مصيبة ياحلوها من مصيبه

٩

أنصدم رعد من الي جات ووقفت قدامه بغضب وعرفها من عيونها
نجد بغضب:وش ذا

نرجع شوي قبل خمس دقايق لبست نجد وطلعت من الحوش رايحه دوامها وقفت وتوسعت عيونها بصدمه من شافت كل كفر السياره مسحوب الهواء وفي ورقه على المرآيه مكتوب فيها:وحده بوحده وفيس مبتسم
نرجع لهم
رعد:وش ذا
نجد بعصبيه:أنا اسألك مو انت
رعد بعدم مبالاه:مااعرف ويالله مابي اتأخر على دوامي ،وبعض الناس ياليت مايتاخرون لان هالمره بعاقب ماراح اعديها لها
لف ماشي يركب سيارته ويحط نظاراته على عيونه وعلى وجهه ابتسامه عريضه وهو يشوف نجد مفقوع قلبها منه
أنصدم لمن فتح الباب وركبت نجد بجنبه
رعد بصدمهه:سلامات مضيعه شي ؟
نجد:امس من فم ساكت
رعد بضحكه:هدي لايطق لك عرق
نجد بعصبيه تلف له:ناوي ترسيها بر والا من ناوي؟
رعد تنرفز منها وهو يلف ويسحب معصم يدها يقرب وجهها من وجهه:والله أسلوبك المعفن ذا لو مايتعدل لعدله لك تفهمين
نجد :اترك يدي وجع
رعد ترك يدها بعصبيه ولف يكمل سواقه للدوام وبين فتره وفتره يسترق النظر لها وهي صاده تناظر الطريق وجالسه تمسح يدها الي تعورت من مسكته
قطع شرود نجد جوال رعد
:هلا سعود
سعود:رعد انت فين
رعد:بالطريق وش صاير
سعود:برسل لك موقع في بلاغ جانا انه في جريمه قتل ويقول المبلغ انها انتحار
رعد :طيب انزل نجد المكتب واجي
نجد :بروح معك
رعد ناظرها بحده :باي سعود
قفل من سعود:نعم وش تبين ؟
نجد:بروح معك ترا أنا من الفريق مو كرسي هامش
رعد بضحكه خفيفه على اسلوبها:لا ماراح تجين خالصين من الموضوع
نجد:بس أنا...قاطعها:من المسؤول؟
نجد تأففت وهي تتكتف
رعد:اي شطوره اسمعي الكلام
وقف عند الدوام ونزلت نجد وعلى طول دقت على سعود وطلبت الموقع بدون يدري رعد وركبت الدوريه مع شرطي واتجهو للموقع
وصل رعد للموقع وكانت الجهات مباشره الحادثه
رعد:وش طلع معكم
سعود:كان بجيبه حبوب مخدره كميه كبيره ولمن مسحنا المنطقه كان في اثار اقدام كثيره
رعد ينزل نظارته الشمسيه :وش طلع معك
سعود:اتوقع الرجال مو منتحر مهدد واحد دفعه من فوق
رعد:الطب الشرعي وصل
سعود لف :هذا هو تو وصل
لف رعد وناظر وانصدم من الدوريه الي وقفت بجنب سياره الطب الشرعي وبس شاف الكعب عرفها
رعد بصراخ:وش قلت أنا ليش ماتسمعين الكلام
نجد ماردت واتجهت لموقع الجريمه وهي تناظر وكانت دقيقه ملاحضه جداً
رعد بغضب اتجهه لها:انتي ماتفهمين وش اقول بأيي لغه أتكلم معك وتفهمين
سعود تقدم لرعد:رعد هد شوشت على الفريق
رعد بصراخ وغضب:من المصيبه الي جايبينها لي
نجد وهي تميل راسها:خلصت ؟؟
رعد وهو واصل اعلى مراحل الغضب منها بس سعود مسك كتفه:اهدى بعدين تحاسبو مو هنا
رعد بتهديد:صدقيني ماراح تعدي على خير حسابك بعدين
نجد لفت وهي تتفحص المنطقه وتشوف اثار الجريمه وتطالع يمين ويسار وانصدمت من شافت قناص واقف بأحد العمارات القريبه
لفت نجد وهي تشوفه يوجهه السلاح لرعد
نجد بصراخخ:رعددددددد انتبههههههه
رعد لف بخوف لصراخها وشافها تركض وانتبه للقناص وبسرعه تخبى ونجد جلست على الارض تمسك أذونها من صوت الرصاصه
رعد بخوف سحب مسدسه وكل العسكر سحب مسدساتهم
رعدد:نجدد خليك مكانك لاتجين
نجد بصراخخ:رعد بجيكك تكفى
رعد:سعود غط ظهري انت والشباب
سعود:لا وين تروح القناص لسا موجود
رعد بصراخ:واخلي نجددد؟؟معصيي غط علي
سعود استسلم وصار يرمون على القناص وشتتوه برصاصهم وبسرعه فز رعد لنجد وهو يسحبها ويتخبون ورى شجره والطلق عالي وصوت الرصاص معبي الجو ونجد ماسكة أذونها
رعد:خلاص انتي معاي لاتخافين
نجد ببكي:انت بخير صار لك شي ؟؟
نجد صارت تتفحص رعد بخوف وتلمس وجهه وكتوفه وهو مفهيي بخوفها ودموعها الي ملت عيونها ورجفة يدها
