في بيت المنشاوي.....
يجلس رفاعي علي الاريكه في منتصف الدار وعنيه علي باب الدار ينتظر اي خبر عن ابنته فاخواتها واولاد عمها يبحثون عنها طول الليل فهي مختفيه من وقت رجوعها من الكليه فسواق العربيه اللي كان بيجيبها ويوديها الكليه لاقوه ممرمي جنب العربيه و مغمي عليه لاقوه مخبوط علي دماغه ولما فاق قال ان كام عربيه قطعه عليه الطريق، ووقفوه بالغصب ولما وقف نزلوا ضربوا وخطفو عطر ومن وقتها ومفيش اي خبر عنها...
رفاعي المنشاوي:" كبير عيله المنشاوي في العقد الخامس، راجل صعيدي يمتاز بالشد والقوة ولكن يحب عطر ابنته الصغري جدا لانها جت له علي كبر وكمان شبه المرحومه والدته عشان كده سماها عطر علي اسمها ومن دون اخواتها البنات وافق تكمل علامها وتروح الكليه رغم تمسكه بالعوايد وكمان رفض يجوزها لولد عمها متحججا بصغر سنها وذلك لتكمل علامها وتصبح الدكتوره اللي بيفتخر بيها.
زينب بدموع: بنتي راحت ياامنه ياحرقت قلبي عليكي يابنت بطني ههههي ياتري عامله ايه دلوقتي يابنتي.
امنه بحزن اهدي يامه عشان صحتك ، اخوتي وولاد عمي بيدورا عليها من عشيه واكيد لاقوها.
قمر بمكر: حتي لو رجعت ياخيتي بنتك باتت بره البيت يعني جابت لينا العار،انا مش عارفه ايه لازمته تروح الجامعه انا بنتي اللي من دورها معاها عيل والتاني جاي في السكه وولدي كان هيستتها ويبني لها دار لحالها.
امنه: ياخاله الجواز قسمه ونصيب وولدك شاف حاله و اتجوز ومرته دلوقتي حبله، احنا دلوقتي في خيتي اللي انخطف من امبارح مانعرف عنها حاجه ويالعالم كيف حالها دلوقتي؟.
زينب المنشاوي " في العقد الرابع تزوج ولد عمها الرفاعي وانجبت منه ثلاث صبيان وثلاث بنات.
امنه رفاعي المنشاوي "البنت الوسطى للرفاعي تزوجت من ابن عمها ماهر من خمس سنين، ومازالت لم ترزق باطفال حتي الان.....
قمر المنشاوي:" بنت عم الرفاعي كانت تتمني ان تتزوج من الرفاعي وتصير مرات الكبير لكنه تزوج من خيتها زينب الصغيره وبعدها تقدم لها ماهر اخو الرفاعي فوافقت وتزوجته...
(في الصعيد من العوايد والتقاليد البنت تتجوز ولد عمها)
و انجبت منه ولدين وبنت.
ملخص الشخصيات....
زينب (ام عطر بطلتنا) وقمر اخوات
والرفاعي وماهر اخوات
امنه بنت الرفاعي متجوز من ابن عمها ماهر وقمر خالتها بتكون حماتها في نفس الوقت ودايما بتعيرها بالخلفه وبتضغط علي ولدها يتجوز تاني ولكنه يرفض لسبب ما....
نرجع تاني لرواينا.....
قمر بمكر: انا قلقانه علي عطر والله، لكن كلامي صح، البنت مسيرها لدار جوزها وعيالها مش اكده ياامنه.
أنت تقرأ
جنتك ناري 🔥...
General Fictionباللهجه الصعيديه... فتبلع الفتاه ريقها بصعوبه وتستجمع شجاعتها وتقول: انا فين وانت مين وايه اللي جابني اهنا وتمسك الغطاء بقوه ومين قلعني خلجاتي انا... الرجل بسخرية: انتي اهنا عشان بصفي حساب قديم مع ابوكي، امابقا فين فانتي اهنا في فيلتي وعن قريب...
