مصيبة ياحلوها من مصيبه

٨٦

صباح يوم جديد في بيت مقبل
صحى الكل مثل العاده اتجهو العيال للمسجد والبنات في المطبخ يصلحون الفطور وهم يسولفون لملاذ ورجوى ايش صار معهم في البارحه ويطقطقون على ساره الي ثقلت وكبر بطنها
رجوى:طيب كيف لقيتو شي عرفتو شي؟
نور:لا بسبب اصابه نجد انسحبنا
ملاذ:باذن الله نلقاها
دخلت منى وهي مغطيه كتفها بوشاح عن البرد وقالت:ماجات اسماء؟
فزو كل البنات لها واولهم رجوى الي حاوطت كتوف امها وهي تبكي
نجد بحنيه:بآذن الله هانت ي خاله قريب نلقاها
منى بدموع:بنتي ماتت خلاص
الكل توسعت عيونه بصدمه
ساره:اذكري الله ي خاله لاتفاولين عليها
منى:اجل ليه للحين مختفيه ليه للحين ماحاولت تتواصل معنا تعطينا اي إشاره انها في الدنيا لسا
رجوى بدموع تسند راسها على كتف امها:يمه تكفين لاتقولين كذا
تنهدت منى بدموع وهي حزنت بكل البنات الي نزلت دمعتها والي شكت بكلام منى يمكن يكون صح اسماء ماتت واعتفس صباحهم
نص ساعه واجتمع الكل على سفره الفطور وهم يأكلون بس من زمان ما افطرو وهم مبسوطين حتى سوالفهم ومزوحهم ماعد تنذكر كثير
فز رعد ووراه سعود الي صار ينام بالمجلس عشان يكون قريب من نور ويطمن عليها وفزو البنات معهم وهم يركبون السياره جاء صقر وهو يوقف عند باب السياره ويتكلم مع رعد بالي سمعه من مشعل ومحسن
البنات بصدمهه:كيففف؟؟
رعد:والحين تو تحكي؟؟
صقر:اقلك فهد مختفي حتى اهله مايعرفون عنه وبعدين هم مو متأكدين اذا اسماء معه او لا؟
رعد :طيب تكتم علي العلم اهلي لايعرفون
صقر:ابشر
لف صقر لساره:انتبهي لنفسك
ساره:من عيوني
شغل رعد السياره واتجهو للمركز وهم ينزلون ويتجهون مكتب رعد وجلسو وتجمعو اغلب الي بالمركز ووممكن يفيدونهم
رعد:طالما انه مختفي اكيد هو ورى العلم
ساره:اكيد بس كيف نجيبه الحين؟
سعود:لازم يكون معه جوال ونتبعه او نتبع سيارته لازم ننزل صوره بكل مكان انه مطلوب وكمان لازم نستفسر من ابوه سبب سفره المفاجئ ومتى سافر ؟
رعد:الحين لازم نبدأ
بدى رعد يقسم المهمه على الكل وكل كم فريق مسكو شغله
لف رعد لنجد الي تهوجس وقال:الطبيبه وش وصلت له
لفت نجد وهي تشوف الكل يناظرها وقالت وهي توقف في النص:ان كان الي في راسي صح ترا فهد ماخطف اسماء بقصد خبيث
تعقدت الكل حواجبهم وهم مو فاهمين وقف رعد واتجه لنجد :كيف يعني
نجد:حسب الكلام الي قاله صقر ان اخوان فهد يبون اسماء وفهد سبق خطفها وهم يدورون عليها فمعناه شي واحد بس
الكل وقف يناظر نجد الي تناظرهم ومسك رعد كتفها:وش
نجد:فهد جالس يحميها!!
