طلع ناصر وهو يصرخ في السيب :لا مو اخوي مو اخوي أنا أنا ذبحته
طلعو الكل من غرفه التسجيلات
ناصر:أنا ي حضرة الضابط مو اخوي الي ذبحه أنا ذبحته خذوني وخلو اخوي
رعد وهو يرفع ناصر الي انهار على الارض:لاتشيل هم ان شاءالله الامور طيبه وانت مالك ذنب تجلس هنا بدون جرم
ناصر حضن رعد وانصدم الكل لأنهم يعرفون ان رعد مايحب اللحضات العاطفيه ذي اخذ سعود ناصر وراح يكمل إجراءات خروجه
اتجهت ساره ونجد لمكتبهم وجلست نجد ترتب فازاتها وهي هنا حست براحهه انها شبه استقرت
ساره:ودك نروح لجدي
نجد:قصدك صقر
ساره بخجل:لا مو قصدي بس عشان مشتاقه اطلع اشوف اجواء الرياض واشتقت للحاره وملاذي بالله ماوحشتك
نجد:اخخخ والله مره اشتقت لها ولعلومها الي ماتخلص
ساره:والله يبي لنا سهره كذا وطرب وحش
نجد وهي تلم اغراضها تستعد للخرجه:لازم لازم
ساره:بقي ساعه ممكن تتوسطين لنا عند ضابط رعد نطلع
نجد:دزيها مابي اشوف وجهه مليت طول اليوم وجهي بوجهه
ساره بخبث:هاء خفق قلبك
نجد بحده:سوير عن الخبث وبعدين ماشفتي إلا هذا المغرور المعقد
ساره صارت تطقطق وهي تغني :
مو بس أحبك أنا تتنفسك دنياي
واتخيل اني وصلت المرحله في الروح
خجلان من طيفك الي متعبه وياي
من زود منتا على بالي تجي وتروح
وصارت تتراقص ساره في المكتب ونزلت معها نجد تتمايل بغنج وهي ترمي الطرحه والنقاب وصارو ماسكين يد بعض ويرقصون بخفه وداخلين جو ب الاغنيه وقفت ساره وهي تتصور مع نجد وجلسو يطالعون الصوره ويوم تمعنو في الصوره انصدمو من الشخص الثالث الي خلفهم وواضح معصب
لفت ّنجد بخوف وهي كان وجهها مكشوف وتوسعت عيونها من شافت رعد واقف بغضب وبسرعه صدت تلبس طرحتها ورعد من اللخمه صد وهو طالع وقال: على مكتبي ي نجد سريع
نجد تربط نقابها بسرعه وتمشي وراه بس دخلت المكتب كان واقف ولف بغضب يمشي ناحيتها:لا والله قالبين المكتب ساحه رقص وغناء
نجد بخوف وتلعثم:اءء لاءء
مسك كتوفها بقوه رعد بقوه وهو يهزها:والله لو يتكرر هذا الشي ان تندمين تفهمين
نجد بخوف وهي متعوره منه:ط ط طيب
رعد هدى شوي لانها ماجادلته وهو ينزل يدينه ويبعد شوي ومسكت نجد مكان مسكة يدينه وحس انها تعورت شد على قبضه يده بغى يعتذر بس نجد كانت اسرع وهي تطلع برا المكتب
انقهر رعد من نفسه مره وهو يجلس ويمسك راسه يشده وهو قلقان عليها انه عورها ومايدري ليه مهتم لأمرها
رجعت نجد لساره وهي شبه متعوره
ساره:كسر يكسر يده
نجد:تفكرين نجد تسكت عليه
ساره بخبث:كفو تربيتي وش ناويه تسوين
نجد توقف:والله لربيه مايمد يده مره ثانيه
ساره بحمااس:جوييي القويي
بعد ساعه
طلعو الكل من المبنى ضل مكتب رعد الي منور وهي كانت عارفه انه طالع متاخر اليوم
اتجهت لساره :اطلعي وخذي السياره وروحي ورى المبنى وانا بلحقك
ساره:وش ناويه
نجد:تعالي معي
اتجهت نجد لسيارة رعد وهي تسحب الهواء من كل الكفر
ساره بضحكك:خليه ينام هنا اليوم
نجد بضحكه:خليه يستاهل
ساره بروح اجيب السياره
نجد :زين
وقفت نجد وهي تصور السياره وهي تكتب في ورقه :درس بسيط عشان ماتمد يدك ي متكبر
وهربت للسياره مع ساره تركب متجهين لحارتهم والشوق الف لهم
عند رعد الي طلع من المكتب وهو يوصل للسياره وانصدم لمن شاف الكفر كله فاضي من الهواء
وشاف الورقه الي على المساحات وقراء الي فيها وهو يضرب بيده بقهره في كبوت السياره :هين هذا الي تبين ي نجد ابشري انتي الي جنيتي على نفسك
رفع جواله :الو
راكان:هلا
رعد:تعال لي سيارتي منسم الكفر
راكان:طيب نص ساعه
