ادعوا لاخواتنا في فلسطين والسودان....
لا حول ولاقوة الابالله العلي العظيم 🌺......
يسحب حسن الزناد في لحظه ويطلق النار علي محمد فتصيب الرصاصه دماغه فيركض الرفاعي باتجاه حسن وبقوه يسحب المسدس من يده ويلقيه علي الارض و يمسكه من لياقه الجلبيه بقوه وبغضب انت عملت ايه ياواكل ناسك، احنا ماتفاقنا علي اكده،تطخه بالرصاص ليه ياحسن عملت اكده.
حسن بصوت عالي: بعد يدك عني يارفاعي، انا اتفقت مع ابوك استولي علي املاك ولد عمي وبالمقابل اعطيكوا الارض اللي في الناحية القبليه كلها لكوا من غير ولا مليم ، واللي عملته دلوقتي كان الحل الوحيد ،عشان احط يدي علي كل حاجه وبعدين عربيه الترحيلات اتفجرت وكل اللي فيها اتفحموا ومحمد في نظر الكل ميت ومفيش حد هيروح يدور علي واحد ميت، و ما كان قدامي غير حل واحد اخلص عليه وازور عقد التنازل، و كل حاجه هتكون ليا،وخصوصا بعد ما فشلت تمسك ولده وبعد ما صقر اختفي مفيش حد هيدور ورايا ولا هيسالني العقد مزور ولا لا، فاهم شغل عقلك يارفاعي، محمد مات واللي عايزينه اتحقق ، دور علي تربه في اي مكان متداري وادفنه وبعد اسبوع هكون رتبت حالي والارض هتكون باسم ابوك سالم المنشاوي واكده انا عداني العيب .
رفاعي بغضب: انت ايه مش بني ادم الفلوس عميتك ود عمك مات وانت بدم بارد هتهمله ميت و تروح تدور علي الفلوس، علي الاقل ندفنه في ترب عيله الجبالي وسط ناسه واهله.
حسن بسخرية: وبالمره نعمل عزاء ونجيب مقريء ونوزع قرص علي الاربعين، انت اتجننت يارفاعي، ود عمي مات مقتول لو حد شافني وانا بدفنه، الحكايه هتنكشف و هيكون فيها سين وجيم واخرها كلابوش واكيد مش هروح في داهيه لوحدي لا، هجرك وهجر ابوك معايا فاهم، خلي واحد من رجالتك يدور علي حته متداريه في الجبل وادفنه وقابلني بعد اسبوع تاخد عقد الملكيه الارض وكل واحد يروح لحاله وننسي كل اللي حصل وكل حاجه هتندفن معاه ... ويرحل تاركا الرفاعي في متاهه وبسرعه يتمالك الموقف ويلتفت لرجالته ويقول فكوو الحبال وشلوه علي العربيه لازم ندفنه في الظلمه قبل الشمس ماتطلع.
ينفذ رجاله الرفاعي الامر فيفكوا الحبال فيخر محمد علي الارض جثه غارقه في دمه وعندما يقترب احد رجاله الرفاعي ليحمله من كتفه يلاحظ شيء غريب...........
رجل 1:الحق يابيه، محمد بيه لسه حي.
رجل 2:جمال عنده حق، لسه فيه النفس يابيه.
وبسرعه يذهب الرفاعي وينزل لمستوي محمد الملقي علي الارض ويمرر يديه بجانب انفه فيتاكد، انه يتنفس ومازال علي قيد الحياة وبسرعه يلتفت لرجالته ويقول بصوت عالي: شيلوه بسرعه علي الوحده الصحيه لازم نعالجه واياك اي حد غيركوا يعرف باللي حصل محمد الجبالي مات، حتي ابوي مش لازم يشم خبر فاهمين.
أنت تقرأ
جنتك ناري 🔥...
Fiksi Umumمنتهيه .... باللهجه الصعيديه... فتبلع الفتاه ريقها بصعوبه وتستجمع شجاعتها وتقول: انا فين وانت مين وايه اللي جابني اهنا وتمسك الغطاء بقوه ومين قلعني خلجاتي انا... الرجل بسخرية: انتي اهنا عشان بصفي حساب قديم مع ابوكي، امابقا فين فانتي اهنا في في...