الكل جلس يراجع بدماغه كلامها وهو فعلاً حسو في شي غلط بالموضوع ورعد الي جلس يقلب المعلومات بدماغه وقال لنجد:بس يبقى خاطفها وهذا الشي ماراح يغفر له
نجد:بس ...قاطعها:اقطعي الهرج
نجد لفت على الكل :ممكن تخلونا بلحالنا
طلعو الكل واتجهو لشغلهم ولفت نجد لرعد الي جالس على كرسيه وتقدمت تجلس على الطاوله وقالت:رعد فكر فيها اخوان فهد ليه يبونها واذا كانو ناوين الانتقام كلهم كان فهد دخل معهم بالانتقام وماخبى عن اخوانه
رعد:نجد لاتمجدين فعلة فهد وترفعين له
نجد:رعد حبيبي احيانا الشخص يضطر يعمل تصرف غلط بس إذا كان لحمايه روح هذا الشي نعتبره غلطه بسيطه لتجنب كارثه اكبر
رعد:ما اقدر أسامح فهد
نجد:نبي نسحب مشعل ومحسن هنا ويقرون على سبب رغبت أبائهم في خطف اسماء
رعد:راح أجيبهم ي نجد بس فهد لو كان هو السبب عقوبة علي
نجد:رعد كلنا شفنا فهد في اول لقاء كان يختلف واجد عن اخوانه كان رجال وماخاف ابد والرجال لايمكن يأذي بنت ضعيفه
رعد قرب وجهه من وجهه:كمان امدحيه زياده عشان أولع فيه
ضحكت نجد بقوه وهي تناظر بوجهه الغيران وقال رعد:ترا مافي شي يضحك
كبحت نجد ابتسامتها وهي تسحب خدوده:عمري الغيور
رعد ابتسم بخفيف يناظر عيونها ومالت نجد عليه تبوسه قريب مبسمه:مايملى عين نجد غير رعودها
ابتسم رعد وهو يمسك يدها يبوسها ووقفت نجد تتجهه لشغلها
عند اسماء الي فتحت من حست الدنيا منوره وهي تناضر نفسها رفعت راسها وهي تشوف ذقن رجال وريحه عطر رجالي طالعت وهي تشوف نفسها بحضنه  ضربت صدره بقوه وهي تبعد عنه وفتح عيونه فهد بخوف وهو يشوفها تناظره وهي ترجف تذمر فهد من فجعتها له:الله يصلحك احد يصحي احد كذا
قربت اسماء من وجهه تخصر:لا اش رايك اصحيك ببوسه؟
فهد ابتسم بقوه:ما اقول لا
ضربت اسماء خده وفز فهد يجلس:ها ايش ذا الحركات ؟
اسماء:تستاهل عشان تعرف تكلم بأدب
فهد:في احد يرفض انه يصحى على بوسه اكيد لا
اسماء وقفت:اولاً عن الخباثه ثانياً ليه منيمني بحضنك وثالثاً ليه تجي تنام بالصندوق أنا سبقتك اول
فهد :يوه اسماء اسألتك كثيره مره
اسماء تضرب رجلها بقهر من تذمره:ولسا راح اسال واسأل حتى تجاوبني على كل اسئلتي
جت بتمشي من جنبه بتنزل من السياره بس مسك معصم يدها وهو يسحبها يجلسها بحضنه وتوسعت عيون اسماء بصدمه وحاولت تقاومه بس كان محاوطها بقوه وقال وهو يناظر عيونها ومبتسم:راح يجي يوم أجاوبك على كل اسئلتك بس لاتبدين صباحك بعصبيه
اسماء وهي تحس قلبها صار يدق بسرعه ونزلت نظرها تشوف قلبها ورجعت ناظرت بفهد ابتسم فهد وهو يرفع شعرها ورى أذنها وقال:صبحي عشان صباحي يبتدي
اسماء وهي محروجه من قربه :انت مآكل شي البارح ؟
ضحك فهد:هههههههههه ليه
اسماء:ما انت صاحي فجأة صرت حنون ورومنسي وبعد عني احسن لك
فهد تركها وهي توقف وقال:والله في وحده مأكلتني فطيره إذا حاطه شي لي فيها مااعرف لان حتى أنا أحس اني مو طبيعي اليوم
اسماء:والله ذا تفكيرك
فهد:سألتيني وش مأكل قلت الي أكلته
انقهرت اسماء من كلامه وهي تقرب منه وترفع يدينها لرقبته على اساس بتخنقه بس نزلت يدينها وهي تضرب برجلها في الارض ونزلت من السياره معصبه
فهد بضحكه عليها وعلى منظرها الي يفتن:صلي وانتي ثايره من الصباح تقول ثور هايج
اسماء لفت عليه بصدمه :انا ثور ي البعير
ضحك فهد:هههههههههههه صلي وبعدها تيهي في الضلعان محد يردك
لفت اسماء بقهر واتجهت للخيمه تصلي
عند نجد ورعد بالمركز
دخل مشعل ومحسن بعد ما استدعوهم وعلى طول دخلو غرفه التحقيق
مسك رعد بيد نجد نفس العاده وتقدمو يدخلون غرفه التحقيق مشعل كان مرتاح جداً ولو خايف أبدا عكس محسن الي كان يرجف من خوفه وهو اول مره يدخلون غرفه تحقيق
رعد ابتسم وهو يجلس:اهلاً بالشباب
محسن كان يهز رجله بقلق ومشعل حط رجل على رجل وقال:اهلاً بالرعد
ضحك رعد وقال:انت ولد من ؟
مشعل وهو يبتسم:مقرن
رعد بتكشيره:منت على ابوك
مشعل:كيف
رعد ياخذ نفس:بك من قوه عمك فهد ومأخذ من عمك منصور شوفت النفس
ضحك مشعل:نقول الله يرحمه
رعد:امين والحين إذا ماحصلت اجابات سريعه ومنطقيه راح تودع عمك القوي وتترحم عليه
مشعل بتعقيده حواجب:عمي فهد ؟؟
رعد:ذكي ماشاءالله
مشعل:ههههههههههههه ذكائي طالع على مين؟
رعد:ههههههههههههههه اكيد مو على ابوك!!
