ادعوا لاخواتنا في فلسطين والسودان.....
لا حول ولاقوة الابالله العلي العظيم 🌺.....
ماهر بحزن:انت وابوك السبب في كل اللي حصل، خنت صاحبك ياخوي وسمعت كلام حسن خليته يكوش علي فلوس محمد ويكبر ويكبر معاه غروره وطمعه وانت شايف بيعمل ايه في البلد ومحدش قارد عليه، انت ياخوي اديت لفرعون مفتاح القرار.
الرفاعي بسرعه: وجه الوقت اللي اسحب كل حاجه من تحت يده وارجع الحق لاصحابه، ياخوي انا والله العظيم ندمت ورجعت لعقلي لما شفت صاحب عمري سايح في دمه وبين الحيا والموت، وهو طول عمره واقف جاري وعمري ماشفت منه حاجه عفشه، لكن اعمل ايه، حسن ربنا يخده، لاف علي ابوي الله يرحمه ولعب بيه وخلاه يسمع له ، وانا وقتها كنت في مفترق طرق، يااختار ابوي يااختار صاحب عمري.
ماهر بحزن: كنت اختار الحق ياخوي، وابوك قبل مايموت ندم كتير علي اللي عمله في محمد وطلب منك تدور علي ولده وتطلب منه السماح، لكن بعد فوات الاوان، انا مش عارف استفدتوا ايه من الطمع ولا تاجر الاثار، المال الحرام سود عيشتنا ياخوي، وقل البركه في رزقنا ودلوقتي عيالنا بيدفعوا الثمن، ابنك البكري دخل السجن بسبب الاثار وبنتك عطر ضاع مستقبلها بسبب الانتقام وربنا العالم صقر ممكن يعمل فيها ايه؟.
الرفاعي بحزن: بكفايه ياخوي، بلاش تقلب عليا المواجع، انا لما وعيت علي الدنيا لاقيت ابوي بشتغل في الاثار وكبرت علي كده وكان لازم اكمل غصب عني، شغلنا في ناس مهمه ولو وقفت كل حاجه، هنروح في داهيه والحمد الله انك خدت عيالك وبعدت عن سكه الاثار من بدري ، لكن الدور والباقي عليا وحلت نفسي وعيالي فيها ودفعت التمن غالي جوي ياخوي.
ماهر بحزن: كان لازم تختار الصح ياخوي وانا دايما كنت بنصحك وبحاول اخليك تسيبك من الحرام وتتشتغل في الزراعه ، رزقها حلال وبيعمر البيت.
الرفاعي بحزن: فات الاوان ياولد ابوي فات الاوان.
ماهر بحزن: انا مش هلومك ياخوي،لو كنت رفضت زمان تطيع ابوي ، كان ممكن يطردك و يغصب عليا اكمل الطريق بدل منك ووقتها هكون مكانك واللي بيحصل معاك، هيحصل معايا.. انت شلت هم كبير من عليا، بكفايه بعدتني عن كل حاجه وحماتني من ابوي وكنت ليا نعم الاخ والسند.
الرفاعي بجديه: مش وقته ياخوي، المهم عرفت توصل للصقر، لازم ياخوي توصل له قبل حسن وعطر لازم ترجع بالسلامة لحضني، صقر وحسن لو اتواجهوا بنتي هتروح في الرجلين.
ماهر بجديه: ماتقلق ياخوي انا و رجالتي بندور عليه وانشاء الله اقدر اوصل لاي خط يوصلنا لصقر و اللي قدرت اوصل له مكان سكنه في القاهره وعرفت انه بقا مهندس قد الدنيا وبيلعب بالفلوس لعب وعنده شركه هندسه كبيره لكن بقي له اكتر من شهر مختفي والشغل بيديره بالتلفون وبيته في القاهره مقفول والخدم واخدين اجازه.
أنت تقرأ
جنتك ناري 🔥...
Ficción Generalباللهجه الصعيديه... فتبلع الفتاه ريقها بصعوبه وتستجمع شجاعتها وتقول: انا فين وانت مين وايه اللي جابني اهنا وتمسك الغطاء بقوه ومين قلعني خلجاتي انا... الرجل بسخرية: انتي اهنا عشان بصفي حساب قديم مع ابوكي، امابقا فين فانتي اهنا في فيلتي وعن قريب...
