ادعوا لاخواتنا في فلسطين والسودان.......
لا حول ولاقوة الابالله العلي العظيم 🌺....
الرفاعي بجديه: الو... حسن
حسن بجديه: عاش من سمع صوتك يارفاعي، خير اكيد مش هتخلني اكده من باب للطق،خير حصل حاجه.
الرفاعي بجديه: ولد محمد ظهر ومش اكده خطف بنتي وكمان وز الحكومه علي ولدي،وشكله مش ناوي علي خير.
حسن بصدمه: صقر . . .
الرفاعي بمكر: المصلحه واحده،وانا عايز اخلص منه،وارجع بنتي لحضني من تاني.
حسن بجديه: والثمن؟.
الرفاعي بغضب: ثمن ايه ياولد الجبالي؟، صقر مش ناوي علي خير وبيدور في القديم واكيد هيدور علي ورثه ولا ايه، والميت لو رجع للحياه، كل اللي بتتنغنغ فيه هيروح منك، وهترجع تاني مجرد موظف بيوميه،بتشتغل عند ولد عمك وبينوبك كل اخر شهر كام جنيه،ده لو ولد محمد سامحك ووافق يشغلك عنده بعد اللي هيعرفه عنك.
حسن بغضب: انت هتهدنني يارفاعي، احنا طباخين سوا، واللي هيسري عليا هيسري عليك ، وبعدين انت اللي قتلت محمد وسجنته مش انا، اناا بعيد عن كل حاجه.
الرفاعي بسخرية: يبقي عليا وعلي اعدائي، محمد يرجع حي يرزق وولده اكيد هيسامحني،لما يعرف اني انقذ ابوه ورعيته السنين دي كلها والدور والباقي عليك نهبت ورثه وعايش متنغنغ فيه انت وعيالك وكأن المال مالك .
حسن بصدمه: محمد عايش لا لا انا متاكد محمد مات قصاد عيني ولا نسيت يارفاعي.
الرفاعي بضحك: محمد حي ياحسن هههههه.
حسن بصوت عالي: كيف وانا ضربته باالرصاص بيدي ووقع ومات قصاد عيني و.....
الرفاعي: محمد بعد ماطخيته بالرصاص، كان لسه بيتفس وانا ورجالتي نقلنها علي مكان مداري وجيب حكيم يداويه.
حسن بغضب: ليه عملت اكده، كنت عرفني اخلص عليه او بدل ماتجيب له حكيم يعالجه كنت خلص عليه بيدك،انا مش عارف يارفاعي، انت اتجنيت في عقلك ، سايب محمد عايش كل السنين دي، انت عارف معناه ايه؟،وايه اللي هيحصل لو حد شم خبر،القيامه هتقوم .
الرفاعي ببرود: اتحدد معايا زين ياولد الجبالي، انا كنت بأمن نفسي منك ومن غدرك، انت خنت ولد عمك واتفقت مع الغريب عليه، عايز اطمن ليك كيف وممكن الغدر يجي من ناحيتك ، محمد ورقتي الرابحه، اللي بيها هأمن علي حالي منك .
حسن بغيظ: وااه ياولد المنشاوي، تأمن مني انا، مش محمد كان اعز اصحابك وكنت بتقاسموا اللقمه سوا وكنتم اكتر من الاخوات، انا مش عارف من يأمن من مين، لكن ملحوقه خلص علي محمد ولا من شاف ولا من دري والكل عالم ان محمد مات،ونفضوهاا سيره بقا.
أنت تقرأ
جنتك ناري 🔥...
Aktuelle Literaturباللهجه الصعيديه... فتبلع الفتاه ريقها بصعوبه وتستجمع شجاعتها وتقول: انا فين وانت مين وايه اللي جابني اهنا وتمسك الغطاء بقوه ومين قلعني خلجاتي انا... الرجل بسخرية: انتي اهنا عشان بصفي حساب قديم مع ابوكي، امابقا فين فانتي اهنا في فيلتي وعن قريب...
