استغفر الله العظيم واتوب إليه من كل ذنب عظيم 🦋💙....
يتلقي ماهر اتصالا هاتفيا من صقر...
ماهر بسرعه عايز اقابلك ياصقر وبعدين احكم علي كلامي.
صقر ببرود بكره الساعه.... في.... ويغلق المكالمه.
ماهر بحزن ليك حق ياولدي تخوني لكن بعد ماتعرف الحقيقه، كل حاجه هتغير ودهب هترجع لحضني وعطر ترجع وسطينا..
في اليوم التالي....
حسب الاتفاق يقف ماهر لينتظر صقر وفجا ياتي من بعيد شاب طول بعرض..
ماهر بفرح: بسم الله ماشاء الله ياولدي كبرت وبقيت ملو هدومك،الخالق الناطق ابوك ربنا يديه الصحه ويشوف عوضك.
صقر بجديه: اكيد مش طالبني عشان تسمعني الكلمتين دول.
ماهر بحزن: دهب قالتك الحقيقه وابوك حي.
صقر بجديه: دهب قالت كلام لكن عقلي ماصدق حاجه منه،لو ابوي عايش زي مابتقول ليه مختفي وماظهر يدور عليا ونرجع نعيش مع بعض.
ماهر بجديه: لو مش مصدق، يبقي لازم تجي معايا وتشوف بعنيك.
يضع صقر يده في جيبه ويطمن علي سلاحه ويقول بتردد: علي فين العزم انشاء الله؟.
ماهر بجديه: ماتخاف ياولد الجبالي، هتروح تشوف ابوك وقتها هتعرف ان كلامي صح.
في الطريق واثناء القياده يلتف ماهر وينظر خلفه عده مرات وينظر للمراه الاماميه والجانبيه.. فيلاحظ صقر قلقه ويقول بجديه: خير ياماهر خايف من ايه؟.
ماهر بسرعه: خايف علي ابوك ياولدي لو حد قاطرنا وعرف طريق ابوك هيقتلوه.
صقر بجديه: ماتقلق ياماهر ابوي لو طلع حي زي مابتقول، انا بنفسي هحميه واللي هيحاول يقرب منه، اهله مش هيقدروا يتعرفوا علي جتته.
ماهر بسرعه: الاحتياط واجب يابني وبعد فتره يعم الهدوء ولكسر الصمت يبدا ماهر بالكلام ويقول وخالتك عامله ايه؟.
صقر ببرود: الحمد الله زينه.
ماهر بجديه: وعطر؟.
صقر بغيظ: زينه، ممكن تركز علي الطريق، مش ناوي اقابل رب كريم النهارده.
ماهر بجديه: بحاول اتحدد معاك، الطريق طويل، نسلوا بعض.
صقر ببرود: انا بحب الهدوء وياريت تركز علي الطريق وتهملني لحالي.
ماهر لنفسه: وااه ربنا يكون في عون اللي هتتجوزك.
وبعد مرور ساعه...
يصل ماهر وصقر لبيت قديم...
يرتجل ماهر من السياره وخلفه صقر ينظر صقر حوله ليعاين المكان.. يضع ماهر يده في جيب الجلباب ويطلع مفتاح ويفتح الباب ويدخل... وفي الداخل يجلس الرفاعي علي احد الكراسي وامامه طاوله موضوع عليها كوب شاي..
أنت تقرأ
جنتك ناري 🔥...
Ficción Generalباللهجه الصعيديه... فتبلع الفتاه ريقها بصعوبه وتستجمع شجاعتها وتقول: انا فين وانت مين وايه اللي جابني اهنا وتمسك الغطاء بقوه ومين قلعني خلجاتي انا... الرجل بسخرية: انتي اهنا عشان بصفي حساب قديم مع ابوكي، امابقا فين فانتي اهنا في فيلتي وعن قريب...