عند البنآت إلى وقفو السياره بعيد عن البيت ومن الخلف وقالت ساره:بتسلل قدامك
نجد:طيب بلم الاغراض وألحقك
اتجهت ساره وهي تدخل بخلسه وشافت الي جالس قبال النار ولابسه فروه عرفته جدها كان معطيها ظهره وتقدمت ساره بخطوات خفيفه وهي تطب عليه وتحضنه بقوهههههه من ورى وتشد عليه وتبوس خده وتبوس شنبه وذقنه وجبهته وآخر بوسه كانت قوييييه وقريبه مبسمه
صقر الي من خرشته وخوفه ماقدر يطلع اي ردت فعل وهو حس جسمه تكهرب منها ومن شفايفها الي كانت تلامس وجهه وحس برجفه بقلبه ووقف بسرعه ولف عليها
وانصدمت ساره من الي شافته قدامها ورجعت بخوف على ورى
وصقر الي تعقدت حواجبه وهو يشوف الفاتنه الي كانت قدامه وهي جميله جمال يفتن الي يناظرها وهي كانت ترجف وقلبها يخبط بقوه طرحتها الي طاحت على كتوفها وطلع شعرها البندقي الي كانت الصبغه محليتها مره وانبهر صقر زياده فيها
وقاطع نظرهم نجد:ي الي ماتستحون تتغزلون بعيونكم تاركيني احوس بالأغراض لحالي
فز صقر وهو يتجهه لنجد يحضنها بقوه وهو مو حاس بنفسه وضحكت نجد بقوهه:يحبيبي وش فيك مشاعرك جياشه
تذكر صقر بوسات ساره وشد نجد زياده
نجد:اوببب اوبب كسرت أضلاعي
بعد عنها صقر:اسف والله لكم فقده ابطيتم هالمره
نجد بغمزه:لكم هاءءء؟؟
ساره رفعت شيلتها على راسها وتلثمت وطلع راشد ومشاعل وانصدمو من شافو البنات وفزو البنات يحضنونهم ويبوسنهم والفرحه غامره الكل
راشد:متى جيتو
ساره :يوه ي جدي احنا خلاص استقرينا هنا
صقر :كيف يعني
نجد:خلاص جاء نقلنا هنا في الرياض نصير نداوم من هنا
مشاعل :ي حبايبي انتو الف مبروك
لمتهم مشاعل سوى وراشد دخل معهم في الحضن وسحبت مشاعل صقر وصارو حاضنين بعض كلهم ورأس ساره على صدر صقر الي حس بكتمه ورجفه وبسرعه سحب نفسه
راشد:ذي يبي لها ذبيحه
ساره:شوي اهم شي الشوي
صقر:ابشرو بالشوييبيت الجد مقبل
مقبل:يعيالل أنا وجدتكم قررنا نرجع حارتنا الي هجرناها
نجود:اي والله اني اشتقت لجارتي
نور:فين ذي ؟؟وليه ماقد قلتو عنها
نجود:صارت قصه وطلعنا منها والحين نبي نرجع لها
رعد وراكان دخلو
ابو رعد:وين كنتو ابطيتو
راكان:رعد نسم كفره وجبته
مقبل:قومو ولمو الاغراض نبي نمشي الليله لبيتنا الي في الحاره
رعد باستغراب:ايش العلم بيتنا هنا كويس
مقبلل:أنا ودي ارجع لديرتي وموطني ماابغا جو المدينه
رجوى:ي جدي والله المدينه احلى وكل شي متوفر فيها وش يودينا هناك
مقبل وقف بحده:أنا قلت الي عندي والحين لمو الاغراض الاساسيه ومابي يجي العشاء إلا وحنا هناك
فز الكل يلمون الي يطلع قدامهم وكان الوقت العصر
واتجهو للحاره ووراهم سيارات شايله اغراضهم اول مادخلو مدخل الحاره كانت مره بسيطه ودكاكينهم شعبيه ومافيه إلا بقاله او بقالتين
نور بحماسس:الله احس فعلا بننبسط فيها
رعد:جوها حلو بس سكن احس مافي خدمات
مقبلل:مافي مشكله لا احتجنا شي طلعنا المدينه هي مو بعيده علينا وكمان الحاره اقرب لدوامك ي رعد والا؟؟
رعد:اي ي جدي اقرب واجد
ام رعد:الله يجعل قدمنا خير
رجوى:والله ماحبيتها احس مره بدائيه
مقبل:وش وش؟
أسماء:قصدها انها مو متطوره
نجود:عقلي بنتك ي ام راكان لا امحطها بالعصا
رجوى تأففت وهي تسند ظهرها وتناظر في البيوت والسكك والناس الي يقفلون دكاكينهم متجهين لبيوتهم
![](https://img.wattpad.com/cover/370661162-288-k46992.jpg)
أنت تقرأ
مصيبة ياحلوها من مصيبه
Adventureطبيبة نفسيه تخوض العديد من الأحداث لحل الغاز اهم القضايا الاجراميه داخل غرفة التحقيق بمساعدة المحقق المسؤول عنها فتقف أمام لغز حبها فهل ستستطيع حله♥️؟؟