رعد يمسك يدينها يطمنها:أنا بخير شوفيني قدامك مافيني شي
نجد والدموع بعيونها :خفت يكون صابك كانت الرصاصه بتجي بصدرك
رعد يطمنها وهو يحاوط ضهرها يقرّبها لحضنه :اهدي هذا أنا بخير لاتخافين
نجد وهي متوتره وترجف في حضنه وصار يشدها رعد له حتى اختفت داخل صدره وهو يشدها اكثر وأكثر وهو يطالع والسلاح بيده
بعد دقايق معدوده هدت نجد وهي تحس براحه كبيره بحضن رعد ماتدري ليه ماكان خاطرها تبعد رعد شاف انفاسها انتظمت وطلعها من حضنه وهو يمسك خدها من فوق النقاب:هاء هديتي
نجد استحت وهي تبعد شوي:احممم اي
رعد:تعرفين تستخدمين السلاح
نجد:مو مره لان هذي اول مره أتعرض لموقف كذا
رعد مسك يدها وهو يحطها ورى ظهره:خليك وراي طيب يمكن القناص لسا موجود
نجد شهقت وهي تفلت يده وهي تتقدمه:لا انت وراي
رعد انصدم منها:وين الي قبل شوي خايفه وترجف بحضني
نجد خجلت مره ونزلت راسها وضحك رعد وهو يسحبها ويحطها ورى ظهره:انتي بوجهي ووصاة جدك والا نسيتي
نجد :لا والله أنا مستحيلل اسمح يجيك شي بسببي وبعدين أنا أتقدمك وتعرفني مابسوي إلا إلي أنا أبيه
رعد:ودي افهم ليش انتي عبيطه
نجد :قول الي تبي بس بالاول أنا بمشي
رعد بحده:انتي فاهمه ان ذا سلاح موت ليهه بايعه روحك
نجد بحزن:ماعندي شي اخسره
رعد التمس الحزن في كلامها:اوكي بس أنا مستحيل أخليك تغطني إذا انتي ماتهمك روحك أنا تهمنييي
رفعت نجد عيونها المليانه دموع وناظرت عيونه
رعد بتلعثم:اقصد تهمني لأنك من فريقي
نجد:طيب بجنبك
رعد حاوط كتفها وهو يمشيها بجنبه وهو يراقب المكان ونجد تحس بضربات قلبها تعلى وانفاسها تزداد وتحس بشعور غريب وهي تتأمل وجهه وملامحه من قرب وتطليعاته وهو خايف عليها وتناظر يده المحاوطه كتفها وجالس يشدها له اكثر وأكثر
قابلو سعود:هرب مامسكناه
طالع سعود بوضعيتهم وحسو على نفسهم وهم يبعدون عن بعض
رعد:معناه الجريمه قتل اجمع كل الادله والشهود وجيبهم المكتب والجثه سلموها الطب الشرعي ابي التقرير على مكتبي بأسرع وقت
سعود:ابشر
لف رعد لنجد:قدامي المكتب
نجد:ماشيه بدون تأمر
رعد بأمر:قدامي
مشت نجد قدامه بغرور وهو يمشي وراها ويحط نظاراته على عيونه ومبتسم من شكلها وهي تمشي قدامه
في المكتب
وصلو الشهود ودخلو غرفه التحقيق
رعد يمشي ووراه نجد وهي شايله جوالها ويتجهون لغرفه التحقيق ويجلسون
الشاهد الاول :أنا ماادري كنا نحطب فجاءه سمع خويي الصراخ وجيت لقيت ذا ميت
الشاهد٢:أنا كنت امشي كمان وفجأة لقيت ذا قدامي ميت
رعد:يعني انتو ماشفتو الي كانو معهم
الشاهد ١:هاء لا
الشاهد٢:لا
رعد وهو عارف انهم مخبين شي رجع ظهره على ورى وناظر نجد وابتسم
نجد تنحنح:هز الرجل دلاله على التوتر التلعثم بالكلام في شي مخبينه كلامكم متناقض نظراتكم الي ماتحطونها بعين المحقق تقول ان انتو تكذبون
الشاهد ١:لا قلنا الي عندنا
نجد بحده:عينك بعيني
استمر النظر بينهم دقايق وولعت نار بقلب رعد الي حس ان قلبه يدق بسرعه وهو يشوف الرجال يتأمل عيون نجد وشد قبضة يده بقوه وبغى يقطعهم بس الشاهد من التوتر صرخ:بقول بقول الي شفته
رعد بغضب:قول قبل اطلع روحك
استغربت نجد غضبه بس قاطعها شرودها الشاهد وهو يقول :كانو حوالينه رجال كثير وكأنو يعطونه حبوب يبيعها بس هو عيا لانه خاف وقالو له انو خلاص بس لايعلم عن اشكالهم ووافق وصد بيمشي بس دفعه احد الرجال وطاح
رعد بغضب يضرب الطاوله:ليهه تكذب من البدايه طيب
الشاهد ١:خفت والله خفت ذول مايرحمون شفت ايش سوو فيكم وأنتم مسلحين
رعد:يخسون والله لجيبهم مثل الكلاب هنا
الشاهد٢:تكفون امنو لنا حمايه ان عرف ان حنا قلنا رحنا فيها
نجد:شفتو اشكالهم
الشاهد١ :اي شفت واحد منهم
رعد:جيبو الرسام بسرعه
وو...