايحق لك تقرب مني وتتأمر علي
ناظر شفتها وزاد ضغطه على فكها وبإبتسامه خبيثة يستفزها/ لاتجبريني !
دفته بقوه وبصقت عليه متقرفة صفعها كف بعدم تحمل رجع يمسك شعرها ويسحبها للحمام يغسل وجهها ويخرجها من الغرفة غصب عنها وهي تصارخ وتبكي وتستفزع بأمه ولكن امه ماترد عليها وسحبت نفسها
دروب بخوف مثلها / اول مره اشوفه معصب كذه ... وبمكابره / بس احسن ماتصلح له
داخل السيارة
كانت تبكي وراسها لاصق بالقزاز ضامه نفسها ورجلها تألمها اكثر من أول
ماحست في نزوله الا وقت فتح بابها / انزلي
دعمكم ❤️🔥❤️🔥
YOU ARE READING
انت مثل النور في عين الضرير
Acción•روايات شيمه🦅• - حكمت المحكمة ان رواياتي اقوا اسباب سعادة الشعب • حـالياً " انت مثل النور في عين الضرير "❤️🔥❤️🔥 -- حسابي انستا / rwui9
