ادعوا لاخواتنا في فلسطين والسودان......
لا حول ولاقوة الابالله العلي العظيم 🌺....
تترك دهب عطر ترتاح في الفراش وتذهب لغرفة صقر فقد كان جالسا في الظلام و بعد طرق دهب علي الباب عده مرات وسمعت منه الاستجابه تفتح الباب وتدخل وتفتح النور.
دهب: وااه ايه اللي مقعدك في الظلام ياصقر.
صقر بسرعه: قفلي ياخاله، عايز اقعد في الظلام.
دهب بمكر: مالك ياولد خيتي،اكيد قلقان علي عطر،انت ماشفت لونك قلب الوان لما عطر وقعت من طولها كيف،ولا لهفتك عليها.
صقر بتوتر: ولا جاب الوان ولا حاجه.
دهب بابتسامة: عمرك ماهتعرف تخبي عليا حاجه ياولد خيتي، انا صحيح ماخلفتك لكن ربيتك،واللي ربي خير ماشتري وعطر بنت زينه وطيبه وصدقني مش هتلاقي احسن منها تصونك و..
صقر ببرود: عايزاني اتقبل بنت الرفاعي واتتم جوازي عليها وااه وبالمرة اسامح ابوها، واعيش معاها واجيب صبيان وبنات مش اكده ياخاله، الحياه مش وردي زي مانتي فاهم والا كان زمانك دلوقتي متجوزه اللي بتحبيه ومخلف منه.
دهب بحزن: الحياه مش عادله ياولدي ونصيبي كان اكده والحمد الله راضيه ولكن كيف عايز بنت تانيه تعيش اللي خالتك عاشته، اتجوزت في عمر الزهور وعمري مادقت الحب، روحت في سكه الانتقام غصب عني، وخسر كل حاجه.
صقر: عشان اكده ياخاله، شايفه بنت الرفاعي فيكي، مش اكده، واخيرا فهمتي سبب جوازي منها،عشان اكسر الرفاعي واخليه يندم علي عمله معاكي،كفايه خلاكي اكده تعيشي كيف البيت الواقف لا طايله سما ولا طايله ارض.
دهب بحزن: لا ياولدي انا راضيه والله العظيم راضيه بقضاء الله، وانا ماطلبت منك تنتقم ليا ولو اتجوزت عطر عشان تنتقم من اللي حصل ليا، فلا انا اللي هقفلك ياصقر البنيه غلبانه ومكسوره واتجوزتها بالغصب لكن انا زمان بإراتدتي اختارت اتجوز ماهر وكان بينا حب وربنا شاهد عمري ماشفت منه حاجه عفشه ولولا اخوه وابوه كان زماني دلوقتي عايشه معاه وفي داره ومخلفه منه.
صقر ببرود: انتي فاكراني غبي اياك، لما اشوفك كل ليله قاعده لحالك عما تبكي وتفتكري جوزك ولا عمرك اللي ضاع قصاد عيني وانا بشوفك قاعده لحالك سرحانه واقول لنفسي ذنبك ايه؟.
دهب بحزن: ذنبي اني حبيت ماهر ووافقته علي اللي عاوزه عشان ضعفت، فجاءه لاقيت نفسي بهرب بيك وخيتي مريضه ومفيش راجل معانا يساعدنا، وافقته عشان كنت محتاجه سند لينا، ياخد باله علينا ويقف جارنا في محنتا.
صقر ببرود: سابك وهملك لحالك، لا كان ظهرك ولا سندك، بتدافعي عنه ياخاله، كان فين لما امي ماتت وكنتي عايشه لحالك مع طفل والاسم متزوجه وهو گل يوم في حضن واحده تانيه، وبكفايه يبعتلك شهريه تعيشي منها، ليه ما جه وخدك تعيشي معاه.
أنت تقرأ
جنتك ناري 🔥...
Ficción Generalباللهجه الصعيديه... فتبلع الفتاه ريقها بصعوبه وتستجمع شجاعتها وتقول: انا فين وانت مين وايه اللي جابني اهنا وتمسك الغطاء بقوه ومين قلعني خلجاتي انا... الرجل بسخرية: انتي اهنا عشان بصفي حساب قديم مع ابوكي، امابقا فين فانتي اهنا في فيلتي وعن قريب...
