ادعوا لاخواتنا في فلسطين و السودان.....
لا حول ولاقوة الابالله العلي العظيم 🌺....
في فيلا صقر الجبالي...
دهب من بعيد تقف وتلاحظ شرود صقر وتنادي عليه عده مرات ولكن لا رد، فتقترب اليه بهدوء فيتفاجا صقر بوجودها..
دهب بحيره: وااه ياولد خيتي هتركب الهوا ولا ايه، وليه واقف لحالك وعقلك مش معاك، خير ياولدي ايه اللي شاغل بالك ومقلب حالك.
صقر بتردد:مفيش ياخاله،انا زين.
دهب بجديه:اللي ربي غير ماشتري وانا خالتك واعرفك زين، من يوم ما عطر وقعت من طولها وانا ملاحظه انك بتراقبها من بعيد ولما تكون قصادك بتتعمد تبعد نظر عنها زي مايكون بتحاول تداري حاجه .
صقر بتوتر: مفيش حاجه ياخاله، متهيلك، انا فكرى مشغول بولد عمي ابوي حسن.
دهب بجديه: ماشي ياولد خيتي ، هسيبني من عطر وسيرتها وهعمل نفسي مش واخده بالي.
صقر بجديه: حسن ولد عم ابوي؟.
دهب: ماله، اللي واكل ناسه؟.
صقر: انا امره محيرني ياخاله، وكنت عايز اتحدد معاكي عنه، من وقت ماابوي ماتت وهو في يوم وليله خد ورثي ولا سال فيا.
دهب بجديه: حسن يبان غلبان من بره، لكن من جوه حيه ، دايما كان يغير من ابوك وعايز يكون زيه واغني منه كمان، من وقت ماابوك الله يرحمه دخل السجن ،عمل نفسه صاحب الشغل وبقا يتحكم في كل حاجه واللى يعارضه يطرده ويعين علي مزاجه .
صقر بجديه: وابوي وافق انه يحل محله.
دهب بحزن: وابوك كان في يده ايه، كان ياعيني مسجون بين اربع حطان ولا داري باللي بيحصل، وحسن كان واكل دماغه وعامل البحر طحينه ومفهمه انه بيراعي مصالحه و واخد باله منا. ،و بصراحه انا مش هظلمه والحق يتقال، زوج اختي مكانش ليه قرايب غيره وكمان وقف جارنا كتير وعين محامي كبير عشان يدافع عن ابوك لكن كنت بحسه طمعان في المال واللي زاد وغطي طلب يدي وقال ايه عشان ياخد راحته والناس ماتقول حاجه لما تشوفه داخل خارج علينا في غياب ابوك.
صقر: ووافقتي تتجوزيه ياخاله؟.
دهب باعتراض: اوافق كيف ياولدي،وهو متجوز ومخلف وكمان قلبي مكانش ملكي.
صقربجديه: ملك ماهر؟.
دهب بحزن: بكفايه ياولدي تفتح في القديم وتقلب عليا المواجع.
صقر: غصب عني ياخاله،سامحيني .
دهب: مش هتقولي قلبك ملك مين ياولد خيتي؟.
صقر بتوتر: انا ماليش قلب ياخاله.
دهب بضحك: كيف عايش اياك ههههه، عيب علي سني وشبتي ياولد خيتي، عطر بنت طيبه ومعدنها اصليه، ولو هتاخدها بذنب ابوها، يبقي لازم تربط علي قلبك وتبعد عن طريقها، كفايه اذيتك ليها،واياك تفكر ان الحب بايدينا.
أنت تقرأ
جنتك ناري 🔥...
Ficción Generalباللهجه الصعيديه... فتبلع الفتاه ريقها بصعوبه وتستجمع شجاعتها وتقول: انا فين وانت مين وايه اللي جابني اهنا وتمسك الغطاء بقوه ومين قلعني خلجاتي انا... الرجل بسخرية: انتي اهنا عشان بصفي حساب قديم مع ابوكي، امابقا فين فانتي اهنا في فيلتي وعن قريب...
