جنتك ناري 🔥...

البارت 3🔥...

ادعوا لاخواتنا في فلسطين والسودان...

امنه بحزن: كلي لقمه يامه من امباح ماكلتي حاجه واصل واكده هتقعي من طولك.

زينب بحزن: اكل كيف وبنتي مخطوفه وياعالم كلت ولا لا، مش هقدر انزل لقمه في جوفي الا لما اطمن علي بنت بطني.

صفاء بحب: عشان خاطري يامه كلي اللقمه دي من يدي، عشان خاطر عطر كلي ان شاء الله لقمه واحده عشان تاخدي الدواء.

زينب وهي تاخد لقمه الغاموس من يد ابنتها صفاء وبحزن تقول : انا هاكل اللقمه دي وبس عشان خاطر خيتكم عطر وبكفايه، شيلي الصنيه من اهنا ياامنه...صفاء هاتي الدواء وكوبايه مايه.

صفاء وامنه في نفس واحد : حاضر يامه....

تشيل امنه صنيه الوكل من علي السرير وتنزل لتضعها في المطبخ.

وتقوم صفاء تصب المياه من الدورق في الكوبايه الموضوع علي الكمدينو بجانب الفراش وتناول والدتها الدواء والمياه

صفاء بحب: بالشفاء يامه، انا هنزل اعملك كوبايه لمون تروق دمك....

زينب بتعب: لا سبيني ارتاح.

صفاء بطاعه: حاضر يامه، وتنزل للاسفل...

صفاء المنشاوي" البنت الكبري لرفاعي، متجوزه ابن عمها ماهر ومخلفه ولدين "

في المطبخ.....

صفاء لامنه: انا استاذنت من جوزي ابيت الليله مع امي عشان الظروف.

امنه بسرعه: وعيالك ياخيتي لا انا هبيت معاها روحي اطمني علي ولادك والصبح ابقي تعالي.

صفاء: انا سايبه العيال مع جدتهم قمر وهي هتاخد بالها منهم.

امنه: واااه في حد عاقل يسيب عياله معاها.

صفاء: انتي لسه شايله منها ياخيتي.

امنه بحزن: وانا انسي ياصفاء اللي حصل منها، انا وجوزي كنا واقفين علي الطلاق بسببها لولا ابوي وقف معايا كان زماني انطلقت، ولا انسي تلقحها في الراحه والجاي علي الخلفه ولا انسي انها قالتلي في وشي ارض بور.

صفاء بحزن: ان شاء الله ربنا هيرزقك، وبعدين مش الدكتوره اللي روحتي عندها قالت مفكيش حاجه وتقدري تحبلي.

امنه بحزن: وخالتي قمر كانت معايا وسمعت بودانه كلام الدكتوره لكن اللي في راسها اني ارض بور وعايزه جوزي يتجوز عليا.

صفاء بحب: سيب منها ولد عمي مستحيل يطلقك هو بيحبك وكمان ابوي ماهيسمح بده واصل.

امنه بحزن: مستحيل يطلقني لكن ممكن يتجوز عليا.

صفاء بحب: ليه تقدري البلاء قبل وقوعه ويمكن امر الله ينفذ وتحبلي.

امنه بلهفه: من بوقك لباب السماء...