مشعل وهو يكبح ابتسامته وحس هالنوع من الحوارات جدا يجذبه
رعد:ليه ابوك وعمك يبون يخطفون اسماء
مشعل بكل برود:انتقام
تعقدت حواجب رعد بحده:انتقام ايش وجدك جاي يصالحنا
مشعل:جدي مايعرف
رعد:يعني جدك مخلف تيوس ومو عارف
الكل ورى القزاز ميتين ضحك على رعد الي جالس يحاول يستفز مشعل بس مشعل كان شخصيه هاديه جداً ومتزنه
نجد:فهد خاطف اسماء
مشعل:ما اعرف شاكين
نجد:أنا اقول لك مو أسائلك
مشعل يتكي بيدينه على الطاوله يناظر عيون نجد:صدقيني انك مو متاكده والا ماكان جريتوني من بيتي حتى تسألون هالاسئله
رعد تنحنح ونزل نظره مشعل:السموحه مو من عاداتي احط عيني بعين حرمه بس اشهد ان حرمتك عن ميه رجال
ابتسم رعد وهو مايحب احد يمدح نجد وولعت غيرته نجد انتبهت لرعد وقالت:خويك ذابحه القلق
مشعل:اي هيبه المكان
رعد وقف:ع العموم حابين نعرف كل شي عن عمك فهد وياليت تدون كل بيناته عند سعود وخليك جاهز ممكن نطلبك في اي لحضه
مشعل:بغيتك بكلمه راس
طلع محسن ونجد ولف مشعل عليه وقال وهو يقرب من رعد:ماني مقتنع بالي ابوي وعمي يبون يسوونه لكن ابيك تعرف ان كان عمي فهد خاطف اختكم فترى قصده طيب عمي فهد رجال ومو حق هالحركات ابد
رعد:بس يعتبر خاطفها بنهايه الأمر وهذي عقوبتها كبيره كيف لو كانت المخطوفه اختي
مشعل:كلام وحبيت أوصله وانا حاب اريح قلبك إذا اختك مع عمي فهد صدقني انها بحمى رجال ومايمسها سوء
رعد ضرب كتفه:تشرفنا ي مشعل
مشعل:فهمت التصريفه ي الله سلام
طلع مشعل وانفجر رعد يضحك وهو انبسط مره بمشعل الي جاء على جوه مره
عند اسماء وفهد
صلت اسماء وبدلت وهي تحط وشاح على كتوفها من البرد وتطلع متجهه للخيمه الي فيها فهد وهي قررت انها ماتحاكيه ابد اليوم من قهرها منه
تقدمت تجلس مقابله وهي تناظره يصب لنفسه قهوه
ناظرها فهد:اصب لك
هزت راسها اسماء بايه صب فهد وهو يمد لها الكاسه وقرب التمر منها ودفعته اسماء له وهزت راسها بلا
فهد:قررتي تصومين عن الكلام اليوم؟
اسماء ترفع راسها بغرور بمعنى ايه
فهد بضحكه:ههههههههه يعني نزل عليك الإيمان اليوم وبيرتاح راسي من هذرتك
اسماء وهي تحاول ترفع يدينها وتنزلها وتاخذ شهيق وزفير عشان ما تعصب عليه وتكسر سكوتها وصمتها
فهد وهو ناوي يستفزها :هههههههههههههه وش قررتي تطيرين كمان
هنا اسماء ما تحملت وهي تصرخ:فهدددددددددددددد
فز فهد وهو يركض بشكل دائري بالخيمه وهو ميت ضحك عليها وهي منطلقه وراه واخيراً تعلقت بكتفه وهي تعضه بقوه وصرخ فهدد:اييييي ي مجنونه شنو أكله لحوم بشر كمان
اسماء:تستأهل عشان لاتنرفزني مره ثانيه
فهد بضحكه:خلاص اسف بس ترا مره مو لايق حركات الصمت العقابي ذي
اسماء بضحكه تضرب كتفه:قلك بعاقبك وعاقبت نفسي
ضحك فهد يحاوط كتفها يرجعون لمكانهم:أعرفك مستحيل تصبرين عن السوالف دقيقه
اسماء وهي تتأمل نفسها بحضنه وتناظره عن قرب وهو ماسك طرف ثوبه لمن كان هارب منها وتتأمل ملامح وجهه وشعره جلس وجلست اسماء بجنبه وهو لسا محاوط كتوفها وصب قهوه يمدها لها انتبه لابتسامتها وسرحانها بوجهه وقال بنفس نبرتها:مضيع شي بوجهي
ضحك فهد وضحكت اسماء وهي تضرب كتفه وترجع تتقهوى معه